2 Samuel 4:4 - AHYERƐLƐ KRONGRON

⁴ Né Sɔɔlo awa Yonatan le baa bienzua bubuaniɛ bie. Oli Mefibosɛte. Mmenia fili Yesreel bɛɛbɔle amaneɛ kyɛ Sɔɔlo ne Yonatan bawu nen, né Mefibosɛte ali afoɛ nnu. Baanealɛniɛ bɔ ɔnea ye ne pagyale ye nwatili. Na ndɛndɛ so bɔ ɔnwati nen, Mefibosɛte te tɔle, na ɔyɛle bubuaniɛ.

2 Samuel 4:4 Iomraidhean Croise

2 Samuel 21:7

Nakoso Sɔɔlo anomaa Mefibosɛte bɔ ɔte Yonatan awa ne de, Nana Dawide maa onyane ye ti didili nu, ɔnate kyɛ né Dawide ne Sɔɔlo awa Yonatan bɛ munyɔ bafa AWURADE bata bɛ nwo ndaen.

2 Samuel 9:13

Na Mefibosɛte tenane Yerusalem, ofikyɛ né ɔne Nana Dawide bɛtena ɛpoen ko anwo bedidi daa biala. Né ye gya ne amunyɔ bɛtte mayee.

2 Samuel 9:3

Na Nana Dawide bisale ye kyɛ, “Aso Sɔɔlo bosoniɛ bie tɛ wɔ berɛ bɔ ngɔhora ngɔfa me nye ngɔto Nyameɛ anwumvoinnwunɛ so ngɔboka ye ɔ?” Na Siba buale Nana Dawide kyɛ, “Waha Yonatan awa bienzua ko; ɔte bubuaniɛ.”

2 Samuel 9:6

Na Sɔɔlo awa Yonatan ɔwa Mefibosɛte oodwuli Dawide nyunu berɛ ne, ɔfale ye nyunu butuli berɛ anidie nu. Yeɛ Dawide frɛle ye kyɛ, “Mefibosɛte!” Na osurole kyɛ, “Nana, w’akoaa, me ɛhe.”

1 Ahemvo 11:17

Nakoso Hadade, bɔ sɔ mmerɛ ne né ɔte abɛɛmaa, ɔne Edomfoɛ biemɔ bɔ bɛte ye baba somvoɛ ne de, bɛnwatili bɛɛbɔle bɛ nwo adwaa wɔ Misraim.

1 Aberɛso Dwirɛ 8:34

Yonatan awa bienzua ole Meribaal, yeɛ Meribaal wole Mika.

1 Aberɛso Dwirɛ 9:40

Yonatan wole Meribaal; yeɛ Meribaal wole Mika.

1 Samuel 29:1

Afei Filistifoɛ boaboale bɛ koɛhonɛfoɛ amukoraati noa wɔ Afeke, yeɛ Yisraelfoɛ koso bɛkyekyele asikyeleɛ wɔ mbombonzue bɔ ɔwɔ Yesreel ne anwo.

1 Samuel 29:11

Yiti Dawide ne ye mmenia nemɔ sili nu alebahyene kyɛ besa bɛkɔ Filistifoɛ aseɛ so. Nakoso Filistifoɛ nemɔ de, bɛhɔle Yesreel.