2 Samuel 22:4 - AHYERƐLƐ KRONGRON

⁴ AWURADE bɔ ɔfata ayɛyelɛ ne, ye yeɛ mesu mefrɛ ye ɔ, na ode me fi me pɔfoɛ mɔ sa nu.

2 Samuel 22:4 Iomraidhean Croise

2 Aberɛso Dwirɛ 20:22

Na begu so bɛto dwein ná bɛye AWURADE ayɛ ne, AWURADE mane Amonfoɛ, Moabofoɛ ne Sɛre bokaa so koɛhonɛfoɛ bɔ bafa koɛ baatoa Yuda ne, bɛpɛle bɛ nwo behuhuni bɛ nwo.

Nehemia 9:5

Yeɛ Lewifoɛ hemɔ: Yesua, Kadimiɛl, Bani, Hasabeneya, Serebia, Hodia, Sebania ne Petahia besele kyɛ, “Ɛ́mɔdwɔso bɛye AWURADE ɛmɔ Nyameɛ ayɛ ofi ɛnɛ bɔ ɔkwaadwu afebɔɔ. W’animnyam dumaa bɔ ɔbo animnyam ne ayɛyelɛ amukoraa so ne, yɛye ye ayɛ.”

Edwein 106:2

Nwa yeɛ ɔkɔhora kɔhã AWURADE nnwumaa mbiri mbiri ne ɔ, anaa ɔkɔhora kɔbɔ ye ayɛyelɛ amukoraa nwo dawure ɔ?

Edwein 116:13

Ngɔma ngoalelɛ kulie ne aso, ná mabɔ AWURADE dumaa masɔne ye.

Edwein 116:17

Ngɔbɔ asennaa afɔleɛ ngɔma wɔ, ná masu mafrɛ AWURADE dumaa.

Edwein 116:2

Wayɛ asoɛ watie me, yiti ngosu ngɔfrɛ ye wɔ mmerɛ bɔ nde ngoa nu ɔ.

Edwein 116:4

Yeɛ nzu mvrɛle AWURADE dumaa kyɛ, “Ao AWURADE, mesrɛ wɔ, pepɛ de me kra.”

Edwein 18:3

AWURADE bɔ ɔfata ayɛyelɛ ne, ye yeɛ mesu mefrɛ ye ɔ, na ɔpepɛ de me fi me pɔfoɛ mɔ sa nu.

Edwein 34:6

Sɔ anwumvoinniɛ he, osuni, na AWURADE tiele ye sufrɛ, ná ɔpepɛ lele ye fili ye amaneɛ amukoraa nu.

Edwein 48:1

AWURADE te piri, na ɔfata ayɛyelɛ piri paa wɔ yɛ Nyameɛ kuro ne anu. Ye bokaa krongron ne,

Edwein 50:15

Sũ frɛ me wɔ w’amaneɛnwunɛ mmerɛ nu, na ngɔpepɛ ngole wɔ, amaa ɔnate so ahyɛ me animnyam.”

Edwein 55:16

Na me de, mesu mefrɛ Nyameɛ, na AWURADE kɔpepɛ kole me.

Edwein 56:9

Na afei kyẽa bɔ ngosu ngɔfrɛ wɔ ne, me pɔfoɛ mɔ bɛkɔtete bekosa. Mese ye sɔ, ofikyɛ Nyameɛ gyi me si.

Edwein 66:2

ɛ́mɔfa ayɛyelɛ bɔ animnyam wɔ nu ɔ bɛ́ma ye.

Edwein 96:4

Ofikyɛ AWURADE te piri, na ɔfata ayɛyelɛ piri paa; odi kyɛ sona suro ye tra nyameɛ biala.

Romanfoɛ 10:13

Ofikyɛ ebiala bɔ ɔbɔ Awurade dumaa ne, okonya ngoa.

Nyekyire 4:11

“Y’Awurade ne yɛ Nyameɛ, ɛfata kyɛ ede animnyam, anidie ne tumi, ofikyɛ wɔ yeɛ ɛbɔle nningyein amukoraati, wɔ pɛ ti yeɛ bɛwɔ berɛ ɔ, na wɔ pɛ ti yeɛ ɛbɔle bɛ ɔ.”

Nyekyire 5:12

Na bɛteane nu bɛhane kyɛ, “Boaen Ba bɔ behuni ye ne, ɔfata kyɛ ode tumi, anwonya, nworɛ, anwoserɛ, anidie, animnyam ne saleɛ!”