2 Samuel 4:11 - AHYERƐLƐ KRONGRON

¹¹ Na sɛ nzɛmmɔnefoɛ ahu sona bɔ ɔtengyɛ, wɔ ye bɔbɔ ye awuro, wɔ ye mba so a, ye de ngotua bɛ so kerɛ piri paa! Ɔnate ehunɛ bɔ ɛmɔahu ye ne ati, ngotua ɛmɔ so kerɛ, na ngɔye ɛmɔ ngofi aseɛ ye aso.”

2 Samuel 4:11 Iomraidhean Croise

Gyenesise 4:11

Na aseɛ bɔ wabukye ye noa nu wano eliɛma ne mogya bɔ ɛha guale nen, musue ato wɔ wɔ so.

Gyenesise 6:13

Na Nyameɛ sele Nowa kyɛ, “Mayɛ m’adwene kyɛ ngonua kuro sona boso, ofikyɛ ɔnate bɛ ti basabasa ayi aseɛ so tɛkyɛ; na ngɔsɛkye bɛ ne aseɛ.

Gyenesise 7:23

Na nikyee biala bɔ ɔwɔ aseɛ ye aso bɔ ngoa wɔ ye nu ne, Nyameɛ nuane ye boso: kuro sona, ngaka, ngaka bɔ bɛtwe bɛ nwo ase, ewienu nnomaa, onuane bɛ boso fili aseɛ ye aso. Na ɔhale Nowa ngome ne bɛ bɔ bɛboka ye so ne ala.

2 Samuel 16:8

Sɔɔlo bɔ atu ye ali ye bia ne, ye abusuafoɛ mogya mukoraa bɔ aha agua ne, AWURADE atua wɔ so kerɛ! AWURADE ale ahennie ne wafi wɔ sa nu wama ɛwa Absalom. Abue yeɛ wabu wɔ ɔ, ofikyɛ ɛte kodiawuniɛ!”

2 Samuel 3:27

Abenɛ sa wale Hebron nen, Yoabo ne ye bɛhɔle kuro berɛ pambim ne ahameɛ, kyɛ ɔne ye bɛkwaatu asure. Na Yoabo wɔle Abenɛ kunu dadeɛ huni ye, ɔnate kyɛ né Abenɛ aha Yoabo aliɛma Asahel mogya wagua.

2 Samuel 3:39

Ɔwɔ nu kyɛ bapopa me ngoo bafa me basi hene de, nakoso ɛnɛ de, Seruya mma nemɔ bama me nwo ahyere me. Sɔ mmenia hemɔ, mebɔ bɛ kyɛnn so a ɔmmɔ. Na sona bɔ ɔyɔ bɔne ne, AWURADE kotua ye kerɛ kyɛbɔ ye bɔne yɔleɛ te ɔ!”

1 Ahemvo 2:32

Mogya ahoroɔ bɔ benni fɔ bɔ wahã wagua ne, AWURADE kɔmaa ɔkɔbɔ ye bɔbɔ ye ti so. Ofikyɛ ɔhwene ngrandɛ huni mmienzua nyɔ bɔ bɛtengyɛ ná bɛte paa bɛtra ye ɔ, wɔ mmerɛ bɔ né me baba Dawide ɔnze ye nwo hwee ɔ. Bɛ yeɛ ole Nɛɛ awa Abenɛ bɔ né ɔte Yisrael koɛhonɛfoɛ safohene, ɔne Yeta awa Amasa, bɔ né ɔte Yuda koɛhonɛfoɛ safohene ne.

Edwein 109:15

Bɛ bɔne ne, ɔ́tena AWURADE nyunu daa, na bɛ boso ngayeɛ okyikyi fi aseɛ ye aso.

Edwein 9:12

Ofikyɛ ye bɔ ɔtɔ mogya so wereɛ ne, ɔkaye bɛ bɔ bɛwɔ amaneɛ nu ɔ, na ɔmma ye wora mvi bɛ sufrɛ.

Ɛksadɔso 21:12

“Ebiala bɔ ɔkɔbɔ obiɛngo maa okowu nen, ye wora bekohu ye bie.

Ɛksadɔso 9:15

Na sɛ matengyɛ me sa mama ewue anwonyerɛ abɔ wɔ ne wɔ mmenia a, ahaa bekye awu afi aseɛ ye aso.

Anyandera 2:22

nakoso bɔnefoɛ de, bekonua bɛ boso bekofi aseɛ so, na amumuyɛɛfoɛ wora, bɛkɔprapra bɛ boso bekofi so.

Anyandera 25:26

Teneneeniɛ bɔ ɔkɔma ye nwo ate kɔma bɔnefoɛ kɔsɛkye ye ne, ɔte kyɛ mbombonzue bɔ baponda ye, anaa abura nu nzue bɔ basɛkye ye ɔ.

Yeremia 10:11

Yiti ɛmɔhã behyire bɛ kyɛ, nyameɛ mɔ bɔ nna bɛ yeɛ bɛbɔle anwuro ne aseɛ ne, bɛ boso kotu komini kofi aseɛ ye aso ne ewienu abo.

Habakuku 1:12

Ao, AWURADE me Nyameɛ, me Krongronniɛ, aso nna wɔ yeɛ ɛwɔ berɛ fi tetetete bɔ olle ahyɛaseɛ ɔ? Yɛngowu. Ao AWURADE, atu bɛ asie berɛ kyɛ bebua yɛ ndɛen; ao Nyɔbotaen, ama bɛ bo atimu kyɛ bɛhwe yɛ so.

Habakuku 1:4

Yiti mmeraa ne, ɔnyɛ adwuma, yeɛ ndɛenbualɛ turoloo nne berɛ, ofikyɛ bɔnefoɛ bapɛ teneneefoɛ nwo babra bayia, na ndɛengyea yeɛ ɔkɔ so ɔ.

1 Yohane 3:12

Nnɛmɔyɛ kyɛ Kein bɔ ɔte abɔnzam sona, bɔ ohuni oliɛma ne. Na nzu ati yeɛ ohuni oliɛma ne ɔ? Ofikyɛ né ye yɔleɛ ndengyɛ, nakoso oliɛma ne deɛ de, né ɔtengyɛ.