2 Samuel 5:3 - AHYERƐLƐ KRONGRON

³ Mbanyi ne amukoraa wale Nana Dawide berɛ wɔ Hebron. Nana Dawide ne bɛ yɛle apam wɔ AWURADE nyunu wɔ Hebron, na bɛpopale Dawide ngoo bɛfale ye besili Yisrael so hene.

2 Samuel 5:3 Iomraidhean Croise

2 Samuel 2:4

Afei Yuda mmienzua wale bɛɛpopale Dawide ngoo, na bɛfale ye besili Yuda awuro ama so hene wɔ berɛ. Mmerɛ bɔ bɛbɔle Dawide amaneɛ kyɛ Yabese Gileadefoɛ yeɛ besiele Sɔɔlo nen,

2 Samuel 2:7

Yiti ɛ́mɔgyina pindinn ná ɛ́mɔmia ɛmɔ nye; ofikyɛ ɛmɔ mene Sɔɔlo awu, na Yuda awuro ama bapopa me ngoo bafa me bali bɛ so hene.”

2 Samuel 3:21

Na Abenɛ sele Dawide kyɛ, “Nana, me mene, maa ngɔmmoaboa Yisrael amukoraa bɛ noa ma wɔ. Bɛ ne wɔ kɔyɛ apam, na ekoli ebiala so hene kyɛbɔ ɛpena ɔ.” Na Dawide ne Abenɛ lili ngraa maa osili nu hɔle asomdwee nu.

1 Ahemvo 1:34

Ɛ́mɔma ɔsɔfo Sadoke ne ngɔmhyɛlɛniɛ Natan bɛpopa ye ngoo bɛfa ye besi Yisrael so hene wɔ berɛ. Afei ɛ́mɔhu totorobɛndo ne, ná ɛmɔhã kyɛ, ‘Nana Solomon, wɔ ngoa so oo!’

2 Ahemvo 11:17

Yehoada yɛle apam tole AWURADE, yeɛ Nana Yoase ne maen ne b’afia, kyɛ odi kyɛ bɛyɛ AWURADE maen. Afei koso ɔyɛle apam tole Nana Yoase ne maen ne b’afia.

1 Aberɛso Dwirɛ 11:1

Afei Yisrael amukoraa bɛboale bɛ noa bɛhɔle Dawide berɛ wɔ Hebron. Na besele kyɛ, “Nana, yɛte wɔ bɔbɔ wɔ nnehyeɛ.

1 Aberɛso Dwirɛ 11:3

Yiti Yisrael mbanyi amukoraa bɛwale Nana Dawide berɛ wɔ Hebron, na Dawide ne bɛ yɛle apam wɔ AWURADE nyunu wɔ Hebron. Na bɛpopale Dawide ngoo bɛfale ye besili Yisrael so hene, kyɛbɔ AWURADE dwirɛ bɔ ɔnate Samuel so hane ne, ɔte ne ala.

1 Aberɛso Dwirɛ 28:4

AWURADE Yisrael Nyameɛ, ɔneaneane me nana abusuafoɛ nu yele me fale me sili Yisrael so hene afebɔɔ. Ofikyɛ ɔneane nu yele Yuda abusua kure kyɛ ɔla bɛ noa. Na Yuda awuro ama nu, ɔneane nu yele me baba awuro, yeɛ me baba mma mmienzua mɔ anu koso, ɔsɔle Nyameɛ nye kyɛ wamaa mali Yisrael amukoraa so hene ɔ.

2 Aberɛso Dwirɛ 23:16

Yehoada yɛle apam tole ye ne maen ne amukoraa ne Nana Yoase b’afia, kyɛ odi kyɛ bɛyɛ AWURADE maen.

Nehemia 9:38

“Ɔnate ɛhe amukoraa ti, yahyɛ bɔ kitii yahyerɛ yagua nwomaa so. Sɔ nwomaa ne, yɛ mbanyi mɔ, yɛ Lewifoɛ mɔ ne y’asɔfo mɔ yeɛ bafa bɛ nzɔanoɛ basɔ ye noa ɔ.

Ɛksadɔso 3:16

Kɔ! Kɔboaboa Yisrael mbanyi mɔ noa, ná kã kyire bɛ kyɛ, ‘AWURADE ɛmɔ nana mɔ Nyameɛ ne, Abraham Nyameɛ ne, Yisake Nyameɛ ne, Yakob Nyameɛ ne, waye ye nwo ali wahyire me. Ɔnwa: ‘Maanea ɛmɔ, na manwu nikyee bɔ bɛfa bɛyɔ ɛmɔ wɔ Misraim ne.

Yosua 10:36

Afei Yosua ne Yisrael ɛlɔen ne amukoraa befili Eglon bɛhɔle Hebron, na bɛfale koɛ bɛtetale ye.

Maenbulɛfoɛ 11:11

Yiti Yɛfeta ne Gileade mbanyi nemɔ sili nu bɛhɔle, na Gileadefoɛ bɔle ye bɛ so panyi ne safohene. Na Yɛfeta fale ye dwirɛ amukoraa tole AWURADE nyunu wɔ Misepa.

1 Samuel 11:15

Yiti mmenia ne amukoraati hɔle Gilgal, na bɛbɔle Sɔɔlo ohomoo besili ye hene wɔ AWURADE nyunu wɔ Gilgal. Bɛbɔle asomdwee afɔleɛ berɛ wɔ AWURADE nyunu, na Sɔɔlo ne Yisraelfoɛ amukoraati nye gyele paa wɔ berɛ.

1 Samuel 16:13

Afei Samuel fale ɛpopalɛ ngoo towaa ne, na ohwiele ngoo ne guale Dawide ti so wɔ oliɛma nemɔ anyunu berɛ. Na ofi sɔ kyẽa ne bɔ ɔkɔ ne, AWURADE Sunzum kanyane Dawide paa. Afei Samuel sili nu hɔle Rama.

1 Samuel 23:18

Afei bɛ munyɔ bɛyɛle apam wɔ AWURADE nyunu. Dawide tenane Horese berɛ, yeɛ Yonatan koso osa hɔle ye awuro.