2 Samuel 22:10 - AHYERƐLƐ KRONGRON

¹⁰ Ɔmoamoane ewienu, na odwuli ase, na né awosii kabii wɔ ye gya bo.

2 Samuel 22:10 Iomraidhean Croise

1 Ahemvo 8:12

Afei Solomon bɔle mbaeɛ kyɛ, “AWURADE, ahã kyɛ ɛkɔtena awosii kabii nu.

Edwein 104:3

Wɔ sua mbuna mɔ, begyigyi nzue mɔ so, ɛfa munungum yɛ wɔ teaseɛnam, na mvrama ye ndaa so yeɛ ɛnate ɔ.

Edwein 144:5

Ao AWURADE, wɔ ewienu ne, bobɔ ná dwu bra ase; fa wɔ sa kã mmokaa maa betu nwosina.

Edwein 97:2

Munungum ne awosii kabii bapɛ ye nwo bayia; tenenee ne ndɛenbualɛ turoloo, bɛte ye ahennie bia nyinasoɛ.

Ɛksadɔso 19:16

Ye ɛlɛsa ne aso, ngyerɛmɔ, wɔ bokaa ne aso: agralaa tetele, Nyameɛ ne bobɔle nu kurudududu, munungum kumɔnn wale, na totorobɛndo ne teane nu serɛserɛ. Yiti mmenia mukoraati bɔ né bɛwɔ asikyeleɛ berɛ ne, bɛ nwo wosowosole bɛ.

Ɛksadɔso 20:21

Mmenia ne gyinane dedeede, nakoso Mose de opingyele awosii kabii bɔ né Nyameɛ wɔ nu ne.

Yesaya 63:19

Yayɛ kyɛ mmenia bɔ ellili bɛ so hene le ɔ, yayɛ kyɛ mmenia bɔ bɛmva wɔ dumaa bɛmvrɛ bɛ ɔ.

Nahum 1:3

AWURADE ahone onhu ndɛ, ye tumi te piri; na ongobua bɔ odi fɔ ɔ be le. AWURADE atee la mvrama bɔ ɔpɛ ye nwo, ɔne mvrama bɔ otu serɛserɛ ɔ nu, na munungum te ye gya bo mvuture.

Mateo 27:45

Na ofi eyia duabien mmerɛ ne, awosii katale aseɛ so amukoraa maa ɔɔbɔle eyia nnɔnmmiɛnza.

Deuteronomi 4:11

Ɛmɔpingyele berɛ, na ɛmɔgyinane bokaa ne nye abo, wɔ aberɛ bɔ né bokaa ne gye wuronyiwuronyi kɔ anwuro anwuro wɔ munungum kabii ne awosii tunn nu ɔ.