2 Samuel 3:39 - AHYERƐLƐ KRONGRON

³⁹ Ɔwɔ nu kyɛ bapopa me ngoo bafa me basi hene de, nakoso ɛnɛ de, Seruya mma nemɔ bama me nwo ahyere me. Sɔ mmenia hemɔ, mebɔ bɛ kyɛnn so a ɔmmɔ. Na sona bɔ ɔyɔ bɔne ne, AWURADE kotua ye kerɛ kyɛbɔ ye bɔne yɔleɛ te ɔ!”

2 Samuel 3:39 Iomraidhean Croise

2 Samuel 16:10

Nakoso Nana Dawide buale ye kyɛ, “Ɛmɔ Seruya mma ye mɔ, me dwirɛ fa ɛmɔ nwo nzu? Amoen bɔ ɔ́boro ye, sɛ AWURADE yeɛ waha wahyire ye kyɛ, ‘Boro Dawide amoen,’ a, nwa yeɛ ɔkɔhora kobisa ye kyɛ, ‘Nzu ati yeɛ ɛ́yɔ sɔ ɔ?’ ”

2 Samuel 19:13

Ɛ́mɔsa bɛha behyire Amasa koso kyɛ, ‘Ɛte me dehyeɛ kaenn. Ofi ɛnɛ bɔ ɔkɔ ɔ, sɛ mamva wɔ manzi Yoabo gya nu mammɔ wɔ safohene wɔ me koɛhonɛfoɛ nemɔ aso a, Nyameɛ tua me kerɛ piri paa.’ ”

2 Samuel 19:22

Nakoso Dawide buale kyɛ, “Ɛmɔ Seruya mma ye mɔ, me dwirɛ fa ɛmɔ nwo nzu, bɔ ɛnɛ ɛmɔayɛ me pɔfoɛ ye? Aso ɛnɛ ɔsɛ kyɛ beku sona wɔ Yisrael anaa? Aso menze kyɛ ɛnɛ me yeɛ nde Yisrael so hene ɔ.”

2 Samuel 3:38

Na Nana Dawide sele ye mbanyi mɔ kyɛ, “Ɛmɔnze kyɛ sona titire bɔ ɔte safohene ɔ wawu ɛnɛ wɔ Yisrael ɔ?

1 Ahemvo 2:32

Mogya ahoroɔ bɔ benni fɔ bɔ wahã wagua ne, AWURADE kɔmaa ɔkɔbɔ ye bɔbɔ ye ti so. Ofikyɛ ɔhwene ngrandɛ huni mmienzua nyɔ bɔ bɛtengyɛ ná bɛte paa bɛtra ye ɔ, wɔ mmerɛ bɔ né me baba Dawide ɔnze ye nwo hwee ɔ. Bɛ yeɛ ole Nɛɛ awa Abenɛ bɔ né ɔte Yisrael koɛhonɛfoɛ safohene, ɔne Yeta awa Amasa, bɔ né ɔte Yuda koɛhonɛfoɛ safohene ne.

1 Ahemvo 2:9

Yiti nnɛmaa ɔfa ye nwo di tɔtorɔtɔɔ, ofikyɛ ɛte nworɛniɛ; ɛse nikyee bɔ odi kyɛ ɛfa yɔ ye ɔ. Nea kyɛ ɛkɔmaa bɛkɔhã ye mogya bekogua maa ɔkɔhɔ borɔ ɔ.”

1 Aberɛso Dwirɛ 22:5

Na Dawide hane kyɛ, “Mma Solomon te kãa, yeɛ afei onnya onnwuni nningyein nye so yé. Awuro bɔ yɛsi yɛma AWURADE ne koso, odi kyɛ ɔyɛ nyemene paa bɔ okole dumaa maa bɛkɔkamvo ye wɔ maen amukoraati so ɔ. Yiti odi kyɛ mepena ye silɛ nwo nningyein megua berɛ.” Yiti Dawide penane suasilɛ nningyein pee guale berɛ koraka yeɛ owu ɔ.

1 Aberɛso Dwirɛ 29:1

Nana Dawide sele maen ne amukoraa kyɛ, “Mma Solomon bɔ Nyameɛ waneanea nu waye ye ngome ne, ɔte akwadaa ná onnwuni nningyein nye so yé paa. Nakoso adwuma ne, ɔte piri paa, ofikyɛ sua ne, nna kuro sona sua ɔ, na mmom AWURADE Nyameɛ bɔbɔ deinn ye deɛ ɔ.

