2 Samuel 5:22 - AHYERƐLƐ KRONGRON

²² Filistifoɛ sa hɔle bieku bɛɛyɛle Refaim bɔnza ne anu mitimiti.

2 Samuel 5:22 Iomraidhean Croise

2 Samuel 21:15

Filistifoɛ ne Yisrael sa fale koɛ tetale so. Dawide ne ye koɛhonɛfoɛ nemɔ yeɛ bɛhɔle koɛ ne ɔ. Bɛ ne Filistifoɛ hone, na nziɛ ye, né Dawide afɛ paa.

2 Samuel 23:13

Na atokoɔ telɛ mmerɛ dwuli ne, koɛhonɛfoɛ atitire aburasa ne, bɛ nu nza hɔle Dawide berɛ wɔ nyɔboɛ bɔ wasi sua wɔ Adulam ne anu. Sɔ mmerɛ ne, né Filistifoɛ fekue bie baakyekye asikyeleɛ wɔ Refaim bɔnza ne anu.

2 Samuel 5:18

Filistifoɛ nemɔ wale bɛɛyɛle Refaim bɔnza ne anu mitimiti.

1 Ahemvo 20:22

Yeɛ ngɔmhyɛlɛniɛ ne wale Yisrael hene berɛ oosele ye kyɛ, “Kɔboaboa wɔ nwo, ná bɔ odi kyɛ ɛyɔ ne, dwene ye nwo yé, ofikyɛ afoɛnoa bekye sɔa Siria hene kosa kɔfa koɛ kɔɔtoa wɔ.”

1 Aberɛso Dwirɛ 14:13

Filistifoɛ nemɔ sa wale bieku bɛɛtetɛle wɔ bɔnza ne anu.

Yesaya 17:5

Ɔkɔyɛ kyɛ aburoo bɔ ogyi berɛ bɔ kuaniɛ ɔfa ye sa pomba ye aleɛ ne ɔ, ɔkɔyɛ kyɛ ɛmo bɔ kuaniɛ ɔte ye si ne wɔ Refaim bɔnza nu ɔ.

Yosua 15:8

Ɛwɛen ne fo kɔfa Hinom Awa bɔnza ne anu, wɔ Yebusifoɛ bokaa ne ngwaen dɔ (bɔ ye ole Yerusalem). Bokaa bɔ ɔwɔ Hinom bɔnza ndendeneɛ so ne, ɛwɛen ne nate ye anwuro dɔ, wɔ eyia atɔleɛ, wɔ Refaim bɔnza ne sorɔ dɔ.