2 Samuel 5:23 - AHYERƐLƐ KRONGRON

²³ Dawide bisale AWURADE, na obuale kyɛ, “Nnɛkɔ wɔ nyunu tee, na mmom kakyi wɔ nwo kɔfa bɛ si. Kɔ bɛ so wɔ mmakaa bɔ bɛfrɛ ye basam ne ndendeneɛ so.

2 Samuel 5:23 Iomraidhean Croise

2 Samuel 2:1

Ɛhe asi ne, Dawide bisale AWURADE kyɛ, “Aso ngɔ Yuda nguro nemɔ ko aso anaa?” Na AWURADE buale ye kyɛ, “Yoo, kɔ.” Yeɛ Dawide sa bisale kyɛ, “Bɛ nu beni yeɛ ngɔ so ɔ?” Na obuale kyɛ, “Hebron.”

2 Samuel 5:19

Na Dawide bisale AWURADE kyɛ, “Mva koɛ ngɔndoa Filistifoɛ anaa? Ɛkɔfa bɛ kowura me sa anaa?” Yeɛ AWURADE buale Dawide kyɛ, “Kɔ, ngɔfa Filistifoɛ ngowura wɔ sa amba.”

1 Aberɛso Dwirɛ 14:14

Na Dawide sa bisale Nyameɛ nen, Nyameɛ buale ye kyɛ, “Nnɛkɔ wɔ nyunu tee, na mmom kakyi wɔ nwo kɔfa bɛ si, ná kɔ bɛ so wɔ mmakaa bɔ bɛfrɛ ye basam ne ndendeneɛ so.

Yosua 8:2

Nikyee bɔ ɛfa yɔle Yeriko ne ye hene nen, sɔ ala yeɛ fa yɔ Aye ne ye hene ɔ. Koɛ nu nzesadeɛ ne nyɛmmoa bɔ bɛwɔ nu ne, bɛ ngome yeɛ ɔsɛ kyɛ ɛmɔfa ɔ. Ma mmenia bɛɛtɛ kuro ne wɔ ye si dɔ.”

Yosua 8:7

na ɛmɔ koso, odi kyɛ ɛmɔfi nekaa bɔ ɛmɔtetɛ ne befite, ná ɛmɔkɔfa kuro ne; ofikyɛ AWURADE ɛmɔ Nyameɛ kɔfa kɔma ɛmɔ.

1 Samuel 22:15

Aso ɛnɛ angome yeɛ mabisa Nyameɛ berɛ dwirɛ mama ye ɔ? Daabi, nna ɛnɛ angome ɔ. Nana, ɛhe de, nnɛfa edwirɛ he susu wɔ somvoɛ, anaa me se abusuaniɛ biala. Ofikyɛ, né wɔ somvoɛ nze edwirɛ he anwo hwee, kyɛ ɔte edwirɛ piri oo, anaa kaaba bie oo.”

1 Samuel 23:2

Na Dawide bisale AWURADE kyɛ, “Me ne Filistifoɛ hemɔ yɛɛho anaa?” Yeɛ AWURADE buale Dawide kyɛ, “Ɛne bɛ bɛɛho na de Keila kuro ne.”