2 Samuel 24:7 - AHYERƐLƐ KRONGRON

⁷ Afei beedwuli Tiro anwoserɛ afealeɛ ne anwo berɛ, ɔne Hiwifoɛ ne Kanaanfoɛ nguro ne amukoraa so, na beyiele mmeniahalɛ ne wɔ Beɛ Hyeba bɔ ɔwɔ Yuda ngwaen dɔ ne.

2 Samuel 24:7 Iomraidhean Croise

2 Samuel 24:2

Yiti Nana Dawide sele Yoabo ne safohene nemɔ kyɛ, “Ɛmɔɔhyini Yisrael mmusua kure amukoraa nu, fite Dan bɔ ɔkwaadwu Beɛ Hyeba, ná ɛ́mɔha mmenia ne ma nwu bɛ somaa.”

2 Samuel 24:8

Bɛfale bosome ngona ne eleburanyɔ yeɛ behyinini aseɛ ne aso amukoraa beyiele ɔ, na besa bɛwale Yerusalem.

Sakaria 9:3

Tiro sili anwoserɛ afealeɛ fale, ɔboaboale ɛdwetɛ noa kyɛ mvuture, ɔne sikaa kɔkorɛ paa noa kyɛ mmorɔnoɛ so nnɛterɛ.

Yosua 11:3

Bɛɛbɔle ɛhemɔ koso amaneɛ: Kanaanfoɛ bɔ bɛwɔ eyia afiteleɛ ne atɔleɛ, Amorifoɛ, Hitifoɛ, Perisifoɛ ne Yebusifoɛ bɔ bɛwɔ mmokaa aseɛ ne aso ne, ɔne Hiwifoɛ bɔ bɛwɔ Hɛmɔn bokaa ne nye abo wɔ Misepa aseɛ so ne.

Yosua 19:28

Ebron, Rehobo, Hamon ne Kana alaa kodwu Sidon Piri.

Yosua 19:29

Ɛwɛen ne nate Rama alaa kodwu kuro Tiro bɔ bato ye nwo fasue ne. Afei ɔkondo kɔ Hosa, na ye noa kɔpem ɛpo ne. Nguro hemɔ boka so: Mahalabo, Akisibo,

Yosua 9:1

Ahemvo amukoraa bɔ bɛwɔ Yɔɔdan si dɔ mmokaa aseɛ so, yeɛ bɛ bɔ bɛwɔ aseɛ frɛtɛɛ so, bɔ bɛ mukoraa bɛwɔ Ɛpo Piri noa, bɔ ɔkwaadwu Lebanon ne, bɛtele sɔ dwirɛ ne: bɛ ole Hitifoɛ, Amorifoɛ, Kanaanfoɛ, Perisifoɛ, Hiwifoɛ ne Yebusifoɛ ahemvo mɔ.

Yosua 9:7

Nakoso Yisraelfoɛ buale Hiwifoɛ nemɔ kyɛ, “Ebiaa né ɛmɔte bepingye yɛ; ɔkɔyɛ sɛɛ né yɛ ne ɛmɔ yayɛ apam?”

Maenbulɛfoɛ 3:3

Maen nemɔ ole Filistifoɛ ahemvo nnu ne, Kanaanfoɛ amukoraa, Sidonfoɛ, ɔne Hiwifoɛ bɔ bɛte Lebanon bokaa ne aso ne, ofi Baal Hɛmɔn bokaa ne aso bɔ ɔkwaadwu Lebo Hamate ne.