2 Samuel 23:9 - AHYERƐLƐ KRONGRON

⁹ Sɛ Yosebo Basebete nne berɛ a, Eleasa bɔ ɔse ole Dodo, bɔ ye koso ɔse ole Ahohi ne, ye yeɛ ɔwɔ berɛ ɔ. Eleasa boka koɛhonɛfoɛ ahoneserɛfoɛ nza ne aso. Mmerɛ bɔ Filistifoɛ boale bɛ noa kyɛ bɛ ne Yisraelfoɛ bɛbaaho ne, né Eleasa boka Dawide so. Yisrael koɛhonɛfoɛ nwatili,

2 Samuel 23:9 Iomraidhean Croise

1 Aberɛso Dwirɛ 27:4

Ahohiniɛ Dodae yeɛ né ɔnea kure bɔ bɛkɔ adwuma bosome bɔ ɔtɔ so nyɔ ne aso ɔ. Ye kure ne, Miklote yeɛ né ɔla bɛ noa ɔ, na bɛ somaa te apee aburanyɔ ne nna.

1 Aberɛso Dwirɛ 8:4

Abisua, Naaman, Ahoa,

Nworɛ Dwirɛhanɛniɛ 4:12

Sɛ ebie fa ngondii toa sona horɛ, ná odi ye so ngonim a, mmenia nyɔ de, ɔngora nni bɛ so ngonim. Nyamaa bɔ banwo ye mmɛsa ne, nu telɛ nyɛ mmerɛ.

Yesaya 63:3

“Me ngome yeɛ matiatia bobe mmaa ne aso wɔ kumaa ne anu ɔ, na me maen ne anu ama ne, nu ko po wammoka me so. Me yaafɛlɛ nu yeɛ ndiatiale bɛ so ɔ, m’ahonehulɛ nu yeɛ ndwi mvale bɛ so ɔ, na bɛ mogya yeɛ wabɔ wapete m’ataadeɛ nu ye, bɔ wasɛkye me tena mukoraa nu ye.

Yesaya 63:5

Ndole me nye neane, nakoso né bokafoɛ biala nne berɛ; me nwo dwirili me kyɛ ebiala nne berɛ bɔ okogyina me si ɔ; yiti me bɔbɔ me tumi yeɛ olili ngonim mane me ɔ, na m’ahonehulɛ koso gyinane me si.

Marko 14:50

Afei asuafoɛ nemɔ amukoraa bɛyakyili ye berɛ bɛnwatili.

1 Samuel 17:10

Na Filistiniɛ ne toale so sele kyɛ, “Ɛnɛ kyẽa ye, Yisrael koɛhonɛfoɛ, sɛ ɛmɔte mmienzua a, ɛ́mɔye sona ko ma me ne ye yɛli ahoɛ!”

1 Samuel 17:26

Na Dawide bisale mmenia bɔ begyigyi ye nwo berɛ ne kyɛ, “Sona bɔ okohu sɔ Filistiniɛ he, ná ɔkɔye animguaseɛ kofi Yisrael so ne, nzikyɛ yeɛ bɛkɔfa bɛkɔbɔ ye aba so ɔ? Sɔ Filistiniɛ he bɔ ɔmbɛ ye bienzua ye, ye ole nwa bɔ ɔpɛ Nyameɛ teasefoɛ ye koɛhonɛfoɛ poa ɔ?”

1 Samuel 17:36

W’akoaa ahu gyata mɔ ne kwabrafo mɔ, na sɔ Filistiniɛ he bɔ ɔmbɛ ye bienzua ye de, ɔkɔyɛ kyɛ bɛ nu ko ala, ofikyɛ wapɛ Nyameɛ teasefoɛ koɛhonɛfoɛ nemɔ poa.