2 Aberɛso Dwirɛ 13:7

Na asanzafoɛ biemɔ bɔ bɛ nwo olle mvasoɛ ɔ bɛɛbokale ye so. Na mmerɛ bɔ Solomon awa Rehoboam ɔte akwadaa bɔ ye nye nyɛ se, bɔ né ɔngora ɔne bɛ mbem so ne, bɛho betiale ye.

Edwein 101:8

Ngyerɛmɔ biala, ngohũhũ aseɛ ne aso bɔnefoɛ amukoraa, amaa ɔnate so matu amumuyɛɛfoɛ amukoraa bɛ bo mafi AWURADE kuro ne anu.

Edwein 28:4

Nea bɛ yɔleɛ nwo ne b’amumuyɛɛ bra nwo ná tua bɛ kerɛ; nea bɛ sa noa adwuma nwo na tua bɛ kerɛ; ma bɛ akatuaa bɔ ɔfata bɛ ɔ.

Edwein 62:12

Na wɔ, ao AWURADE, ɔdɔ bɔ onni ngasi ne te wɔ deɛ, na etua sona biala kerɛ kyɛbɔ ye nnwumaa te ɔ.

Edwein 7:16

Ye musue bɔ ye bɔbɔ ye ti so, na basabasa bɔ wahyehyɛ ne, odwiri gua ye bɔbɔ ye ti so.

Edwein 75:10

Ngotu bɔnefoɛ b’anwoserɛ amukoraa bo, nakoso teneneefoɛ b’anwoserɛ de, ɔkɔhɔ anwuro.

Ɛksadɔso 21:12

“Ebiala bɔ ɔkɔbɔ obiɛngo maa okowu nen, ye wora bekohu ye bie.

Anyandera 20:8

Sɛ ɛhene tena ndɛenbualɛ bia so a, ɔfa ye nye kari nwu bɔ ɔte bɔne amukoraa.

Anyandera 25:5

Foa bɔnefoɛ ne fi ɛhene ne nyunu, na ye ahennie bia kotimu wɔ tenenee nu.

Yesaya 3:11

Nakoso bɔnefoɛ de, ye yaakɔ! Ye ayieleɛ te musue, ofikyɛ ye bɔne yɔleɛ ne, bɛkɔyɔ bie bekotua ye so kerɛ.

Yesaya 7:4

ná se ye kyɛ, Gyina pindinn, yɛ konn, nnɛsuro, yeɛ nnɛma wɔ kunu tete wɔ wɔ gyetia nyɔ hemɔ bɔ begye monɛɛmonɛɛ ne anwo, bɔ bɛ ole Sirianiɛ Resin ɔne Remalia awa ne bɛ yaa hahii bɔ bafɛ ne.

Yeremia 38:5

Na Nana Sedekia sele kyɛ, “Ɛ́mɔtie, ɔwɔ ɛmɔ sa nu, ofikyɛ me bɔ nde ɛhene ne, mengɔhora mengotu ɛmɔ noa dwirɛ mengogua.”

Daniel 6:16

Yeɛ ɛhene ne hyɛle maa bɛɛfale Daniel bɛwale, na begyili ye bɛtole gyata mɔ tuin ne anu. Na ɛhene ne sele Daniel kyɛ, “Wɔ Nyameɛ bɔ ɛso ye daa ne, ɔpepɛ le wɔ!”

Numeri 32:23

Nakoso sɛ ɛmɔanyɔ sɔ a, ye de ɛmɔayɔ bɔne batia AWURADE, na ɛ́mɔkaye kyɛ ɛmɔ bɔne nwo asohwenɛ kɔwa ɛmɔ so.

Romanfoɛ 13:4

Ofikyɛ wɔ yeeyɛlɛ ti bɛte Nyameɛ somvoɛ. Nakoso sɛ ɛyɔ bɔne de a, ye de ɔsɛ kyɛ esuro ɔ, ɔnate kyɛ bendira ɛhɔtɔ ne mbaen! Bɛte Nyameɛ somvoɛ bɔ bɛtɔ wereɛ bɛma bɛ yaafɛlɛ ba sona bɔ ɔyɔ bɔne so ɔ.

2 Timoteo 4:14

Kɔɔbere dwumvoɛ Aleksandro wafa edwirɛ bɔ ɔtte mayee koraa wali me. Awurade kotua ye kerɛ kyɛbɔ ye yɔleɛ te ɔ.

Maenbulɛfoɛ 9:57

Nyameɛ mane Sɛkemfoɛ bɛ bɔne amukoraa bɔle bɛ ti so, na Yerubaal awa Yotam ɛnomalɛ ne wale bɛ so.