2 Samuel 22:41 - AHYERƐLƐ KRONGRON

⁴¹ Ɛmane me pɔfoɛ mɔ nwati fili me nyunu, bɛ bɔ bekyi me ne, nnuane bɛ boso.

2 Samuel 22:41 Iomraidhean Croise

Gyenesise 49:8

Yuda, eliɛma mɔ kɔkamvo wɔ, na ɛkɔfo kɔtena wɔ pɔfoɛ mɔ kɔme so; ɛse amma mmienzua mɔ kɔkoto wɔ.

Ɛksadɔso 23:27

“Ngɔma me nwo suronyi koli wɔ nyunu, na maen biala bɔ ekodwu so ne, ngɔma ahunundetelɛ kɔtɔ nu mmenia so. Na ngɔma wɔ pɔfoɛ amukoraa kɔnwati kofi wɔ nyunu.

Luka 19:14

Nakoso ye maen ne anu ama de, né bɛpɔ ye, yiti betuli ɛbɔfoɛ mɔ maa bɛpole ye so bɛɛhane kyɛ, ‘Yɛmbena kyɛ sɔ biaa he odi yɛ so hene.’

Luka 19:27

Na me pɔfoɛ mɔ bɔ né bɛmbene so kyɛ medi bɛ so hene ne de, ɛ́mɔfa bɛ bɛbra wa beehu bɛ me nyunu wa!’ ”

Yosua 10:24

Bɛfale ahemvo nemɔ bɛbrɛle Yosua nen, Yosua mane Yisraelfoɛ amukoraati beyiale, na osele koɛhonɛfoɛ mɔ so safohene mɔ bɔ bɛ ne ye hɔle koɛ ne kyɛ, “Ɛ́mɔpingye wa ná ɛ́mɔfa ɛmɔ gya bétia ahemvo hemɔ kɔme so.” Yiti bepingyele berɛ, na bɛfale bɛ gya betiale bɛ kɔme so.