2 Samuel 24:16 - AHYERƐLƐ KRONGRON

¹⁶ Na mmerɛ bɔ abɔfo ne tengyɛle ye sa Yerusalem so kyɛ ɔsɛkye kuro ne nen, AWURADE adwene sesane wɔ mmenia hunɛ ne anwo, na osele abɔfo bɔ ogu so oku mmenia ne kyɛ, “Wayɛ yee, yakyi.” Sɔ mmerɛ ne, né AWURADE abɔfo ne adwu Yebusiniɛ Arayuna ye nekaa bɔ bɛboro aburoo ne.

2 Samuel 24:16 Iomraidhean Croise

Gyenesise 10:16

Yebusifoɛ, Amorifoɛ, Gɛgasifoɛ,

Gyenesise 6:6

Na AWURADE nuni ye nwo kyɛ wayɔ sona wato aseɛ ye aso ɔ, na ɔyɛle ye yea soma.

2 Samuel 24:18

Gade wale Dawide berɛ sɔ kyẽa ne oosele ye kyɛ, “Yebusiniɛ Arayuna ye nekaa bɔ bɛboro aburoo ne, fo kɔ berɛ kosi afɔleɛ bokyea ma AWURADE.”

2 Samuel 5:8

Sɔ kyẽa ne, Dawide sele kyɛ, “Ebiala bɔ ɔpena kyɛ okoku Yebusifoɛ nen, bɛ bɔen bɔ bapɛ bɔ nzue tengyɛ fa nu ba kuro ne anu ne, odi kyɛ okowura nu kuku mmenia bɔ bɛnwa bɛte mmubuafoɛ ne anyesiniwaafoɛ bɔ bɛ nwo ayɛ me Dawide ahi ne.” Ɛhe ati yeɛ waayɛ edwirɛ bɔ ɔla berɛ kyɛ, “Anyesiniwaafoɛ ne mmubuafoɛ gya baa ndia (Nyameɛ) awuro berɛ.”

1 Ahemvo 19:4

Nakoso Elia bɔbɔ de, ɔpɛle atee bɔ bɛfa ɛlɛho yeɛ bɛpɛ ɔ hɔle ɛserɛ so, na ɔɔtenane tanure bie abo. Ɔyɛle ye adwene kyɛ owuli po ahaa okuro. Ɔhane kyɛ, “Afei de wayɛ yé, ao AWURADE, ku me pɛen ko, na nnde paa mendra me nana mɔ.”

2 Ahemvo 19:35

Sɔ kɔngɔen ne ala, AWURADE abɔfo hɔle Asiria asikyeleɛ ne anu oohuhuni koɛhonɛfoɛ apee ɛyaa ko aburawɔtwɛ ne nnu. Aleɛ hyene ne, né efuin ngome yeɛ begua berɛ ɔ.

1 Aberɛso Dwirɛ 1:14

na Kanaan boso ama ole Yebusifoɛ, Amorifoɛ, Gɛgasifoɛ,

2 Aberɛso Dwirɛ 3:1

Solomon hyɛle ye bo sili AWURADE awuro ne wɔ Moria bokaa ne aso wɔ Yerusalem, wɔ nekaa bɔ AWURADE yele ye nwo hyirele ye baba Dawide ne, wɔ nekaa bɔ Dawide wapena aseɛ wato berɛ wɔ Yebusiniɛ Ɔnan ye nekaa bɔ bɛboro aburoo ne.

2 Aberɛso Dwirɛ 32:21

Na AWURADE somane abɔfo ko maa oohuhuni koɛhonɛfoɛ atitire nemɔ, safohene nemɔ ne mbanyi amukoraa bɔ bɛwɔ Asiria hene asikyeleɛ ne anu ne. Yiti Senakeribo le animguaseɛ sa hɔle ye bɔbɔ ye maen nu. Oodwuli ye bosoen sua ne anu ne, ye bɔbɔ ye mma bele ngrandɛ behuni ye wɔ berɛ.

Edwein 135:14

Ofikyɛ AWURADE kobua ye maen be, na okonwu ye somvoɛ mɔ anwumvoin.

Edwein 35:6

Ma b’atee so ɔyɛ awosii ne ndonondono, ma AWURADE abɔfo ogu bɛ so.

Edwein 78:38

Nakoso ɔnate kyɛ ɔse anwumvoin ne ati, ɔfale b’amumuyɛɛ hyɛle bɛ, na wangukũ bɛ. Né ɔtaa ɔtwe ye yaa sa nziɛ, na wamva ye yaa ne amukoraa wangua bɛ so.

Edwein 90:13

Ao AWURADE, sa baanea yɛ! Okoodwu kyinzu? Nwu wɔ somvoɛ mɔ anwumvoin!

Ɛksadɔso 12:13

Mogya ne yeɛ ɔkɔhyɛ ɛmɔ nzorɛ, wɔ awuro mɔ bɔ ɛmɔtete nu ne anu ɔ. Na sɛ menwu mogya ne a, ngɔbɔ ngɔtra ɛmɔ, amaa sɛ mébɔ Misraim maen ne a, amaneɛ ne bie ando ɛmɔ.

Ɛksadɔso 12:23

Ofikyɛ AWURADE kɔɔpɛ nu kohũhũ Misraimfoɛ; na sɛ AWURADE nwu mogya bɔ ɔwɔ sua ne ye bati so, ɔne aponnwaa nyɔ nemɔ nwo a, okosã sɔ anoa ne anwo, na ɔngɔma sɛkyelɛniɛ ne ate ma ɔngɔwa ɛmɔ awuro berɛ ongohũhũ ɛmɔ.

