2 Samuel 24:14 - AHYERƐLƐ KRONGRON

¹⁴ Yeɛ Dawide buale Gade kyɛ, “Yieee, edwirɛ piri paa yeɛ wato me e! Kyɛ kuro sona kɔhwe me so de, ye de ma AWURADE mmom ɔhwe yɛ so, ofikyɛ ye de, ye anwumvoinnwunɛ te piri.”

2 Samuel 24:14 Iomraidhean Croise

2 Samuel 9:8

Yeɛ Mefibosɛte fale ye nyunu butuli berɛ sele kyɛ, “W’akoaa, kyea fuin bɔ ɔte kyɛ me ɔ, nde nzu bɔ alo me sɔa ɔ?”

2 Ahemvo 6:15

Nyameɛ sona ne, ye somvoɛ ne dwɔsole ngyerɛmɔ tutuutu. Na ofitele ne, onwuni kyɛ koɛhonɛfoɛ bɔ bɛtete mbɔngɔ so ne teaseɛnam mɔ nu ɔ bapɛ kuro ne anwo bayia ɔ. Ye somvoɛ ne hane kyɛ, “Me mene, yawu oo! Ɛhe de, yɛyɛ ye sɛ?”

1 Aberɛso Dwirɛ 21:13

Yeɛ Dawide buale Gade kyɛ, “Yieee! Edwirɛ piri paa ato me! AWURADE yeɛ mekuro kyɛ ɔtwe me so ɔ, ofikyɛ ye de, ye anwumvoinnwunɛ te piri paa; nakoso menguro kyɛ kuro sona twe me so ɔ.”

Edwein 119:156

Ao AWURADE, w’anwumvoinnwunɛ ne te piri; maa nya ngoa kyɛbɔ wɔ ndɛenbualɛ turoloo ne te ɔ.

Edwein 130:4

Nakoso wɔ de bɔnefakyɛ wɔ wɔ nu, amaa ɔnate so yasuro wɔ.

Edwein 130:7

Ao Yisrael, fa wɔ wora wura AWURADE nu! Ofikyɛ AWURADE yeɛ ole ɔdɔ bɔ onni ngasi ɔ, na ye yeɛ ɔpepɛ de sona mmorosoɛ ɔ.

Edwein 145:9

AWURADE te paa ma sona biala, na ye anwumvoinnwunɛ ne, ɔkata ye nnwumaa mukoraa so.

Edwein 51:1

Ao Nyameɛ, gyina wɔ ɔdɔ bɔ onni ngasi ne aso ná nwu me anwumvoin, gyina w’anwumvoinnwunɛ kandinga ne aso, ná kyikyi me mmeraatolɛ.

Edwein 86:15

Nakoso, ao AWURADE, ɛte Nyameɛ bɔ ɛse anwumvoin ná ɛdo mmenia ɔ; w’ahone nhu ndɛ, na wɔ ɔdɔ bɔ onni ngasi ne wɔ nahorɛlilɛ ne, ɔsone.

Edwein 86:5

Ao AWURADE, ɛte paa, na ɛfa bɔne kyɛ; wɔ ɔdɔ bɔ onni ngasi ne ɔsone ma bɛ bɔ besu bɛfrɛ wɔ ɔ.

Anyandera 12:10

Teneneeniɛ ɔdwene ye nyɛmmoa nwo, nakoso bɔnefoɛ de, ye anwumvoinnwunɛ po ɔte atianuserɛ.

Yesaya 47:6

Mvɛle me maen so yaa, nguale m’agyapadeɛ nwo fiɛ, mvale bɛ nwurale wɔ sa, na annwu bɛ anwumvoin, na nworowaa po, ɛhyɛle bɛ so maa benwuni amaneɛ piri paa.

Yesaya 55:7

Ohia kyɛ bɔnefoɛ yakyi ye yɔleɛ, yeɛ sona bɔ ɔndengyɛ ne koso, maa ɔsesã ye adwene, maa osa bra AWURADE berɛ, na okonwu ye anwumvoin, maa ɔbra yɛ Nyameɛ berɛ, ofikyɛ ɔkɔfa bɔne ne kɔhyɛ kandinga paa.

Yeremia 39:17

Nakoso ngɔpepɛ ngole wɔ sɔ kyẽa ne, na bɛngɔfa wɔ bengowura mmenia bɔ esuro bɛ nemɔ sa, AWURADE noa dwirɛ ɛne.

Awuye 3:22

AWURADE adaworoma yeɛ yɛ boso wannua ɔ, ofikyɛ ye anwumvoinnwunɛ ye bo ngɔpɛ le.

Daniel 9:9

O AWURADE yɛ Nyameɛ, yayɛ wɔ nwo lɔen, nakoso wɔ yeɛ ɛse anwumvoin ná ɛfa bɔne kyɛ ɔ.

Yona 4:2

Na ɔbɔle mbaeɛ bisale AWURADE kyɛ, “Ao AWURADE, mesrɛ wɔ, mmerɛ bɔ né nwɔ me maen nu ne, aso nna edwirɛ he yeɛ ngane ɔ? Ye sɔ ti yeɛ nwatili kyɛ ahaa mekɔ Tasise ne, ofikyɛ mese kyɛ ɛte Nyameɛ bɔ ɛdo mmenia ná ɛse anwumvoin ɔ, w’ahone nhu ndɛ, wɔ ɔdɔ bɔ onni ngasi ne ɔte piri, na ɛsesã w’adwene wɔ musue bɔ ɛbaafa ba ɔ nwo.

Mika 7:18

Nwa yeɛ ɔte Nyameɛ kyɛ wɔ, bɔ ɔfa amumuyɛɛ kyɛ, bɔ obu ye nye gua ye agyapadeɛ ngaa bɛ mmeraatolɛ so ɔ? Ɔmma ye yaafɛlɛ ndena berɛ afebɔɔ, ofikyɛ ye nye gye anwumvoinnwunɛ nwo.

Mika 7:19

Okosa konwu yɛ anwumvoin, okoli y’amumuyɛɛ so ngonim; na ekofindi bɛ bɔne amukoraa kogua ɛpo buma ne anu.

Sakaria 1:15

nakoso maen maen mɔ bɔ bɛ so anu atɔ bɛ ne de, mafɛ bɛ so yaa piri paa; ofikyɛ mvɛle yaa kaaba bie, nakoso maen maen nemɔ de, bɛmane amaneɛnwunɛ ne yɛle piri paa.

Yohane 12:27

“Afei de, me kra nwo ato; na nzikyɛ dwirɛ koraa yeɛ nga ɔ? Baba, de me fi dɔnhwere he anu! Nakoso, ɛhe ati yeɛ mawa dɔnhwere he anu ɔ.

Filipifoɛ 1:23

Ɛhe amaa mayɛ anianiani. Ahaa mekuro kyɛ ngofi wa me ne Kristo yɛkɔɔtena, ofikyɛ ɛhene mmom yeɛ ɔte paa koraa ɔ,

1 Samuel 13:6

Yisraelfoɛ nwuni kyɛ koɛ ne anu ayɛ se ama bɛ, (ofikyɛ né Filistifoɛ ama koɛhonɛfoɛ nemɔ ali amia). Na bɛɛfeafeale nyɔboɛ bɔ wasi sua nu, ngumaa nu, nyɔbotaen nu, asieleɛ ne abura mɔ nu.