2 Samuel 21:16 - AHYERƐLƐ KRONGRON

¹⁶ Na Filisti kwabranoa nemɔ, bɛ bosoniɛ ko bie bɔ oli Yisibi Benobo ne, ɔbɔle mmɔden kyɛ okohu Dawide. Né ye pealɛɛ ne anu nonɛ te kilo nza ne bue, na né ye akodeɛ nemɔ te monɛ.

2 Samuel 21:16 Iomraidhean Croise

Gyenesise 14:5

Na afoɛ bɔ ɔtɔ so buru ne nna ne anu, Kedolaoma ne ahemvo mɔ bɔ bɛwɔ ye bue nu ne, bɛɛbole Refaimfoɛ wɔ Asterote Kanaim, Susimfoɛ wɔ Ham, Emimfoɛ wɔ Sawe Kiriatim,

Gyenesise 6:4

Na sɔ mmerɛ ne anu, yeɛ ye si ye po, né Nefilifoɛ wɔ aseɛ so. Na ɔwale kyɛ Nyameɛ mma nemɔ bɛɛfale mmenia mma mmrasua nemɔ, na bɛ ne bɛ wowole mmaa. Na sɔ mmaa nemɔ ole daa tete anwoserɛfoɛ, mmenia bɔ belele dumaa ne.

2 Samuel 21:18

Ɛhe asi ye, bɛ ne Filistifoɛ hone koɛ bieku wɔ Gɔbo. Koɛ ne anu, Husaniɛ Sibekae huni kwabranoa nemɔ bosoniɛ ko bɔ oli Safe.

2 Samuel 21:20

Besa bɛ ne Filistifoɛ hone koɛ wɔ Gate. Gate berɛ, né Filistiniɛ bienzua tendenn guraen bie wɔ berɛ. Ye sa ne ye gya mmɛseka nemɔ te nzia nzia, na ye mu ka bɔ nu a, ɔte aburanyɔ ne nna. Ye koso ɔte kwabranoa nemɔ bosoniɛ.

2 Samuel 21:22

Sɔ mmenia nna ne, bɛte Gate kwabranoa nemɔ bɛ bosofoɛ nemɔ bie. Na Dawide ne ye mmenia nemɔ huhuni bɛ.

2 Samuel 5:18

Filistifoɛ nemɔ wale bɛɛyɛle Refaim bɔnza ne anu mitimiti.

Numeri 13:22

Bɛfo bɛɛfale ngwaen dɔ aseɛ ne aso. Beedwuli Hebron, na berɛ yeɛ né Anake bosofoɛ Ahiman, Sesayi ɔne Talmae bɛte ɔ. (Bɛkyekyele Hebron ɔ, afoɛ nzoo koraka yeɛ bɛkyekye Soan bɔ ɔwɔ Misraim ne ɔ.)

Numeri 13:28

Nakoso mmenia bɔ bɛtete aseɛ ne aso ne, bɛ nwo yɛ se. Bato ɛwaen bafa bɛ nguro nemɔ anwo, na nguro nemɔ te mbiri. Asa koso, yɛnwuni Anake bosofoɛ nemɔ wɔ berɛ.

Deuteronomi 1:28

Nisua paa yeɛ yɛkɔ ye? Y’eliɛma mɔ amaneɛ bɔ bɛɛbɔle ne ama y’ahone atu. Bɛnwa: ‘Mmenia nemɔ mbiri ne bɛ ndendenn tra yɛ; nguro nemɔ te mbiri, na bale bɛ nwo waen bahɔ anwuro anwuro paa. Yɛnwuni Anake ye bosofoɛ po wɔ berɛ!’ ”

Deuteronomi 2:10

(Né berɛ yeɛ Emimfoɛ bɛte ɔ. Né Emimfoɛ bɛte maen pirikua, bɛsone, na bɛwoware kyɛ Anakefoɛ ne ala.

Deuteronomi 2:11

Na kyɛbɔ né bebu Anakefoɛ kyɛ bɛte Refaimfoɛ nen, sɔ ala yeɛ né bebu Emimfoɛ ɔ, nakoso né Moabofoɛ frɛ bɛ Emimfoɛ.

Deuteronomi 2:21

Ɔte maen pirikua, bɛsone, na bɛwoware kyɛ Anakefoɛ ne ala. Nakoso AWURADE huhuni bɛ fili Amonfoɛ nyunu. Amonfoɛ tuli bɛ fili berɛ, na bɛtenane b’aseɛ ne aso.

Deuteronomi 3:11

Refaimfoɛ bɛ bosofoɛ ne, né Basan hene Ogo ngome twe yeɛ waha ɔ. Né ye mba te buralɛ. Ye tendenn nu te agyirɛ ngona, yeɛ ye tɛtrɛtɛɛ nu te agyirɛ nna, kyɛbɔ sona agyirɛ nzusuleɛ te ɔ. Na ɔtɛ gyi Amonfoɛ kuro Raba so.

Deuteronomi 9:2

bɛte mmenia ndendenn bɔ bɛ nwo yɛ se ɔ, Anake bosofoɛ, kyɛbɔ ɛse bɛ ne, ɔne kyɛbɔ ate bɛ nwo dwirɛ kyɛ, ‘Nwa yeɛ ɔkɔhora kogyina Anake bosofoɛ nyunu ɔ?’

Yosua 11:22

Banyakyi Anakeniɛ ko po wɔ Yisraelfoɛ aseɛ so; sana Gasa ne Gate ne Asedɔde ngome yeɛ ebiemɔ hale ɔ.

Yosua 15:14

Kalebo foane Anake bosofoɛ nza nemɔ fili berɛ. Bɛ ole Sesayi, Ahiman ne Talmae.

1 Samuel 17:7

Ye pealɛɛ ne, ɔte kyɛ mbuna bɔ bɛfa nyamaa bɛsosɔ nu bɛnwo ɛtena ɔ. Ye pealɛɛ ne noa ne, nu nonɛ kɔyɛ kilo nzoo; na né sona bɔ otira ye akokyɛm ne li ye nyunu.