2 Samuel 20:9 - AHYERƐLƐ KRONGRON

⁹ Na Yoabo sele Amasa kyɛ, “Nniɛma, wɔ nwo te sɛɛ?” Afei Yoabo le ye sa famaa sɔle Amasa kanza nu kyɛ ɔkwaatɔ ye nu yɛ ye atuu.

2 Samuel 20:9 Iomraidhean Croise

2 Samuel 15:5

Né sɛ ebie ba Absalom berɛ kyɛ ɔbaabɔ ye ti ase koto ye a, ɔyɛ a Absalom tɔ ye nu yɛ ye atuu.

2 Samuel 17:25

Absalom bɔle Amasa safohene maa ɔlale ye lɔen ne noa sili Yoabo gya nu. Né Amasa te Yisraelniɛ biaa bie bɔ bɛfrɛ ye Yitra ɔwa. Sɔ biaa ne, ogyale Nahase awa Abigail bɔ ɔte Yoabo maame Seruya aliɛma brasua ne.

2 Samuel 18:29

Yeɛ Nana Dawide bisale kyɛ, “Aberandeɛ Absalom, ye nwo te paa anaa?” Na Ahimaase buale kyɛ, “Nana, w’akoaa, mmerɛ bɔ Yoabo ɔ́soma me ne, nwuni kyɛ mmenia ayɛ berɛ bagyabagya, nakoso mannwu nikye horɛ.”

2 Samuel 3:27

Abenɛ sa wale Hebron nen, Yoabo ne ye bɛhɔle kuro berɛ pambim ne ahameɛ, kyɛ ɔne ye bɛkwaatu asure. Na Yoabo wɔle Abenɛ kunu dadeɛ huni ye, ɔnate kyɛ né Abenɛ aha Yoabo aliɛma Asahel mogya wagua.

1 Ahemvo 2:32

Mogya ahoroɔ bɔ benni fɔ bɔ wahã wagua ne, AWURADE kɔmaa ɔkɔbɔ ye bɔbɔ ye ti so. Ofikyɛ ɔhwene ngrandɛ huni mmienzua nyɔ bɔ bɛtengyɛ ná bɛte paa bɛtra ye ɔ, wɔ mmerɛ bɔ né me baba Dawide ɔnze ye nwo hwee ɔ. Bɛ yeɛ ole Nɛɛ awa Abenɛ bɔ né ɔte Yisrael koɛhonɛfoɛ safohene, ɔne Yeta awa Amasa, bɔ né ɔte Yuda koɛhonɛfoɛ safohene ne.

Edwein 55:21

ye noa dwirɛ te menemene tra woɛ, nakoso koɛ nwo adwene yeɛ ɔwɔ ye ti anu ɔ; ye noa nu dwirɛ te bɛtɛɛ kyɛ aloko, nakoso edwirɛ ne te ngrandɛ bɔ bahwe ɔ.

Anyandera 26:23

Sona noa dwirɛ menemene bɔ bɔne adwene wɔ ye si ne, ɔte kyɛ ɛdwetɛ fiɛ bɔ bafa bama kukue nwo ɔ.

Anyandera 27:6

Wɔ damvo twi wɔ nyunu a, nahorɛ wɔ nu, nakoso sɛ pɔfoɛ yɛ wɔ atuu po a, ɔte nnakannaka.

Yeremia 41:2

Netania awa Yismael ne mmienzua buru bɔ bɛboka ye so ne, bedwɔsole bɛfale ngrandɛ behuni Gedalia bɔ ye baba ole Ahikam, bɔ ye baba ole Safan, bɔ Babilɔn hene wafa ye wali aseɛ ne aso amrado ne.

Mika 7:2

Mmeni paa boso amini afi aseɛ ye aso, na teneneeniɛ biala nne mmenia nu; bɛ mukoraa bɛtetɛ bɛpena mogya bɛkã begua, na ebiala sua oliɛma ngaen ɔpena ye ɔkye ye.

Maenbulɛfoɛ 3:15

Nakoso Yisraelfoɛ sũ frɛle AWURADE nen, AWURADE yele defoɛ mane bɛ maa ɔɔpepɛ lele bɛ. Ye ole Ehude bɔ ɔse ole Benyaminniɛ Gera ne. Ehude te bɛen.