2 Samuel 3:29 - AHYERƐLƐ KRONGRON

²⁹ Ye nwo foɛlilɛ kɔbɔ Yoabo ti so, ɔne ɔse abusuafoɛ bɛ ti so. Sona bɔ ye bienzua fiti, anaa kwataniɛ, anaa sayɛɛ, anaa bɔ ɔtɔ ngrandɛ noa, anaa bɔ ye noa aleɛ abɔ ye ne, ebie ngɔpa Yoabo awuro le!”

2 Samuel 3:29 Iomraidhean Croise

2 Samuel 1:16

Na Dawide sele ye kyɛ, “Wɔ mogya kɔbɔ wɔ bɔbɔ wɔ ti so, ofikyɛ wɔ bɔbɔ ato wɔ noa nu tui aha abua wɔ nwo fɔ kyɛ, ‘Me yeɛ nguni sona bɔ AWURADE apopa ye ngoo ne ɔ.’ ”

2 Samuel 16:8

Sɔɔlo bɔ atu ye ali ye bia ne, ye abusuafoɛ mogya mukoraa bɔ aha agua ne, AWURADE atua wɔ so kerɛ! AWURADE ale ahennie ne wafi wɔ sa nu wama ɛwa Absalom. Abue yeɛ wabu wɔ ɔ, ofikyɛ ɛte kodiawuniɛ!”

2 Samuel 3:28

Nziɛ ye bɔ Dawide tele sɔ dwirɛ nen, ɔhane kyɛ, “Nɛɛ awa Abenɛ mogya ne, me ne m’ahennie yɛdi ye nwo be afebɔɔ wɔ AWURADE nyunu.

2 Ahemvo 5:1

Naaman te Siria hene ye koɛhonɛfoɛ so safohene. Né ɔte sona titire bɔ ye mene Siria hene kuro ye dwirɛ ɔ, ofikyɛ ɔnate ye so, AWURADE mane Siria lili ngonim wɔ koɛ nu. Ɔwɔ nu kyɛ né biaa ne te koɛhonɛniɛ titire paa de, nakoso né kwata anwonyerɛ ayɛ ye.

2 Ahemvo 5:27

Ɔnate ye sɔ ti, Naaman kwata anwonyerɛ ne kɔte kɔha wɔ ne wɔ boso ama so afebɔɔ.” Yiti Gehasi fili Elisa nyunu berɛ hɔle bɔ né kwata anwonyerɛ ayɛ ye ma ye nwo ayɛ horaenn kyɛ asukɔtwea ɔ.

Edwein 7:17

AWURADE tengyɛ, yiti ngɔfa asennaa bɔ ɔfata ye ɔ ngɔma ye, na AWURADE bɔ ɔwɔ anwuro anwuro ne, ngɔto dwein ngɔye ye dumaa ayɛ.

Ɛksadɔso 21:19

ná sɛ nziɛ ye, ye nwo sande ye maa ɔkora dwɔso tira ye pɔmaa nu fite natenate a, ye de sona bɔ ɔbɔle ye ne, ɔkɔfa ye nwo koli. Nakoso ye mmerɛ bɔ wasɛkye ye ne de, ɔsɛ kyɛ otua ye nwo kerɛ, ná osa nea ye maa ye nwo sa bɔkɔɔ.

Lewitikɔso 15:2

“Ɛ́mɔhã behyire Yisrael ama kyɛ, ‘Sɛ ebie bienzua fiti a, sɔ nzue ne ma ye nwo gua fiɛ.

Numeri 35:33

Nnɛma ɛmɔfa efiɛ bɛka aseɛ bɔ ɛmɔte so ne, ofikyɛ mogya ma efiɛ ka aseɛ ne. Na mogya bɔ bɛkɔhã bekogua aseɛ ne aso ne, mbata biala ngɔhora ngɔte aseɛ ne anwo, sana sona bɔ waha sɔ mogya wagua ne, ye mogya ala.

Asomafoɛ 28:4

Na mmerɛ bɔ supɔ ne aso ama nwuni kyɛ ewoo ne abrabra ye sa nen, besisele bɛ nwo kyɛ, “Aporowaa biala nne ye nwo, biaa he te wudiniɛ. Ɔwɔ nu kyɛ wanya ye ti ngoa wafi ɛpo nu de, nakoso ye bɔne nwo asohwenɛ bɔ oli ye si ngɔma ongonya ngoa.”

Deuteronomi 21:6

Nandwie akrɔngrɔma bɔ bebuli ye kɔme anu wɔ bɔnza ne anu ne, ɔsɛ kyɛ kuro bɔ opingye efuin ne, nu mbanyi mukoraa benwunzi bɛ sa begua ye so;

Nyekyire 16:6

Na ɔnate kyɛ bahwie anwoteefoɛ ne ngɔmhyɛlɛfoɛ mogya bagua ne ati, wɔ koso ama bɛ mogya maa bano, na bɔ ɔfata bɛ hɔ ɛne.”

Maenbulɛfoɛ 9:24

Ɛhe sili, amaa ehunɛ bɔ behuni Yerubaal mma mmienzua aburasoo nemɔ ne, banya ye nwo akatuaa; amaa b’eliɛma Abimɛlɛke bɔ ohuni bɛ ne, ɔne Sɛkem mbanyi bɔ begyinane ye si maa ohuni oliɛma nemɔ ne, bɛ mogya abɔ bɛ ti so.