2 Samuel 21:7 - AHYERƐLƐ KRONGRON

⁷ Nakoso Sɔɔlo anomaa Mefibosɛte bɔ ɔte Yonatan awa ne de, Nana Dawide maa onyane ye ti didili nu, ɔnate kyɛ né Dawide ne Sɔɔlo awa Yonatan bɛ munyɔ bafa AWURADE bata bɛ nwo ndaen.

2 Samuel 21:7 Iomraidhean Croise

2 Samuel 16:4

Yeɛ Nana Dawide sele Siba kyɛ, “Ofi ɛnɛ bɔ ɔkɔ ɔ, Mefibosɛte nikyee biala bɔ ole ye ne, wayɛ wɔ deɛ.” Na Siba sele kyɛ, “Nana, me mene, mekoto wɔ. W’adaworoma, do me.”

2 Samuel 19:25

Mmerɛ bɔ ofili Yerusalem ooyiale Nana Dawide nen, Nana Dawide bisale ye kyɛ, “Mefibosɛte, nzu ati yeɛ ɛne me angɔ ɔ.”

2 Samuel 4:4

Né Sɔɔlo awa Yonatan le baa bienzua bubuaniɛ bie. Oli Mefibosɛte. Mmenia fili Yesreel bɛɛbɔle amaneɛ kyɛ Sɔɔlo ne Yonatan bawu nen, né Mefibosɛte ali afoɛ nnu. Baanealɛniɛ bɔ ɔnea ye ne pagyale ye nwatili. Na ndɛndɛ so bɔ ɔnwati nen, Mefibosɛte te tɔle, na ɔyɛle bubuaniɛ.

2 Samuel 9:1

Ɛlɛho bie, Dawide bisale kyɛ, “Sɔɔlo boso ama ne, aso ebie tɛ wɔ berɛ bɔ ɔnate Yonatan ti ɔsɛ kyɛ meyɛ ye paa ɔ?”

2 Samuel 9:10

Ɛne wɔ mma ne wɔ somvoɛ mɔ, odi kyɛ ɛmɔyɔ aseɛ ne aso adwuma bɛma ye. Fa so aleɛ bra, amaa ɔnate so wɔ mene anomaa Mefibosɛte wanya aleɛ wali. Na wɔ mene anomaa ne de, ɔne me kɔtena ɛpoen ko anwo yɛkodidi daa.” Né Siba le mmaa mmienzua buru ne nnu ne somvoɛ aburanyɔ.

2 Samuel 9:6

Na Sɔɔlo awa Yonatan ɔwa Mefibosɛte oodwuli Dawide nyunu berɛ ne, ɔfale ye nyunu butuli berɛ anidie nu. Yeɛ Dawide frɛle ye kyɛ, “Mefibosɛte!” Na osurole kyɛ, “Nana, w’akoaa, me ɛhe.”

2 Samuel 9:7

Na Dawide sele ye kyɛ, “Nnɛsuro, na ɔnate wɔ baba Yonatan ti ngɔyɛ wɔ paa. Wɔ nana Sɔɔlo aseɛ ne, ngɔfa ye mukoraa ngɔma wɔ, na ɛne me kɔtena ɛpoen ko anwo yɛkodidi daa.”

Nworɛ Dwirɛhanɛniɛ 8:2

Menwa, yɛ sotie ma ɛhene n’ahyɛdeɛ, ofikyɛ ata ndaen ahyire Nyameɛ, [na nnɛmaa ɔha wɔ].

1 Samuel 18:3

Afei Yonatan ne Dawide yɛle apam, ofikyɛ né okuro Dawide dwirɛ kyɛ ye bɔbɔ ye nwo.

1 Samuel 20:12

Afei Yonatan sele Dawide kyɛ, “AWURADE Yisrael Nyameɛ te danzeniɛ, kyɛ ɛhema anaa ɛhema si bekye sɔa ala, sɛ menwu me baba adwene, ná wɔ nwo adwene paa wɔ ye ti anu a, aso mengɔsoma ma bɛngɔɔye wɔ asotire anaa?

1 Samuel 20:15

wɔ nahorɛ abiɛngoɛfalɛ ne, nnɛyakyi ye falɛ wɔ m’abusua nu. Na sɛ AWURADE ma Dawide pɔfoɛ mɔ bɛ boso nua fi aseɛ ye aso po a, m’abusua de, nnɛyakyi ye abiɛngoɛfalɛ le.”

1 Samuel 20:17

Yonatan mane Dawide tale ndaen bieku kyɛ okuro ye dwirɛ; ofikyɛ né Yonatan kuro Dawide dwirɛ kyɛ ye bɔbɔ ye nwo.

1 Samuel 20:42

Afei Yonatan sele Dawide kyɛ, “Kɔ asomdwee nu, ɔnate kyɛ yɛ munyɔ yata ndaen wɔ AWURADE dumaa nu, kyɛ, ‘AWURADE di yɛ munyɔ y’afia adanzeɛ, yeɛ odi me bosofoɛ ne wɔ bosofoɛ koso adanzeɛ daa.’ ” Yeɛ Dawide sili nu hɔle, na Yonatan de, osa hɔle awuro.

1 Samuel 20:8

Nwu w’akoaa anwumvoin, ofikyɛ ama w’akoaa ne wɔ bayɛ apam wɔ AWURADE dumaa nu. Sɛ medi fɔ a, ye de wɔ bɔbɔ ku me. Nzu ati yeɛ ɔsɛ kyɛ ɛfa me kɔma wɔ baba ɔ?”

1 Samuel 23:18

Afei bɛ munyɔ bɛyɛle apam wɔ AWURADE nyunu. Dawide tenane Horese berɛ, yeɛ Yonatan koso osa hɔle ye awuro.

1 Samuel 24:22

Yiti Dawide tale sɔ ndaen ne hyirele Sɔɔlo. Afei Sɔɔlo sili nu hɔle awuro, na Dawide ne ye mmenia nemɔ koso bɛfo bɛhɔle anwoserɛ afealeɛ ne anu.