2 Samuel 3:1 - AHYERƐLƐ KRONGRON

¹ Koɛ bɔ ɔtɔle Sɔɔlo awuro ama ne Dawide awuro ama b’afia ne, ɔhɔle so hyɛle. Dawide hɔle so nyane ngɔsoɛ, nakoso Sɔɔlo sasofoɛ de, bɛhɔle so bɛhɔle ase.

2 Samuel 3:1 Iomraidhean Croise

Gyenesise 3:15

Ngɔfa ɛpɔen ngɔto wɔ ne braa n’afia, yeɛ wɔ boso ama ne ye boso ama b’afia; ɔkɔgyerɛgyerɛ wɔ ti, na wɔ wora aha ye gya si.”

2 Samuel 2:17

Koɛ ne noa yɛle se sɔ kyẽa ne, na Dawide mmenia nemɔ lili Abenɛ ne Yisrael mmenia ne aso ngonim.

2 Samuel 2:28

Yiti Yoabo huli totorobɛndo ne, na koɛhonɛfoɛ nemɔ gyinane. Bamvoa Yisrael koɛhonɛfoɛ nemɔ ko, yeɛ bɛ ne bɛ ango ko.

2 Samuel 22:44

Me mmenia bɔ bɛyɔle me nwo lɔen ne, ɛpepɛ lele me fili bɛ sa nu. Ɛfale me tuale maen maen noa, na mmenia bɔ né menze bɛ ɔ bɛsole me.

2 Samuel 3:6

Mmerɛ bɔ koɛ tɔle Sɔɔlo awuro ama ne Dawide awuro ama b’afia ne, Abenɛ mane ye dibea wɔ Sɔɔlo sasofoɛ nu hɔle anwuro.

2 Samuel 5:10

Dawide hɔle so nyane ngɔsoɛ, ofikyɛ AWURADE, Asafo Nyameɛ gyinane ye si.

1 Ahemvo 14:30

Na Rehoboam ne Yeroboam bɛhɔle so bɛhone koɛ mmerɛ pee.

1 Ahemvo 15:16

Koɛ tɔle Asa ne Yisrael hene Baasa b’afia mmerɛ bɔ bɛte ase amukoraa.

1 Ahemvo 15:32

Koɛ tɔle Asa ne Yisrael hene Baasa b’afia mmerɛ bɔ bɛte ase amukoraa.

1 Aberɛso Dwirɛ 11:9

Dawide hɔle so nyane ngɔsoɛ, ofikyɛ Asafo AWURADE gyinane ye si.

1 Aberɛso Dwirɛ 3:1

Dawide mma bɔ ɔwole bɛ Hebron ne, bɛ ɛhe: ye bamuɛbaa Amnɔn, ɔne Yesreelniɛ Ahinoam yeɛ bɛwole ye ɔ. Bɔ ɔtɔ so nyɔ ole Daniel, na ɔne Kamɛlniɛ Abigail yeɛ bɛwole ye ɔ.

Ɛseta 6:13

Edwirɛ bɔ wato Haman ne, ɔfale ye mukoraa bɔle ɔye Sɛrese ne ye damvo nemɔ amukoraa amaneɛ. Na ye foɛtulɛfoɛ nemɔ ne ɔye Sɛrese besele ye kyɛ, “Modekae bɔ ahyɛ ye bo agua wɔ nyunu ase wɔ ye nyunu ne, sɛ ɔte Yudaniɛ de a, ye de ɛngɔhora ye nyunu gyina, ekoli ngoguo wɔ ye nyunu.”

Ɛseta 9:4

Ɔwale ye sɔ, ofikyɛ Modekae nyane tumi wɔ ahemvie berɛ, ye dumaa trɛle hɔle manzini ne amukoraa nu, na ɔhɔle so nyane tumi.

YOB NWOMAA NE 17:9

Nakoso sona bɔ ɔtengyɛ de, ye atee so yeɛ ɔnate ɔ, yeɛ bɛ bɔ bɛ bra te sannwuu ne, bɛkɔ so benya anwoserɛ.

YOB NWOMAA NE 8:7

Ɔwɔ nu kyɛ ɛhyɛle ye bo kaaba bie de, nakoso w’ayieleɛ nu kɔyɛ piri paa.

Edwein 18:43

Mmenia bɔ bɛyɔle me nwo lɔen ne, ɛpepɛ lele me fili bɛ sa nu. Ɛfale me tuale maen maen mɔ noa, na mmenia bɔ né menze bɛ ɔ bɛsole me.

Edwein 46:9

Ɔmaa koɛ bo ɔpɛ alaa kɔka aseɛ noa dɔ; obubu agyaen nu, na obubu pealɛɛ nu gɔsɔgɔsɔ, na ɔfa see yera teaseɛnam mɔ.

Edwein 84:7

Bɛnate a, befi anwoserɛ nu bɛkɔ anwoserɛ nu, na bɛ nu biala bafite Nyameɛ nyunu wɔ Sion.

Galatiafoɛ 5:17

Ofikyɛ anwoɔnaen akɔnnɔ ko tia Sunzum ne, na Sunzum koso ko tia anwoɔnaen akɔnnɔ ne. Bɛ munyɔ benyia, yiti ɔmaa ɛmɔngora nyɔ nikyee bɔ ɛmɔkuro kyɛ ɛmɔyɔ ɔ.

Ɛfesofoɛ 6:12

Ofikyɛ nna yɛne anwoɔnaen ne mogya yeɛ yɛdi ahoɛ ɔ; na mmom yɛne mbanyililɛ ne tumi mɔ ne ewiase awosii nu tumifoɛ ne ewienu dɔ sunzummɔne mɔ.

Nyekyire 6:2

Nneane, na nwuni pɔngɔ fufue bie. Na bɔ ɔte ye so ne, né otira agyaen; na bɛmane ye abotire, na ofili berɛ hɔle oolili ngonim, na ɔhɔle so lili ngonim.