2 Samuel 3:31 - AHYERƐLƐ KRONGRON

³¹ Yeɛ Dawide sele Yoabo ne koɛhonɛfoɛ amukoraa bɔ bɛboka ye so ne kyɛ, “Ɛ́mɔsunzua ɛmɔ ndaadeɛ nu, ɛ́mɔfa ɛsɛen tena bɛhera, ná ɛ́mɔsu Abenɛ.” Na Nana Dawide lili efuin alaka ne asi.

2 Samuel 3:31 Iomraidhean Croise

Gyenesise 37:29

Ruben sa wale abura ne anwo, na onwuni kyɛ Yosef nne nu ne, osunzuale ye ndaadeɛ nu;

Gyenesise 37:34

Yiti Yakob sunzuale ye ndaadeɛ nu, ɔfale ɛsɛen tena pɛle ye bo, na olili ɔwa ne wue nwo aworabɔlɛ ngyẽa pee.

2 Samuel 1:11

Yeɛ Dawide sɔle ye bɔbɔ ye ataadeɛ nu sunzuale nu, na ye mmenia bɔ bɛboka ye so ne amukoraa, besunzuale bɛ deɛ nu sɔ ala.

2 Samuel 1:2

Ye ɛlɛsa ne aso, biaa bie fili Sɔɔlo asikyeleɛ ne anu dɔ wale. Né ye ndaadeɛ nu asunzua, yeɛ né nnɛterɛ wɔ ye ti so. Oodwuli Dawide nyunu berɛ ne, ɔbɔle ye ti ase kotole ye.

1 Ahemvo 20:31

Ye mbanyi nemɔ sele ye kyɛ, “Yate kyɛ Yisrael ahemvo nemɔ, bɛte ahemvo bɔ bɛse anwumvoin ɔ. Maa yɛfa ɛsɛen tena yɛpɛ yɛ bo, yɛfa nyamaa yɛbɔ yɛ ti, ná yɛhɔ Yisrael hene berɛ. Ebiaa ɔkɔmaa ekonya wɔ ti kodidi nu.”

1 Ahemvo 21:27

Ahabo tele sɔ dwirɛ ne nen, osunzuale ye bɔbɔ ye ndaadeɛ nu, na ɔherale ɛsɛen tena. Ɔyɔle akɔngyere, ɛsɛen tena yeɛ ɔfa gurɔle ye nwo ɔ, na olili aworabɔlɛ.

2 Ahemvo 19:1

Nana Hesekia tele sɔ dwirɛ nen, osunzuale ye bɔbɔ ye ndaadeɛ nu, ɔherale ɛsɛen tena, na ɔhɔle AWURADE awuro berɛ.

2 Ahemvo 19:2

Ɔsomane Eliakim bɔ ɔnea ahemvie berɛ ne, ahyerɛlɛniɛ Sebena yeɛ asɔfo mbanyi mɔ maa bɛhɔle Amoso awa ngɔmhyɛlɛniɛ Yesaya berɛ. Bɛherale ɛsɛen tena yeɛ bɛhɔle ɔ.

Luka 7:14

Na ɔɔfale ye sa hane efui alaka ne, na bɛ bɔ bɛsõ alaka ne begyinane. Na ɔhane kyɛ, “Aberandeɛ, mekã mekyire wɔ kyɛ, dwɔso!”

Yosua 7:6

Ɛhe mane Yosua sunzuale ye ndaadeɛ nu, na ɔfale ye nyunu butuli aseɛnwo wɔ AWURADE alaka ne nyunu toonn maa oodwuli nɔsoa. Ɔne Yisrael mbanyi yeɛ bɛyɔle sɔ ɔ, na betuli mvuture beguale bɛ ti so.

Nyekyire 11:3

Na ngɔma m’adanzefoɛ nyɔ bɛkɔhera ɛsɛen tena bɛkɔhyɛ ngɔm ngyẽa apee ko ɛyaa nyɔ ne aburasia.”

Maenbulɛfoɛ 11:35

Yɛfeta nwuni ye pɛ, osunzuale ye bɔbɔ ye ndaadeɛ nu, na osele kyɛ, Yieee, mma, ate m’ahone! Afa edwirɛ awura me paa! Ofikyɛ mahyɛ AWURADE bɔ, na mengɔhora mengɔhwe mengosa.”