2 Samuel 22:51 - AHYERƐLƐ KRONGRON

⁵¹ Odi ngonim piri paa ma ye hene ne, ɔye ɔdɔ onni ngasi ali kyire sona bɔ wapopa ye ngoo ne, ɔye ye ali kyire Dawide ne ye boso ama afebɔɔ.”

2 Samuel 22:51 Iomraidhean Croise

2 Samuel 22:2

Ɔtole ye kyɛ, “AWURADE te me nyɔbotaen, m’anwoserɛ afealeɛ ne me defoɛ,

2 Samuel 23:1

Dawide noa dwirɛ bɔ ɔpɛ ye bo ɛhe: Yese awa Dawide, ye noa dwirɛ, sona bɔ Nyameɛ apagya ye ne, ye noa dwirɛ, sona bɔ Yakob Nyameɛ apopa ye ngoo ne, Yisrael edweintolɛniɛ bɔ ye dwein fɛfɛɛfɛ ne, ye noa dwirɛ ɛhe:

2 Samuel 7:16

Wɔ boso ama ne w’ahennie kotindim afebɔɔ wɔ me nyunu, na wɔ bia kotindim afebɔɔ.”

Edwein 144:10

Wɔ yeɛ ɛma ahemvo bedi ngonim ɔ; wɔ yeɛ ɛpepɛ de wɔ somvoɛ Dawide fi ngrandɛ bɔ odi awue noa ɔ.

Edwein 18:50

Odi ngonim piri paa ma ye hene ne, ɔye ɔdɔ bɔ onni ngasi ɔ ali kyire sona bɔ wapopa ye ngoo ne, ɔye ye ali kyire Dawide ne ye boso ama afebɔɔ.

Edwein 21:1

Ao AWURADE, w’anwoserɛ ne ati ɛhene ne nye gye; na wɔ ngoalelɛ ne ati, nea kyɛbɔ osi di ahurusi paa ɔ!

Edwein 3:3

Nakoso ao AWURADE, wɔ yeɛ ɛte m’akokyɛm, m’animnyam ne me worakyekyelɛniɛ ɔ.

Edwein 48:3

Nyameɛ wɔ kuro berɛ anwoserɛ afealeɛ ne anu, na wahyire kyɛ ye yeɛ ɔbɔ kuro ne anwo waen ɔ amba.

Edwein 89:20

Manwu me somvoɛ Dawide, mafa me ngoo krongron ne mapopa ye.

Edwein 89:24

Me nahorɛlilɛ ne me ɔdɔ bɔ onni ngasi ne, bekogyina ye si; na me dumaa nu yeɛ ɔkɔhɔ so konya anwoserɛ ɔ.

Edwein 89:26

Okose me kyɛ, ‘Wɔ yeɛ ɛte me baba, me Nyameɛ ne me ngoalelɛ Nyɔbotaen ɔ!

Edwein 89:29

Ngɔma ye boso ama bekoli hene afebɔɔ, na kyɛ nyameɛso tɛwɔ berɛ ye de, ye ahennie kɔtena berɛ.

Edwein 89:36

Ye boso ama koli hene afebɔɔ, na kyɛ eyia tɛwɔ berɛ ye de, ye ahennie kɔtena berɛ wɔ me nyunu.

Edwein 91:2

okose AWURADE kyɛ, “Ɛte m’afealeɛ ne m’anwoserɛ afealeɛ, me Nyameɛ bɔ me wora wura ye nu ɔ.”

Yeremia 30:9

Na mmom bɛkɔso AWURADE bɛ Nyameɛ ne bɛ hene Dawide bɔ ngosiesie ye ngɔma bɛ ne.

Nyekyire 11:15

Na abɔfo bɔ ɔtɔ so nzoo ne huli ye totorobɛndo ne, na komviɛ mbiri mbiri bobɔle nu wɔ nyameɛso kyɛ, “Ewiase ahennie wayɛ yɛ Awurade ne ye Kristo ne deɛ, na okoli hene afebɔɔ.”