2 Samuel 23:3 - AHYERƐLƐ KRONGRON

³ Yisrael Nyameɛ adwudwo, Yisrael Nyɔbotaen ne sele me kyɛ, ‘Sona bɔ ɔfa pɛpɛɛpɛyɛlɛ da mmenia noa ne, bɔ ɔfa Nyameɛ surolɛ da bɛ noa ne,

2 Samuel 23:3 Iomraidhean Croise

Gyenesise 33:20

Osili afɔleɛ bokyea berɛ, na ɔfrɛle ye Ɛl Elohe Yisrael.

2 Samuel 22:32

“Nwa yeɛ ɔte Nyameɛ ɔ? Sana AWURADE angome. Nwa yeɛ ɔte nyɔbotaen ɔ? Sana yɛ Nyameɛ angome.

2 Samuel 8:15

Yiti Dawide lili Yisrael amukoraa so hene. Nahorɛlilɛ ne pɛpɛɛpɛyɛlɛ yeɛ ɔfa lili ye mmenia ne amukoraa so ɔ.

1 Ahemvo 10:9

Animnyam hã AWURADE wɔ Nyameɛ bɔ wahuro wɔ dwirɛ, ná wafa wɔ wasie Yisrael bia so ɔ! Ɔnate kyɛ AWURADE hurole Yisrael dwirɛ afebɔɔ ne ati, wamaa ali hene kyɛ ɛfa ndɛen turoloobualɛ ne bra bɔ ɔtengyɛ ɔ ebu maen ne.”

Nehemia 5:14

Afei koso, ofi mmerɛ bɔ bɛfale me bɛyɛle Yuda aseɛ so amrado nen, ofi Nana Atasɛsɛse ahennie afoɛ bɔ ɔtɔ so aburanyɔ bɔ ɔkwaadwu ye afoɛ aburasa ne nyɔ ne aso ne, sɔ afoɛ buru ne nyɔ ne, me oo, nniɛma nemɔ oo, yɛ nu biala wanne aleɛ ndɔ bɔ odi kyɛ mmenia bɛfa bɛma amrado ne.

YOB NWOMAA NE 34:17

Sɛ ebie kyi nahorɛlilɛ a, ɔkɔyɛ sɛɛ né wanea maen so? Yeɛ bɔ ɔtengyɛ paa tra ebiala ne, aso ebua ye fɔ anaa?

Edwein 110:2

Wɔ tumi hɔtɔ ne, AWURADE kɔtengyɛ kofi Sion. Di hene wɔ wɔ pɔfoɛ mɔ b’afia.

Edwein 42:9

Mebisa AWURADE bɔ ɔte me nyɔbotaen ne kyɛ, “Nzu ati yeɛ wɔ wora afi me e? Nzu ati yeɛ ɔnate ɛhyɛlɛ bɔ pɔfoɛ ne ɔhyɛ me so ti, odi kyɛ menate berɛ anwumvoin anwumvoin ɔ?”

Edwein 72:1

Ao Nyameɛ, fa wɔ pɛpɛɛpɛyɛlɛ ne ma ɛhene ne, ná fa wɔ tenenee ne ma ɛhene awa ne.

Edwein 72:2

Maa ɔfa tenenee obu wɔ maen ne, na ɔfa pɛpɛɛpɛyɛlɛ ɔnea bɛ bɔ bɛyɛ anwumvo ɔ so.

Ɛksadɔso 18:21

Afei koso, neanea mmenia ne amukoraa nu, ná ye mmenia bɔ bɛfata, bɔ besuro Nyameɛ, bɔ bedi nahorɛ, bɔ bekyi fea-ase-ma, ná maa bɛlela mmenia apee apee, ɛyaa ɛyaa, aburannu aburannu ne buru buru noa.

Ɛksadɔso 20:2

“Me ole AWURADE wɔ Nyameɛ bɔ nyele wɔ mvili Misraim aseɛ so, fili ngoaasolɛ nu ne.

Ɛksadɔso 3:15

Nyameɛ sa sele Mose kyɛ, “Kã kyire Yisraelfoɛ kyɛ, ‘AWURADE ɛmɔ nana mɔ Nyameɛ ne, Abraham Nyameɛ ne, Yisake Nyameɛ ne, Yakob Nyameɛ ne yeɛ wasoma me ɛmɔ berɛ ɔ.’ Me dumaa bɔ ɔwɔ berɛ afebɔɔ hɔ ɛne, na ɛhe yeɛ aworɛ ndoatoasoɛ mukoraa bɛkɔfa bɛkɔfrɛ me ɔ.

Anyandera 31:9

Te wɔ noa dwudwo, bua ndɛen bɔ ɔtengyɛ ɔ, di ehiafoɛ ne bɛ bɔ bɛyɛ anwumvo ɔ bɛ dwirɛ ma bɛ.

Yesaya 32:1

Tie, ɛhene bie baawa bɔ ɔkɔfa tenenee koli hene ɔ, na pɛpɛɛpɛyɛlɛ yeɛ maen mbanyi kɔfa kobu maen ɔ.

Yeremia 23:5

“Tie, mmerɛ bie ɔba, AWURADE noa dwirɛ ɛne, bɔ ngɔma Mmaen bie bɔ ɔtengyɛ ɔ kodwɔso wɔ Dawide bosofoɛ nu. Okoli hene, na okoyie ye yé. Okobua ndɛen turoloo kɔyɛ bɔ ɔtengyɛ ɔ wɔ aseɛ ne aso.

Sakaria 9:9

O Sion awa brasua, di ahurusi paa! O Yerusalem awa brasua, bɔ ese! Tie, wɔ Hene ne ɔ́ba wɔ berɛ, ɔtengyɛ, na ye yeɛ ngoalelɛ wɔ ye berɛ ɔ, odwo, na ɔte afunum so, afunum akrɔngrɔma so, bɔ ɔte afunum beleɛ ɔ.

Deuteronomi 32:4

Nyɔbotaen ne, ye adwuma te pɛpɛɛpɛ, na ye atee mukoraa tengyɛ. Ɔte nahorɛ Nyameɛ, bɔ nnakannaka nne ye nu ɔ, ɔte pɛpɛɛpɛ, na ɔtengyɛ.

Hebrifoɛ 1:8

Nakoso Ɔwa ne de, bɔ ɔha fale ye nwo ɛhe: “O Nyameɛ, w’ahennie bia wɔ berɛ afebɔɔ! W’Ahennie hɔtɔ ne te teenenee hɔtɔ.