2 Samuel 4:6 - AHYERƐLƐ KRONGRON

⁶ Sona bɔ ɔwɛne awuro berɛ anoa ne, né ɔpa atokoɔ nu, nakoso nnaa wuale ye, yiti Rekabo ne oliɛma Baana bɛhɔle awuro berɛ kudɛɛ [kyɛ mmenia bɔ bɛkwaafa atokoɔ ɔ. Bɛwɔle ye kunu dadeɛ, na bɛnwati bɛhɔle.]

2 Samuel 4:6 Iomraidhean Croise

2 Samuel 2:23

Nakoso Asahel anyakyi ye foalɛ. Yiti Abenɛ fale ye pealɛɛ ne bo wɔle Asahel kunu maa ofitele ye si. Na owu tɔle berɛ ala. Na ebiala bɔ oodwuli nekaa bɔ Asahel ho tɔle ne, ogyinane berɛ konn.

2 Samuel 20:10

Nakoso Amasa annwu kyɛ Yoabo tira ngrandɛ ɔ. Yoabo fa wɔle Amasa kunu mane ye nyaa tu guale, na owuli. Wanwɔ ye pɛen nyɔ. Afei Yoabo ne oliɛma Abisae bɛpole Bikri awa Hyeba so.

2 Samuel 3:27

Abenɛ sa wale Hebron nen, Yoabo ne ye bɛhɔle kuro berɛ pambim ne ahameɛ, kyɛ ɔne ye bɛkwaatu asure. Na Yoabo wɔle Abenɛ kunu dadeɛ huni ye, ɔnate kyɛ né Abenɛ aha Yoabo aliɛma Asahel mogya wagua.

2 Samuel 4:2

Sɔɔlo awa ne, ye mmenia bɔ bɛbɔ apaa ne, né ole mmenia nyɔ bɔ bɛla bɛ noa ɔ. Ko dumaa li Baana, yeɛ ko wora li Rekabo. Bɛte Benyaminniɛ Rimon bɔ ofi Beerote ne ye mma. Né mmenia bu Beerote kyɛ ɔte Benyaminfoɛ kuro.

Maenbulɛfoɛ 3:26

Na mmerɛ bɔ né bɛnwondɛ ne, Ehude nwatili ɔɔpɛle nu wɔ nyɔboɛ amoen ne anwo hɔle Seyira.