2 Samuel 5:10 - AHYERƐLƐ KRONGRON

¹⁰ Dawide hɔle so nyane ngɔsoɛ, ofikyɛ AWURADE, Asafo Nyameɛ gyinane ye si.

2 Samuel 5:10 Iomraidhean Croise

Gyenesise 21:22

Sɔ mmerɛ ne, Abimɛlɛke ne ye safohene Fikol beesele Abraham kyɛ, “Nyameɛ li wɔ si wɔ nikyee biala bɔ ɛyɔ nu;

2 Samuel 3:1

Koɛ bɔ ɔtɔle Sɔɔlo awuro ama ne Dawide awuro ama b’afia ne, ɔhɔle so hyɛle. Dawide hɔle so nyane ngɔsoɛ, nakoso Sɔɔlo sasofoɛ de, bɛhɔle so bɛhɔle ase.

2 Samuel 7:9

Magyina wɔ si wɔ nekaa biala bɔ ɛhɔle ɔ, maprapra wɔ pɔfoɛ amukoraa mafi w’atee nu, na mapagya wɔ dumaa maa wayɛ kyɛ aseɛ ye aso atitirefoɛ bɛ dumaa.

2 Samuel 8:14

Ɔmane ye koɛhonɛfoɛ bɛɛkyekyele asikyeleɛ wɔ Edom. Bɛkyekyele ye wɔ Edom amukoraa, na Edomfoɛ amukoraa bɛɛyɛle Dawide ngoaa. Na AWURADE mane Dawide lili ngonim wɔ koɛ biala bɔ ɔhone ɔ nu.

2 Samuel 8:6

Afei Dawide ɔɔkyekyele koɛhonɛfoɛ asikyeleɛ mɔ wɔ Damasko bɔ ɔwɔ Siria. Na Siriafoɛ bɛɛyɛle Dawide ngoaa bɔ né betua ɛtoɔ bɛma ye ɔ. Na AWURADE mane Dawide lili ngonim wɔ koɛ biala bɔ ɔhone ɔ nu.

YOB NWOMAA NE 17:9

Nakoso sona bɔ ɔtengyɛ de, ye atee so yeɛ ɔnate ɔ, yeɛ bɛ bɔ bɛ bra te sannwuu ne, bɛkɔ so benya anwoserɛ.

Edwein 24:10

Nwa yeɛ ɔte sɔ animnyam Hene ne ɔ? Asafo AWURADE ɔ, ye yeɛ ɔte animnyam Hene ne ɔ. Sela

Edwein 46:11

Asafo AWURADE gyi yɛ si; Yakob Nyameɛ te y’anwoserɛ afealeɛ. Sela

Edwein 46:7

Asafo AWURADE gyi yɛ si; Yakob Nyameɛ te y’anwoserɛ afealeɛ. Sela

Anyandera 4:18

Nakoso teneneefoɛ de, b’atee te kyɛ ngyerɛmɔ yia bɔ wapukye ɔ, na ɔbɔ toonn kodwu eyia ketee.

Yesaya 9:7

Ye ahennie, yeɛ ye asomdwee kɔhɔ so kɔtrɛ bɔ olle ayieleɛ ɔ; ɔkɔtena Dawide ahennie bia ne aso, okoli ye ahennie ne aso, na ɔkɔfa pɛpɛɛpɛyɛlɛ ne tenenee koli bia ne maa okotindim kogyina, ofi kekesaala ye maa okoodwu afebɔɔ. Asafo AWURADE ye nungunɛhwenɛ sonongo ne yeɛ ɔkɔyɔ ɛhe ɔ.

Hagae 2:4

Nakoso afei de, Serubabɛl, si wɔ hue, AWURADE noa dwirɛ ɛne; Yehosadake awa ɔsɔfo panyi Yosua, si wɔ hue; yeɛ aseɛ ne aso ama mukoraa, ɛ́mɔsi ɛmɔ hue, AWURADE noa dwirɛ ɛne. Ɛ́mɔyɔ adwuma ne, ofikyɛ ngyi ɛmɔ si, Asafo AWURADE noa dwirɛ ɛne.

Luka 2:52

Na Yesu nyini nworɛ ne nipadua nu, yeɛ onyane adom wɔ Nyameɛ ne sona nyunu.

Romanfoɛ 8:31

Afei nzikyɛ yeɛ yɛkɔhã kɔfa ɛhemɔ nwo ɔ? Sɛ Nyameɛ gyi yɛ si a, nwa yeɛ ɔkɔho kotia yɛ ɔ.

1 Samuel 18:12

Né Sɔɔlo suro Dawide, ofikyɛ né AWURADE gyi Dawide si; nakoso Sɔɔlo de, né AWURADE aye ye sa wafi ye bo.

1 Samuel 18:14

Dawide nyane ngɔsoɛ wɔ bɔ ɔyɔle amukoraati nu, ofikyɛ AWURADE lili ye si.

1 Samuel 18:5

Koɛ biala bɔ Sɔɔlo somane Dawide maa ɔɔhone ne, olili ngonim, yiti Sɔɔlo maa ɔlale koɛhonɛfoɛ nemɔ noa. Na ɛhe yɛle koɛhonɛfoɛ ne amukoraa ne Sɔɔlo somvoɛ nemɔ po fɛ.