2 Samuel 22:1 - AHYERƐLƐ KRONGRON

¹ Mmerɛ bɔ AWURADE lele Dawide fili ye pɔfoɛ amukoraa sa nu ne Sɔɔlo sa nu ne, Dawide tole dwein he yele AWURADE ayɛ.

2 Samuel 22:1 Iomraidhean Croise

2 Samuel 12:7

Yeɛ Natan sele Dawide kyɛ, “Wɔ yeɛ abɔ sɔ bra ne! Na AWURADE Yisrael Nyameɛ nwa nyoo: Me yeɛ mbopale wɔ ngoo mvale wɔ nzili Yisrael so hene ɔ, me yeɛ nnele wɔ mvili Sɔɔlo sa nu ɔ.

2 Samuel 22:49

ye bɔ ode me fi me pɔfoɛ mɔ sa nu ɔ; bɛ bɔ bedwɔso betia me ne, wɔ yeɛ ɛma me so maa bewura me bo ɔ, na ede me fi mmenia bɔ awosii wɔ bɛ ti anu ɔ bɛ sa nu.

1 Aberɛso Dwirɛ 16:7

Afei sɔ kyẽa ne, edwein bɔ bɛto bɛye AWURADE ayɛ ne, Dawide lili moa ɔfa wurale Asafe ne Asafe mmango Lewifoɛ nemɔ bɛ sa.

Edwein 34:19

Teneneeniɛ amaneɛ ɔsone, nakoso AWURADE pepɛ de ye fi ye mukoraa nu.

Edwein 50:14

Fa asennaa yɛ afɔleɛ bɔ ma AWURADE, ná tua w’aboadeɛ ma Anwuro Anwuroniɛ ne.

Ɛksadɔso 15:1

Afei Mose ne Yisraelfoɛ tole edwein he yele AWURADE ayɛ kyɛ, “Ngɔto dwein ngɔye AWURADE ayɛ, ofikyɛ wama ye nwo so ngonim nu; wagyi pɔngɔ ne pɔngɔhanɛniɛ ne wagua ɛpo nu.

2 Korintofoɛ 1:10

Ye yeɛ ɔyele yɛ fili ewue suronyisuronyi sɔa nu ɔ, na ɔkɔpepɛ kole yɛ; ye yeɛ yafa yɛ wora yawura ye nu ɔ, kyɛ okosa kɔpepɛ kole yɛ ɔ.

Deuteronomi 31:30

Afei Mose kengale edwein he anu dwirɛ amukoraati, fite ye ti kɔka ye bo, maa Yisrael maen ye amukoraa bɛtele.

2 Timoteo 4:18

Awurade kɔpepɛ kole me kofi musue amukoraa nu, na okole me kɔhɔ ye nyameɛso ahennie ne anu. Ye yeɛ animnyam ɔte ye deɛ daa daa afebɔɔ ɔ. Amen.

Maenbulɛfoɛ 5:1

Sɔ kyẽa ne, Debora ne Abinoam awa Barake bɛtole edwein kyɛ,

1 Samuel 23:14

Dawide tenane ɛserɛ so anwoserɛ afealeɛ nemɔ anu, wɔ mmokaa aseɛ bɔ ɔwɔ Sife ɛserɛ ne aso. Sɔɔlo hɔle so penane ye mmerɛ biala, nakoso Nyameɛ amva ye wanwura ye sa.

1 Samuel 24:15

AWURADE te ndɛenbualɛniɛ, na yɛ nu ko bɔ odi fɔ ne, okobua ye fɔ. Mesrɛ kyɛ ɔneanea nu, oli me dwirɛ ma me, ná ole me fi wɔ sa nu.”

1 Samuel 25:29

Me mene, sɛ ebie yɛ kyɛ ɔfoa wɔ pena wɔ ku wɔ a, ye de AWURADE wɔ Nyameɛ kɔbɔ wɔ ngoa nwo waen maa ɛkɔboka ateasefoɛ so. Nakoso wɔ pɔfoɛ mɔ bɛ ngoa de, okofindi bɛ kogua kyɛbɔ bɛfa taya befindi nyɔboɛ ne ala.

1 Samuel 26:24

Na kyɛbɔ mama wɔ ngoa nwo ahia me ɛnɛ ne, sɔ ala yeɛ mesrɛ AWURADE kyɛ, ɔ́ma me ngoa nwo hia ye, ná ole me fi amaneɛ mukoraati nu ɔ.”

1 Samuel 27:1

Dawide hane ye wɔ ye ti anu kyɛ, “Annea a, ɛlɛho Sɔɔlo konya me kohũ me. Bɔ ɔsɛ kyɛ meyɔ ala ole kyɛ ngɔnwati ngɔhɔ Filistifoɛ aseɛ so. Ɔba ye sɔ a, Sɔɔlo kɔpa aba, bɔ ɔngɔpena me ko wɔ Yisrael aseɛ so ɔ, na ngɔnwati ngofi ye sa nu.”