Ɛksadɔso 32:14

Yiti AWURADE sesane ye adwene wɔ musue bɔ ɔyɛle kyɛ ɔkɔmaa ɔkɔto ye mmenia ne anwo.

Ɛksadɔso 9:28

Yiti ɛ́mɔsrɛ AWURADE bɛma ɔyakyi, ofikyɛ agralaa ne asukɔtwea nyɔboɛ sɔa de, ɔbo yɛ so. Ngɔma ɛmɔ kɔhɔ, na ɛmɔngɔtena wa ko.”

Yesaya 27:8

Bɛ bɔne so yeɛ egyinane pɛle bɛ asue ɔ. Ɔfale ye nwomeɛ suronyisuronyi ne foane bɛ kyɛ eyia afiteleɛ mvrama anoa serɛserɛ kyẽa ne.

Yesaya 57:16

Mengɔbɔ kwaadu afebɔɔ, yeɛ m’ahone koso ngohu daa, anyɔ a, sona sunzum ne ye kra bɔ me yeɛ mabɔ ne, bɛkɔyɛ mmerɛ wɔ me nyunu.

Yeremia 26:19

Aso Yuda hene Hesekia ne Yudafoɛ amukoraa behuni ye anaa? Aso wanzuro AWURADE, yeɛ aso wanzrɛ AWURADE kyɛ ɔlo ye, maa ɔnate so AWURADE wanzesã ye adwene wɔ musue bɔ ɔhane kyɛ ɔkɔprapra kogua bɛ so ne anwo anaa? Nakoso yɛ de, musue piri paa yeɛ ɛmɔmaa yɛtwetwe yɛbrɛ yɛ nwo ɔ!”

Yeremia 42:10

Sɛ ɛmɔkɔhɔ so bɛkɔtena aseɛ he aso a, ye de ngɔma ɛmɔ bo kotimu, na mengodwiri ɛmɔ mengogua ase; ngolua ɛmɔ na mengotutu ɛmɔ bo, ofikyɛ manu me nwo wɔ musue bɔ mbraprale nguale ɛmɔ so ne anwo.

Amose 7:3

AWURADE hwe sale, “Ɔngɔwa ye sɔ,” AWURADE noa dwirɛ ɛne.

Amose 7:6

AWURADE hwe sale: “Ɔngɔwa ye sɔ,” AWURADE Nyameɛ noa dwirɛ ɛne.

Habakuku 3:2

Ao AWURADE, mate wɔ nga, na nzurole. Ao AWURADE, kanyane w’adwuma wɔ mmerɛ ye anu, wɔ mmerɛ ye anu maa benwu ye, na wɔ yaafɛlɛ nu po, nwu anwumvoin.

Sakaria 9:7

Ngɔye ye naen mogya mogya ne ngofi ye noa nu, ɔne ye nikyee bɔ ɔte akyiwadeɛ ne ngofi ye gye nemɔ b’afia. Na mmenia bɔ bɛkɔha ne, bɛkɔyɛ yɛ Nyameɛ ye deɛ, bɛkɔyɛ kyɛ Yuda nu mbanyi nemɔ bie, na Ekron kɔyɛ kyɛ Yebusifoɛ.

Marko 14:41

Osa wale ye pɛen nza so, na osele bɛ kyɛ, “Ɛmɔtɛda, ɛmɔtɛde bɛ nwome? Wayɛ yee! Mmerɛ ne adwu! Ɛ́mɔnea, bɛ́ye Sona Awa ne béwura bɔnefoɛ sa.

Asomafoɛ 12:23

Na aworafire nu, Awurade abɔfo ɔɔbɔle ye tole ase, ofikyɛ wamva animnyam wamma Nyameɛ; ɔlɔle nnɔboakoma na owuli.

1 Korintofoɛ 10:10

Yeɛ nnɛmɔma yɛpenepene yɛ komvi kyɛbɔ bɛ nu biemɔ yɔle ná ewue abɔfo oohuhuni bɛ ne.

2 Korintofoɛ 2:6

Na ɔte paa bɔkɔɔ ma sɔ sona ne kyɛ mmeni soma ahwi ye nyunu ɔ.

Yosua 15:63

Nakoso Yebusifoɛ bɔ né bɛte Yerusalem ne de, Yudafoɛ angora andu bɛ bamvi berɛ; yiti Yebusifoɛ ne Yudafoɛ batena Yerusalem toonn maa waadwu ɛnɛ.

Maenbulɛfoɛ 1:21

Nakoso Benyaminfoɛ bandu Yebusifoɛ bɔ né bɛte Yerusalem ne bamvi berɛ. Yiti Yebusifoɛ ne Benyaminfoɛ babɔ nu batena Yerusalem maa waadwu ɛnɛ.

Maenbulɛfoɛ 19:11

Ɔka kãa maa bedwu Yebusi ne, né aleɛ adwo. Na somvoɛ ne sele ye mene kyɛ, “Maa yɛmakye yɛhɔ Yebusifoɛ kuro ye aso na yɛɛla berɛ ɛnɛ kɔngɔen ye.”

1 Samuel 15:11

“Ɔyɛ me yea kyɛ mvale Sɔɔlo nzili hene ɔ, ofikyɛ wayakyi me si lilɛ, na onni me mmeraa so.” Sɔ dwirɛ ne hale Samuel, na osũ frɛle AWURADE kɔngɔen ne amukoraa.