Biblia Todo Logo
Bìoball air-loidhne

- Sanasan -




2 Samuel 24:13 - AHYERƐLƐ KRONGRON

13 Yiti Gade wale Dawide berɛ ɔɔbɔle ye amaneɛ. Obisale ye kyɛ, “Beni yeɛ ekuro ɔ? Kyɛ ɛhɔen kɔpe wɔ maen nu afoɛ nzoo, anaakyɛ ɛkɔnwati kofi wɔ pɔfoɛ mɔ bɔ bɛ́fõa wɔ ɔ nyunu bosome nza, anaakyɛ anwonyerɛ tɛɛ kɔte kɔpe wɔ maen nu ɛlɛsa. Yiti dwene ye nwo, ná ye nu ko ma nza mva ye nwo mmuayɛɛ ngɔma bɔ ɔsomane me ne.”

Faic an caibideil Dèan lethbhreac




2 Samuel 24:13
20 Iomraidhean Croise  

Mmerɛ bie, ɛhɔen piri bie wale toonn afoɛ nza wɔ Dawide aberɛ so. Dawide fa tole AWURADE nyunu, na AWURADE buale ye kyɛ, “Mogya nwo foɛlilɛ la Sɔɔlo ne ye awuro ama so, ɔnate kyɛ ohuhuni Gibeonfoɛ.”


“Kɔha kyire Dawide kyɛ, AWURADE nwa nyoo: Amaneɛnwunɛ nza yeɛ mefa meto wɔ nyunu ɔ. Nea nu ye nu ko, na ngɔma sɔ dwirɛ ne kɔto wɔ.”


Né Elisa ahã ahyire braa bɔ otingyele ɔwa bienzua fili ewue nu ne kyɛ, “Ɛne w’awuro ama mɔ, ɛ́mɔdwɔso, na ɛmɔtu bɛɛtena nekaa biala bɔ ɛmɔkonya ɔ; ofikyɛ AWURADE baama ɛhɔen piri ba aseɛ ye aso afoɛ nzoo.”


Kyɛ ɛhɔen kɔpe wɔ maen nu afoɛ nza, anaakyɛ ɛkɔnwati kofi wɔ pɔfoɛ mɔ bɔ bele ngrandɛ bɛfoa wɔ ɔ bɛ nyunu bosome nza, anaakyɛ AWURADE kɔma anwonyerɛ tɛɛ kɔte kɔpe wɔ maen nu ɛlɛsa bɔ AWURADE abɔfo kohũhũ mmenia wɔ Yisrael maen ne anu amukoraa ɔ.’ Yiti dwene ye nwo, ye nu ko, ná ma nza mva ye nwo mmuayɛɛ ngɔma bɔ ɔsomane me ɔ.”


anaa ewue anwonyerɛ bɔ ɔnate awosii nu ɔ, anaa anwonyerɛ bɔ okũkũ mmenia eyiagyina ɔ.


AWURADE sɛkyele asue Naele nen, ngyẽa ɛlɛsoo pɛle nu.


“Sona awa, sɛ maen bie ɔyɔ bɔne tia me, bɔ wanni nahorɛ wamma me, ná sɛ metengyɛ me sa metwe ye so, ná mema aleɛ nwo yɛ se wɔ nu, ná mema ɛhɔen pe so, ná mekũkũ mmenia ne ngaka mefi nu,


Ɛmɔkɔsɛkye ɛmɔ anwoserɛ mbaen: ɛmɔ aseɛ ngɔhye aleɛ, yeɛ aseɛ ne aso mmakaa ngosu mmaa.


Na ngɔhwe ɛmɔ so ngrandɛ, ná matɔ ɛmɔ so wereɛ, ɔnate apam bɔ ɛmɔabu so ne ati. Na sɛ ɛmɔkɔfeafea ɛmɔ nguro nemɔ anu a, ngɔsoma anwonyerɛ tɛɛ maa ɔkɔbɔ ɛmɔ, na ngɔfa ɛmɔ ngowura ɛmɔ pɔfoɛ mɔ sa.


Nahorɛ nu, mekã mekyire ɛmɔ kyɛ, Elia aberɛ so bɔ anwuro nu tole afoɛ nza ne bue, bɔ ɛhɔen piri bie wale aseɛ ne aso amukoraa nen, né akunafoɛ mmrasua pee wɔ Yisrael,


AWURADE kɔma ɛfɔen, ebunu ne ɛfokyɛlɛ kɔwa wɔ so; wawa kɔpe serɛserɛ, ewienu kɔyɛ hye, anwonyerɛ kɔha wɔ fieso nningyein, na amaneɛ hemɔ koli wɔ si toonn kɔpem kyɛ ekowu ɔ.


“AWURADE kɔmaa ekoli ngoguo wɔ wɔ pɔfoɛ mɔ nyunu. Ɛkɔfa atee ko aso kɔhɔ bɛ so, nakoso ɛkɔfa atee ahoroɔ nzoo so ɛkɔnwati kofi bɛ nyunu. Na edwirɛ bɔ ɔkɔto wɔ ne kɔyɛ aseɛ so ahennie mukoraati nwanwa.


AWURADE kɔte anwonyerɛ koangɔ hemɔ kogua wɔ so: Misraim mbɔmbɔ, ngena, nyaen ne asee.


AWURADE kɔma mbɔmbɔ yeayea koangɔ kɔbobɔ wɔ nangoroma ne wɔ gya, fite wɔ gya kunu kodwu wɔ ti so.


Ɔkɔha wɔ komia wɔ wɔ nguro ne amukoraati nu, kɔpem kyɛ wɔ fasue pindinn ndendenn ndendenn, bɔ afa wɔ nye ato so ne kodwiri kogua wɔ w’aseɛ ne amukoraati so ɔ. Ɔkɔha wɔ komia wɔ wɔ nguro ne amukoraati nu, wɔ w’aseɛ amukoraati bɔ AWURADE wɔ Nyameɛ wafa wama wɔ ne aso.


Yiti tie ná dwene bɔ ɛkɔyɔ ɔ nwo, ofikyɛ babɔ yɛ mene ne ye awuro ama mukoraa nwo porɛ. Na ɔnate ye suban bɔ ɔtte mayee ne ati, ebie ngora ndu ye foɛ.”


Lean sinn:

Sanasan


Sanasan