2 Samuel 5:12 - AHYERƐLƐ KRONGRON

¹² Afei Dawide nwuni ye kyɛ AWURADE afa ye asi Yisrael so hene, na ɔnate AWURADE maen Yisrael ti, AWURADE apagya ye Dawide ahennie ne.

2 Samuel 5:12 Iomraidhean Croise

2 Samuel 5:11

Tiro hene Hiram tuli mmenia maa bɛhɔle Dawide berɛ. Bɛfale sida mmakaa bɛɛmane ye. Bakaa dwumvoɛ mɔ ne suasilɛfoɛ boka so yeɛ bɛhɔle ɔ, na besili awuro bɛmane Dawide.

2 Samuel 5:13

Dawide tu fili Hebron wale nen, ye si ye ɔfale sómaa pee, na ogyale mmraa koso pee wɔ Yerusalem. Dawide wole mmaa mmienzua ne mmrasua pee.

2 Samuel 7:16

Wɔ boso ama ne w’ahennie kotindim afebɔɔ wɔ me nyunu, na wɔ bia kotindim afebɔɔ.”

1 Ahemvo 10:9

Animnyam hã AWURADE wɔ Nyameɛ bɔ wahuro wɔ dwirɛ, ná wafa wɔ wasie Yisrael bia so ɔ! Ɔnate kyɛ AWURADE hurole Yisrael dwirɛ afebɔɔ ne ati, wamaa ali hene kyɛ ɛfa ndɛen turoloobualɛ ne bra bɔ ɔtengyɛ ɔ ebu maen ne.”

1 Aberɛso Dwirɛ 14:2

Afei Dawide nwuni ye kyɛ AWURADE afa ye asi Yisrael so hene, na ɔnate AWURADE maen Yisrael ti, AWURADE ama ye, Dawide ahennie atindim.

2 Aberɛso Dwirɛ 2:11

Yeɛ Tiro hene Hiram hyerɛle krataa fale mmuayɛɛ ɔɔmane Solomon kyɛ, “Ɔnate kyɛ AWURADE kuro ye maen dwirɛ ne ati, wama aali bɛ so hene.”

Ɛseta 4:14

Ofikyɛ sɛ ɛkã wɔ noa to nu wɔ mmerɛ bɔ ɔte sɔaa nu a, mmokalɛ ne ngoalelɛ kofi neka foforɛ kɔwa kɔma Yudafoɛ, nakoso ɛne ɛse abusuafoɛ de, ɛmɔ boso konua. Nwa yeɛ ɔse ɔ? Ebiaa mmerɛ bɔ ɔte sɔaa ati yeɛ anya ɛhemmaa dibea ye ɔ.”

Daniel 2:30

Na me de, nna kyɛ nworɛ yeɛ mese metra ateasefoɛ amukoraa ti ɔ, yeɛ ɔmaa ɔnate so waye sɔ mvealeɛ nu dwirɛ he wahyire me ɔ. Na mmom, Nana, kyɛbɔ ɔkɔyɛ bɔ bekohyire ye bo bekohyire wɔ, ná afei ate edwirɛ bɔ ɔwale wɔ ti anu ne abo ti ɔ.

Numeri 24:7

Nzue kofi ye bua nu kɔtengyɛ, na ye boso ama konya nzue pee, ye hene kɔyɛ titire kɔtra Agage, na ye ahennie konya ngɔsoɛ.