2 Samuel 23:16 - AHYERƐLƐ KRONGRON

¹⁶ Yiti koɛhonɛfoɛ ahoneserɛfoɛ nza nemɔ sili bɛ hue bɛhɔle Filistifoɛ asikyeleɛ ne anu. Na abura bɔ ɔwɔ Betlehem kuro berɛ pambim ne anwo ne, bɛsale nu nzue ne bie bɛbrɛle Dawide. Nakoso wanno, na mmom ohwie guale mane AWURADE;

2 Samuel 23:16 Iomraidhean Croise

Gyenesise 35:14

Na Yakob fale ngayeɛ nyɔboɛ penane nekaa bɔ ɔne Nyameɛ bedwudwole ne, ohwiele anonneɛ afɔleɛ guale so na ohwiele ngoo koso guale so.

2 Samuel 23:9

Sɛ Yosebo Basebete nne berɛ a, Eleasa bɔ ɔse ole Dodo, bɔ ye koso ɔse ole Ahohi ne, ye yeɛ ɔwɔ berɛ ɔ. Eleasa boka koɛhonɛfoɛ ahoneserɛfoɛ nza ne aso. Mmerɛ bɔ Filistifoɛ boale bɛ noa kyɛ bɛ ne Yisraelfoɛ bɛbaaho ne, né Eleasa boka Dawide so. Yisrael koɛhonɛfoɛ nwatili,

1 Aberɛso Dwirɛ 11:18

Yiti koɛhonɛfoɛ ahoneserɛfoɛ nza nemɔ sili bɛ hue bɛhɔle Filistifoɛ asikyeleɛ ne anu. Na abura bɔ ɔwɔ Betlehem kuro berɛ pambim ne anwo ne, bɛsale nu nzue ne bie bɛbrɛle Dawide. Nakoso wanno, na mmom ohwie guale mane AWURADE.

Nworɛ Dwirɛhanɛniɛ 4:12

Sɛ ebie fa ngondii toa sona horɛ, ná odi ye so ngonim a, mmenia nyɔ de, ɔngora nni bɛ so ngonim. Nyamaa bɔ banwo ye mmɛsa ne, nu telɛ nyɛ mmerɛ.

Awuye 2:19

Dwɔso, tea nu kɔngɔen: abunnamu ahyɛaseɛ, hwie wɔ sufrɛ ne kyɛ nzue fa to AWURADE nyunu. Ma wɔ sa so kyire ye, ɔnate wɔ mma mmaa mmaa mɔ bɛ ngoa ti; bɛ yeɛ ɛhɔen apɛ bɛ wɔ borɔnoɛ biala ngwandaa ɔ.

Numeri 28:7

Odi kyɛ boaen akrɔngrɔma ko biala bɛfa anonneɛ afɔleɛ towaa ko ne bue bɛboka so. Odi kyɛ ehwie nzaa serɛ fa bɔ anonneɛ afɔleɛ ma AWURADE wɔ nekaa krongron berɛ.

Asomafoɛ 20:24

Nakoso me de, memva he menyɛ hwee, yeɛ me ngoa koso memva menyɛ hwee; amaa ɔnate so mahora mafa anigye mayie me natelɛ ne Awurade Yesu asɛmbatrɛ adwuma bɔ ɔfa mane me kyɛ nni Nyameɛ adom nzɛmba ne nwo adanzeɛ ne.

Romanfoɛ 5:7

Ɔyɛ se kyɛ ebie kowu kɔma teneneeniɛ ɔ. Bɔ ɔte teneneeniɛ de, ebiaa ebie kosi ye ahone kyɛ okowu kɔma ye.

2 Korintofoɛ 5:14

Na Kristo dɔ ne di yɛ so, ofikyɛ yɛde yɛto nu kyɛ sɛ sona ko wu mane mmenia mukoraa a, nzaade mmenia mukoraa bawu.

Filipifoɛ 2:17

Na sɛ ɔba kyɛ behwie me begua kyɛ afɔlebɔdeɛ wɔ ɛmɔ gyidie solɛ nwo a, ɔyɛ me fɛ, na me ne ɛmɔ amukoraa yɛdi ahurusi.

1 Samuel 19:5

Ofikyɛ ɔfale ye ngoa tole serewa oohuni Filistiniɛ ne, na AWURADE lili ngonim pirikua mane Yisrael amukoraati. Enwuni ye, na ɔyɛle wɔ fɛ. Na nzu ati yeɛ ɛpena kyɛ eku Dawide mbaen, maa ɔnate so ɛkã sona bɔ odi be mogya gua ɔ?”

1 Samuel 7:6

Yiti beeyiale nu wɔ Misepa, na bɛsale nzue behwie beguale ase bɛbɔle afɔleɛ bɛmane AWURADE. Bɛhyele hɔen sɔ kyẽa ne, na bɛhane kyɛ, “Yayɔ bɔne yatia AWURADE.” Na Samuel tenane Misepa buli Yisrael maen ne.