2 Samuel 5:21 - AHYERƐLƐ KRONGRON

²¹ Filistifoɛ nwatili bɛyakyili bɛ mmosoen berɛ, na Dawide ne ye koɛhonɛfoɛ nemɔ sesale bɛ hɔle.

2 Samuel 5:21 Iomraidhean Croise

Yesaya 37:19

bagyi maen maen mɔ bɛ nyameɛ mɔ bagua see nu, ofikyɛ bɛ de bɛtte nyameɛ huu, na mmom bɛte kuro sona ye sa noa adwuma bɔ wafa bakaa ne nyɔboɛ wayɔ ɔ. Na ɔnate sɔ ati yeɛ basɛkye bɛ ɔ.

Yeremia 43:12

Ngɔfa see ngɔto Misraim nyameɛ mɔ b’asɔneyɛɛ sua nemɔ anu. Nebukadenesa kɔyera bɛ kɔhye bɛ nnure kɔhɔ. Na ɔkɔfa Misraim aseɛ kɔhera, kyɛbɔ mmoaenneafoɛ ɔfa ye tena ɔkera ɔ. Na okofi berɛ kɔhɔ asomdwee nu.

Yeremia 48:7

Ofikyɛ, ɔnate kyɛ afa wɔ nwo ato wɔ nnwumaa ne wɔ anwonyadeɛ so ne ati, wɔ koso bɛkɔhye wɔ bɛkɔhɔ; na bɛkɔhye Kemose nnure bɛkɔhɔ, ɔne ye asɔfo mɔ ne ye atitire mɔ bɔ bɛboka ye so ɔ.

Daniel 11:8

Okosa kɔsesa bɛ mmosoen, b’amoen mɔ bɔ bahuro nikyee bafa bayɔ ɔ, b’ɛdwetɛ ne sikaa kɔkorɛ mbembenanneɛ kɔhɔ Misraim. Na afei afoɛ pee kɔpɛ nu bɔ ɔngɔfa koɛ ngɔtoa sorɔ dɔ hene ne ɔ.

Deuteronomi 7:25

Amoen mɔ bɔ bafa bayɛ bɛ nyameɛ mɔ ne, ɛ́mɔfa see bɛ́yera bɛ. Nnɛma wɔ nye boro ɛdwetɛ anaa esikaa kɔkorɛ bɔ bafa baboro amoen nemɔ nwo ne, ná amva bie ma wanyɛ ngaen wangye wɔ, ofikyɛ ɔte AWURADE wɔ Nyameɛ akyiwadeɛ.

Deuteronomi 7:5

Nakoso bɔ ɔsɛ kyɛ ɛmɔfa bɛyɔ bɛ hɔ ɛhe: Ɛ́mɔdwiri b’afɔleɛ bokyea nemɔ bégua, ná ɛ́mɔbubu bɛ bonima nemɔ nu gɔsɔgɔsɔ; ɛ́mɔpepɛ bosoen Asera dosii nemɔ bégua, ná ɛ́mɔfa see bɛ́yera b’amoen nemɔ.