2 Samuel 22:44 - AHYERƐLƐ KRONGRON

⁴⁴ Me mmenia bɔ bɛyɔle me nwo lɔen ne, ɛpepɛ lele me fili bɛ sa nu. Ɛfale me tuale maen maen noa, na mmenia bɔ né menze bɛ ɔ bɛsole me.

2 Samuel 22:44 Iomraidhean Croise

2 Samuel 19:14

Dawide noa dwirɛ ne hane mmenia bɔ bɛwɔ Yuda amukoraa bɔle nu maa bɛyɛle ko, na bɛmaa beesele Nana Dawide kyɛ, “Sa bra, ɛne wɔ somvoɛ amukoraa.”

2 Samuel 19:9

Yisrael mmusua kure nemɔ anu, né mmenia ne amukoraa bésu ye nwo aporowaa kyɛ, “Nana Dawide lele yɛ fili yɛ pɔfoɛ mɔ sa nu, yeɛ ɔyele yɛ fili Filistifoɛ sa nu. Nakoso kekesaala ye de, ɔnate Absalom ti wanwati wafi maen ye anu.

2 Samuel 20:22

Afei braa ne fale ye nworɛ adwene ne ɔɔbɔle kuro berɛ ama mukoraa amaneɛ. Bɛpɛle Bikri awa Hyeba ti, na befindini bɛtole dɔ bɛmane Yoabo. Yiti Yoabo huli totorobɛndo ne, na bɛ mukoraa befili kuro ne anwo bɛhɔle b’awuro. Nakoso Yoabo de, osa hɔle Nana Dawide berɛ wɔ Yerusalem.

2 Samuel 3:1

Koɛ bɔ ɔtɔle Sɔɔlo awuro ama ne Dawide awuro ama b’afia ne, ɔhɔle so hyɛle. Dawide hɔle so nyane ngɔsoɛ, nakoso Sɔɔlo sasofoɛ de, bɛhɔle so bɛhɔle ase.

2 Samuel 5:1

Afei Yisrael abusua kure amukoraa wale Dawide berɛ beesele ye kyɛ, “Nana, yɛte wɔ bɔbɔ wɔ nnehyeɛ.

Edwein 110:6

Okobua maen maen mɔ ndɛen, na ɔkɔmaa mmenia fuin koyi bɛ so to; ɔkɔgorɔgorɔ mmenia ti wɔ aseɛ so amukoraa.

Edwein 18:43

Mmenia bɔ bɛyɔle me nwo lɔen ne, ɛpepɛ lele me fili bɛ sa nu. Ɛfale me tuale maen maen mɔ noa, na mmenia bɔ né menze bɛ ɔ bɛsole me.

Edwein 2:8

Bisa me, na ngɔma maen maen mɔ kɔyɛ w’agyapadeɛ, ná ofi aseɛ ti bɔ ɔkwaahã ye ti ayɛ wɔ deɛ.

Yesaya 55:4

Tie, mafa ye mayɛ adanzeɛ mama maen maen mɔ, ɔte maen maen mɔ bɛ safohene, ɔne bɔ ɔla bɛ noa ɔ.

Yesaya 55:5

Tie, ɛkɔto wɔ sa kɔfrɛ maen maen bɔ ɛnze bɛ ɔ, na maen maen bɔ bɛnze wɔ ɔ bekotu amirika bɛkɔwa wɔ berɛ, ɔnate AWURADE wɔ Nyameɛ, Yisrael Krongronniɛ ne ati, ofikyɛ wahyɛ wɔ animnyam.

Yesaya 60:12

Ofikyɛ maen anaa ahennie bɔ ɔngɔso wɔ ne, okogu; na bɛkɔbɔ sɔ maen nemɔ bɔkɔɔ.

Yesaya 65:1

“Nyɛle kyɛ ngotie bɛ bɔ bɛmbena me boso ne, nyɛle kyɛ ngɔma bɛ bɔ bɛmbena me si atee ne bekonwu me. Na ngane kyɛ, ‘Me ɛhe, me ɛhe!’ ngyirele maen bɔ wanye me dumaa ayɛ ne.

Daniel 7:14

Na ye yeɛ bɛmane ye tumi, animnyam ne ahennie, amaa ɔnate so maen maen mukoraa, mmenia mukoraa ne edwudwolɛ amukoraa baso ye. Ye tumi ne, ɔte tumi bɔ olle ayieleɛ bɔ ɔngɔpɛ nu le ɔ, na ye ahennie ne, ɔte ahennie bɔ ɔngɔbɔ le ɔ.

Hosea 2:23

Ngolua ye ngɔma me nwo wɔ aseɛ ne aso. Ngonwu bɔ mannwu ye anwumvoin ne anwumvoin, na ngose bɔ ɔtte me maen ne kyɛ, ‘Ɛte me maen,’ na bɛ koso bɛkɔhã kyɛ, ‘Ɛte me Nyameɛ.’ ”

Romanfoɛ 15:12

Yesaya kã ye bieku kyɛ, “Yese ndii ne kɔwa, ye yeɛ okodwɔso kooli Amaenmaensofoɛ so hene ɔ, na ye so yeɛ Amaenmaensofoɛ kɔfa bɛ nye bɛkɔto ɔ.”

Romanfoɛ 9:25

Kyɛbɔ bahyerɛ ye wɔ Hosea nwomaa ne anu kyɛ, “Mmenia bɔ ahaa bɛtte me deɛ ne, ngɔfrɛ bɛ ‘Me mmenia,’ na bɔ manguro ye dwirɛ ne, ngɔfrɛ ye ‘Me dɔfo.’

Deuteronomi 28:13

Sɛ ɛyɛ sotie ma AWURADE wɔ Nyameɛ mmeraa dwirɛ bɔ méhyɛ méma wɔ ɛnɛ ye, ná edi so nahorɛ nu a, ye de AWURADE kɔma wɔ so, na ɔngɔma ɛngɔhɔ ase; ekoli bɛ so, na engowura bɛ bo.

Nyekyire 11:15

Na abɔfo bɔ ɔtɔ so nzoo ne huli ye totorobɛndo ne, na komviɛ mbiri mbiri bobɔle nu wɔ nyameɛso kyɛ, “Ewiase ahennie wayɛ yɛ Awurade ne ye Kristo ne deɛ, na okoli hene afebɔɔ.”