Biblia Todo Logo
Bìoball air-loidhne

- Sanasan -




2 Samuel 21:6 - AHYERƐLƐ KRONGRON

6 maa bɛfa ye boso ama mmienzua nzoo bewura yɛ sa, ná yɛɛbɔ bɛ kɔme wɔ AWURADE nyunu, wɔ Sɔɔlo bɔ AWURADE neaneane nu yele ye ne ye kuro Gibea.” Na Nana Dawide hane kyɛ, “Ngɔfa bɛ ngɔma ɛmɔ.”

Faic an caibideil Dèan lethbhreac




2 Samuel 21:6
22 Iomraidhean Croise  

Kyɛ odwu ɛlɛsa ne, Faro kɔpɛ wɔ ti kofi so, na ɔkɔmaa bɛkɔfa wɔ kundunzii ne bekosinze bakaa so maa nnomaa kosuso wɔ naen bekoli.”


Nakoso paanootonɛfoɛ so panyi ne de, ɔmaa behuni ye, kyɛbɔ Yosef hyirele bɛ laleɛ nemɔ abo nen.


Na Ahitofel nwuni kyɛ bamva ye foɛ bɔ watu nen, ɔfale ye nningyein tale ye afunum si, na osili nu hɔle ye awuro wɔ ye kuro. Ɔtotole ye si yé, na afei ɔɔbɔle ye kɔme. Owuli, na besiele ye wɔ ye baba asieleɛ nu.


Biaa bie nwuni ye, na ɔɔbɔle Yoabo amaneɛ kyɛ, “Baanea! Manwu kyɛ Absalom sinze eluii bie aso ɔ.”


Nana, me mene, ahaa me baba abusuafoɛ mukoraa, ehunɛ yeɛ yɛfata kyɛ eku yɛ ɔ. Nakoso amaa me, wɔ somvoɛ, maboka mmenia bɔ bedidi wɔ poen so ne aso. Nana, nzikyɛ bieku yeɛ ngɔhora ngobisa ngofi wɔ berɛ ɔ?”


Ahiesa yeɛ né ɔla bɛ noa ɔ. Sɛ ɔnne berɛ a, Yoase yeɛ né ɔwɔ berɛ ɔ. Bɛ munyɔ bɛte Semaa bɔ ofi Gibea ne, ye mma mmienzua. Afei ɛhemɔ koso bɛboka so: Asimawete mma mmienzua Yesiɛl ne Pelete; Beraka ne Yehu bɔ ofi Anatote ne,


Masa mahyɛ mmeraa koso kyɛ, ebiala bɔ okotu sɔ mmeraa ne kogua ne, bɛkɔye ye awuro nu mbuna ko, bekosinzi ye noa bɛkɔfa bɛkɔpena berɛ, ná bafa ye basina so, na bɛkɔfa ye awuro ne bɛkɔkakyi fofoɛ.


Hamedata awa Haman bɔ ɔpɔ Yudafoɛ ne, ye mma mmienzua buru mɔ ɛne, nakoso bɛ nningyein de, bamva bɛ sa banga ye.


Na ɔtole ɛdwetɛ ne guale asɔneyɛɛ sua ne anu berɛ, ofili berɛ hɔle, na ɔɔbɔle ye kɔme.


Na afei, bɛsrɛle kyɛ bɛpena ɛhene, na Nyameɛ mane bɛ Kise awa Sɔɔlo, bɔ ofi Benyamin abusua kure nu, afoɛ aburanna.


“Sɛ ebie di bɔne bie bɔ ɔfata ewue, ná beku ye bɛfa ye besinze bakaa so a,


Nziɛ ye, Yosua huhuni ahemvo nemɔ, na ɔfale bɛ sinzele mmakaa nnu so. Na besinzele mmakaa ne aso maa oodwuli nɔsoa.


Na Aye hene de, osinzele ye bakaa so maa oodwuli nɔsoa. Na eyia tɔle ne, Yosua mane Yisraelfoɛ yele ye fuin ne befili bakaa ne aso, befindini ye bɛtole kuro berɛ pambim ne anyunu, na ɔmaa bɛboaboale nyɔboɛ kure kandinga beguale ye so, bɔ ɔtɛwɔ berɛ kekesaala ye ɔ.


Afei Samuel fale ngoo towaa, otutu guale Sɔɔlo ti so, na ɔtɔle ye nu hane kyɛ, “AWURADE apopa wɔ ngoo wafa wɔ wali ye maen Yisrael so hene. Wɔ yeɛ ɛkɔla AWURADE maen ne noa ɔ, na bɛ pɔfoɛ mɔ bɔ bapɛ bɛ nwo bayia ne, wɔ yeɛ ɛkɔpepɛ kole bɛ kofi bɛ sa nu ɔ. Na bɔ okohyire kyɛ AWURADE afa wɔ wali ye agyapadeɛ so hene ɛhe:


Na Samuel sele mmenia ne amukoraa kyɛ, “Ɛhe yeɛ AWURADE aneanea nu waye ye ɔ. Ebiala nne maen ye anu bɔ ɔte kyɛ ye ɔ.” Na mmenia ne amukoraa bɔ lele so kyɛ, “Nana, wɔ ngoa so oo!”


Sɔɔlo koso hɔle ye awuro wɔ Gibea, na koɛhonɛfoɛ biemɔ bɔ Nyameɛ kanyane bɛ ɔ yeɛ bɛfale ye bɛhɔle ɔ.


Ɛbɔfoɛ nemɔ dwuli Sɔɔlo kuro Gibea, na bɛfale edwirɛ ne nwo amaneɛ bɛbɔle berɛ ama nen, mmenia ne amukoraa bɛsɔle awuyebɔlɛ nu.


Fa AWURADE ta ndaen kyire me, kyɛ me boso ama mɔ, engonua bɛ boso, kyɛ ɛngɔkyikyi me dumaa ngofi me se awuro.”


Yiti Dawide tale sɔ ndaen ne hyirele Sɔɔlo. Afei Sɔɔlo sili nu hɔle awuro, na Dawide ne ye mmenia nemɔ koso bɛfo bɛhɔle anwoserɛ afealeɛ ne anu.


Lean sinn:

Sanasan


Sanasan