2 Samuel 24:10 - AHYERƐLƐ KRONGRON

¹⁰ Dawide maa bɛhale mmenia ne beyiele nen, nziɛ ye, ye tiboa buale ye fɔ. Na Dawide fa tole AWURADE nyunu kyɛ, “Bɔ mayɔ ye, mayɔ bɔne paa. Nakoso AWURADE, mesrɛ wɔ ala, fa w’akoaa amumuyɛɛ kyɛ ye, ofikyɛ mali ngwaseasɛm paa.”

2 Samuel 24:10 Iomraidhean Croise

2 Samuel 12:13

Yeɛ Dawide sele Natan kyɛ, “Yieee! Mayɔ bɔne matia AWURADE.” Na Natan buale Dawide kyɛ, “AWURADE afa wɔ bɔne wahyɛ wɔ, engowu.

2 Samuel 24:17

Na Dawide nwuni abɔfo bɔ ogu so oku mmenia nemɔ nen, osele AWURADE kyɛ, “Bɔne ne, me ngome yeɛ mayɔ ɔ, mvomsoɛ ne, me ngome yeɛ mayɔ ɔ. Na mmenia hemɔ bɔ menea bɛ so ye de, nzikyɛ yeɛ bayɔ ɔ? Mesrɛ wɔ ala, ma w’ahonehulɛ ne ɔbra me ne me baba abusuafoɛ so.”

1 Ahemvo 8:35

“Sɛ ɔnate bɔne bɔ wɔ mmenia bayɔ batia wɔ ti, esi esue ate wɔ nyameɛso maa esue ndɔ, ná sɛ bɛfa bɛ nye bekyire ɛwa bɛbɔ mbaeɛ bɛye wɔ dumaa ayɛ, ná ɔnate kyɛ ahwe bɛ so ne ati, bɛsakyera b’adwene béfi bɛ bɔne nwo a,

1 Aberɛso Dwirɛ 21:7

Nakoso Nyameɛ nye angye mmeniahalɛ ne anwo, yiti ɔhwene Yisrael so paa.

1 Aberɛso Dwirɛ 21:8

Na Dawide fa tole Nyameɛ nyunu kyɛ, “Bɔ mayɔ ye, mayɔ bɔne piri. Nakoso mesrɛ wɔ ala, fa w’akoaa amumuyɛɛ kyɛ ye, ofikyɛ mali ngwaseasɛm paa.”

2 Aberɛso Dwirɛ 16:9

Ofikyɛ AWURADE nye bɔ mborɔkaa wɔ aseɛ ye aso amukoraa, kyɛ bɛ bɔ bedi nahorɛ bɛma ye ne, okogyina bɛ si. Bɔ ayɔ ye, ali ngwaseasɛm. Yiti ofi sɔ mmerɛ ye bɔ ɔkɔ ɔ, koɛ kɔtaataa wɔ.”

2 Aberɛso Dwirɛ 32:26

Na afei Hesekia brɛle ye nwo ase nuni ye nwo fili ye anwomasoɛ ne anwo, ɔne Yerusalemfoɛ yeɛ benuni bɛ nwo ɔ. Yiti AWURADE ɛyaa piri bɔ wafɛ ye wɔ bɛ so ne, ɔhwe sale wɔ mmerɛ bɔ né Hesekia te ngoa nu ɔ.

YOB NWOMAA NE 7:21

Me mmeraatolɛ ne, nzu ati yeɛ ɛmva ngyɛ me ɔ? M’amumuyɛɛ ne, nzu ati yeɛ ɛnyakyi ma ɔnga ɔ? Ɔngɔhyɛ biala, ngɔɔla nnɛterɛ nu, ɛkɔpena me, nakoso né nne berɛ ko.”

Edwein 32:5

Afei ngane me bɔne ngyirele wɔ, na mangata m’amumuyɛɛ so. Ngane kyɛ, “Ngɔhã me mmeraatolɛ ngohyire AWURADE,” na ɛfale me bɔne nwo foɛlilɛ hyɛle me. Sela

Ɛksadɔso 10:16

Afei Faro hane ye nwo tole ye sa frɛle Mose ne Aarɔn maa bɛwale, na osele kyɛ, “Mayɛ bɔne matia AWURADE ɛmɔ Nyameɛ ne, ɔne ɛmɔ.

Anyandera 28:13

Ebiala bɔ ɔkata ye mmeraatolɛ so ne, ongoyie ye yé, nakoso bɔ ɔkã, ná ɔyakyi ye yɔlɛ ne, bekonwu ye anwumvoin.

