2 Samuel 20:8 - AHYERƐLƐ KRONGRON

⁸ Na beedwuli nyɔboɛ piri ne anwo wɔ Gibeon nen, Amasa wale ooyiale bɛ. Né Yoabo wura koɛ ataadeɛ. Na abɔsoɛ bɔ ɔbɔ so ne, né wafa ngrandɛ bɔ owura bɔha nu wawura nu. Mmerɛ bɔ Yoabo ɔ́kɔ ye nyunu moa nen, ngrandɛ ne ye fili bɔha ne anu.

2 Samuel 20:8 Iomraidhean Croise

2 Samuel 2:13

Yeɛ Seruya awa Yoabo ne Dawide somvoɛ mɔ koso bɛboaboale bɛ noa beeyiale bɛ wɔ Gibeon ɛkwaa ne anwo. Abenɛ ne ye lɔen begyinane ɛkwaa ne bue ko, yeɛ Yoabo ne ye lɔen koso begyinane ɛkwaa ne bue ko.

2 Samuel 3:30

Yoabo ne oliɛma Abisae behuni Abenɛ, ofikyɛ ohuni b’eliɛma Asahel wɔ Gibeon koɛ ne anu.

Mateo 3:4

Né Yohane wura afupɔngɔ nwiaa ataadeɛ, na né ɔbɔ nwomaa abɔsoɛ. Aleɛ bɔ né odi ole mmɛbɛ mbiri ne woɛ.

Maenbulɛfoɛ 3:16

Ehude yɔle sɛpɔ bɔ ye tendenn te agyirɛ ko ɔ. Ɔkyekyele sɛpɔ ne batale ye sɔ famaa anwo, na owurale ye ataadeɛ guale so.