2 Samuel 24:22 - AHYERƐLƐ KRONGRON

²² Yeɛ Arayuna sele Dawide kyɛ, “Nana, me mene, fa, fa aseɛ ne, ná bɔ afɔleɛ biala bɔ ekuro ɔ. Nandwie mɔ bɔ ɛkɔfa kɔbɔ naen yeralɛ afɔleɛ ɛhe, yeɛ ndaboa bɔ bɛboro so aburoo, ɔne nandwie kɔme anu mmakaa bɔ ɛkɔfa kɔsɔ see ɛhe.

2 Samuel 24:22 Iomraidhean Croise

Gyenesise 23:11

“Me mene, daabi, tie me kãa. Mefa aseɛ ne mema wɔ, na nyɔboɛ bɔ wasi sua wɔ nu ne koso mefa mema wɔ. Mefa mema wɔ wɔ me mmenia ye anyunu wa. Fa sie wɔ fuin ne.”

1 Ahemvo 19:21

Elisa andoa so wanni Elia si. Elisa ɔɔfale ye nandwie nyii nyɔ bɔ bafa kɔnnua basosɔ bɛ babɔ nu nemɔ, na ohuhuni bɛ. Mmakaa bɔ ɔsosɔ bɛ ne, ɔfa sɔle see tone bɛ naen ne, na ɔfa mane mmenia nemɔ maa belili. Afei osili nu oolili Elia si, na ɔɔyɛle Elia somvoɛ.

1 Aberɛso Dwirɛ 21:22

Dawide sele Ɔnan kyɛ, “Nekaa bɔ bɛboro aburoo ne, fa ma me maa nzi afɔleɛ bokyea wɔ berɛ mma AWURADE, amaa ɔnate so waye ɛhawo ne wafi maen ne aso. Maa ndɔ ye kyɛbɔ ye nyɔboɛ te ne ala.”

Maenbulɛfoɛ 6:26

Si afɔleɛ bokyea ma AWURADE wɔ Nyameɛ wɔ bokaa he ti afia, ná hyehyɛ afɔleɛ bokyea nyɔboɛ ne pɛpɛɛpɛ. Afei fa nandwie nyii bɔ ɔtɔ so nyɔ ne, ná fa bosoen Asera dosii bɔ ɛkɔpɛ ne boka so bɔ naen yeralɛ afɔleɛ.”

1 Samuel 6:14

Teaseɛnam ne dwuli Bete Semeseniɛ Yosua ye boo ne anu ne, ogyinane berɛ. Né nyɔbotaen bie timu berɛ, na bebubuli teaseɛnam mmakaa ne anu bɛsɔle see. Bɛfale nandwie nemɔ bɛbɔle naen yeralɛ afɔleɛ bɛmane AWURADE.