Hosea 14:2

Ɛ́mɔpena edwirɛ mɔ bɔ ɛmɔkɔhã ɔ, ná ɛ́mɔsa bɛbra AWURADE berɛ; ɛmɔhã behyire ye kyɛ, “Kyikyi amumuyɛɛ amukoraa; nwu yɛ anwumvoin de yɛ, na yɛkɔfa yɛ noa dwirɛ yɛkɔyɛ nandwie nyii yɛkɔbɔ afɔleɛ yɛkɔma wɔ.”

Yoel 2:12

“Na afei, odi kyɛ ɛmɔfa ɛmɔ ahone amukoraa ne akɔngyere ne esuɛ ne aworabɔlɛlilɛ besa bɛba me berɛ,” AWURADE noa dwirɛ ɛne.

Numeri 12:11

Yeɛ Aarɔn sele Mose kyɛ, “Ao, me mene, nnɛtwe yɛ so wɔ bɔne bɔ yali ngwaseasɛm yayɔ ye anwo.

Marko 7:22

anyeboroborolɛ, amumuyɛɛ, nnakannaka, ahohwibra, akɔnnɔ tɛɛ, musue dwirɛ, ahandaen ne ngwaseasɛm fi ba ɔ.

Yohane 1:29

Aleɛ hyene ne, Yohane nwuni Yesu kyɛ ɔba ye berɛ ɔ, na ɔhane kyɛ, “Ɛ́mɔnea, Nyameɛ Boaen Ba ne, bɔ ɔye wiase bɔne fi berɛ ne!

Yohane 8:9

Na bɛtele sɔ dwirɛ nen, bɛ bɔbɔ bɛ tiboa buale bɛ fɔ; yiti befili berɛ bɛhɔle ngoko ngoko, ofi mbanyi nemɔ so maa oodwuli ngwadaa so. Na ɔhale Yesu ngome berɛ, ɔne braa ne bɔ ogyi ye nyunu berɛ ne.

Deuteronomi 32:6

Yiti akatuaa bɔ ɛfa ma AWURADE hɔ ɛne? Ngwaseafoɛ bɔ nworɛ nne bɛ ti anu ɔ! Aso nna wɔ baba bɔ ɔbɔle wɔ hɔ ɛne? Ye bɔ ɔyɔle wɔ, bɔ ɔmaa enyane nyinasoɛ ne!

Tito 3:3

Ofikyɛ daa ne de, né yɛ koso yɛte ngwaseafoɛ, asoserɛfoɛ, bɛmaa yɛlili makyebu, yɛyɛle anwoɔnaen akɔnnɔ ne anigye ahoroɔ ngoaa, yɛfale nzɛmmɔne ne anyeboroborolɛ yɛbɔle yɛ bra, mmenia pɔle yɛ, na yɛ wora yɛpɔle bɛ.

1 Yohane 1:9

Nakoso ɔnate kyɛ odi nahorɛ ná ɔtengyɛ ne ati, sɛ yɛkã yɛ bɔne yɛkyire ye a, ɔkɔfa kɔhyɛ yɛ ná wate yɛ nwo wafi bɔ ɔndengyɛ mukoraa nwo.

1 Samuel 13:13

Na Samuel sele ye kyɛ, “Ali ngwaseasɛm! Anni AWURADE wɔ Nyameɛ mmeraa bɔ ɔhyɛ mane wɔ ne aso. W’ahennie ne, ahaa AWURADE kɔma ye bo kotimu wɔ Yisrael daa,

1 Samuel 24:5

Na ɛhe asi ne, Dawide tiboa buale ye fɔ, kyɛ wapɛ Sɔɔlo ataadeɛ tendenn ne noa ɔ.

1 Samuel 24:6

Na osele ye mmenia nemɔ kyɛ, “AWURADE pa gua kyɛ ngɔyɔ sɔ nikyee ne ngotia me mene bɔ AWURADE apopa ye ngoo ɔ, kyɛ ngɔfa me sa ngɔhã ye ɔ, ofikyɛ AWURADE apopa ye ngoo.”

1 Samuel 26:21

Yeɛ Sɔɔlo sele kyɛ, “Mayɔ bɔne, mma Dawide, sa bra, na mengotu me nye ngosie wɔ so ko, ofikyɛ ɛnɛ ahyire kyɛ me ngoa nwo hia wɔ. Mali ngwaseasɛm, na mali edwirɛ tɛɛ piri paa.”