2 Samuel 24:6 - AHYERƐLƐ KRONGRON

⁶ Afei beedwuli Gileade, yeɛ Kadese bɔ ɔwɔ Hitifoɛ aseɛ so. Befili berɛ bɛhɔle Dan, na bɛtoale so bɛhɔle Sidon.

2 Samuel 24:6 Iomraidhean Croise

Gyenesise 10:15

Kanaan wole ye bamuɛbaa bienzua Sidon, yeɛ afei Hɛte,

Gyenesise 31:21

Ɔsesale ye bɔbɔ ye nwo nningyein amukoraa nwatili, ɔpɛle asue Yufreti, na ɔfale ye nye hyirele Gileade mmokaa aseɛ ne aso.

Numeri 32:1

Né Ruben boso ama mɔ ne Gade boso ama mɔ bele nyɛmmoa pee paa. Mmerɛ bɔ Gadefoɛ ne Rubenfoɛ nwuni kyɛ Yasere aseɛ ɔne Gileade aseɛ te paa ma ngaka sielɛ ne,

Numeri 32:39

Manase awa Makyiri ye bosofoɛ mɔ, bɛhɔle Gileade beelili so ngonim, na bɛfoane Amorifoɛ bɔ né bɛwɔ berɛ ne.

Yosua 11:8

AWURADE fale bɛ wurale Yisrael sa. Behuhuni bɛ, na bɛfoane bɛ toonn beedwuli Sidon Piri ne Misrefote Maim nwo, ɔne Misepe bɔnza nu wɔ eyia afiteleɛ. Behuhuni bɛ toonn bɔ bɛ nu ko po anga ɔ.

Yosua 19:28

Ebron, Rehobo, Hamon ne Kana alaa kodwu Sidon Piri.

Yosua 19:47

Nziɛ ye, Danfoɛ aseɛ ne fili bɛ sa, yiti bɛfale ngondii bɛɛtetale kuro bɔ bɛfrɛ ye Lesem. Belili so ngonim, na bɛfale ngrandɛ behuhuni berɛ ama. Bɛfale kuro ne, bɛtenane berɛ, bɛsesane kuro ne dumaa, na bɛfale bɛ nana Dan dumaa bɛtole so.

Maenbulɛfoɛ 1:31

Asɛ andu Akofoɛ, Sidonfoɛ, Ahelabofoɛ, Akisibofoɛ, Helebafoɛ, Afikefoɛ, yeɛ Rehobofoɛ wamvi berɛ,