2 Samuel 20:6 - AHYERƐLƐ KRONGRON

⁶ Yeɛ Dawide sele Abisae kyɛ, “Afei de, nikyee bɔ Bikri awa Hyeba kɔfa kɔyɛ yɛ ne, ɔkɔtra Absalom deɛ ne po. Yiti fa me koɛhonɛfoɛ nemɔ ná po ye so. Anyɔ a, ɔkɔɔfea nguro bɔ bato bɛ nwo fasue ne bie anu, bɔ yɛ sa ngɔhã ye ɔ.”

2 Samuel 20:6 Iomraidhean Croise

2 Samuel 10:14

Na mmerɛ bɔ Amonfoɛ nwuni kyɛ Siriafoɛ anwati nen, bɛ koso bɛnwati befili Abisae nyunu, na beewurale kuro ne anu. Yoabo ne Amonfoɛ bɛɛhone koɛ beyiele ne, afei osa wale Yerusalem.

2 Samuel 11:11

Na Yuria buale Dawide kyɛ, “Me mene, Nyameɛ alaka ne ɔne Yisrael ne Yuda koɛhonɛfoɛ bɛwɔ asese nu, yeɛ me mene Yoabo ne wɔ somvoɛ mɔ koso bakyekye asikyeleɛ wɔ eburo. Aso ngɔhora ngɔhɔ awuro ngoodidi ngɔno, ná me ne me ye yala anaa? Nana, mesrɛ meta wɔ ndaen kyɛ, sɔ nikyee de, mengɔyɔ.”

2 Samuel 18:12

Nakoso biaa ne buale Yoabo kyɛ, “Sɛ bɛkari ɛdwetɛ apee ko bɛma me po a, mengɔfa me sa ngɔhã Nana Dawide awa ne; ofikyɛ yɛ so anu yeɛ Nana bɔle wɔ ne Abisae ne Yitae kɔkɔ ɔ. Ɔnwa: ‘Ɔnate me ti, ɛ́mɔbɔ aberandeɛ Absalom nwo waen!’

2 Samuel 18:2

Dawide hyɛle koɛhonɛfoɛ nemɔ nu kure nza: ɔfale ko wurale Yoabo sa, ɔfale ko wurale Yoabo aliɛma Abisae bɔ oni ole Seruya ne sa, yeɛ ɔfale ko wora wurale Gitiniɛ Yitae sa. Na Nana Dawide sele koɛhonɛfoɛ nemɔ kyɛ, “Me bɔbɔ me ne ɛmɔ yɛkɔhɔ koɛ ne.”

2 Samuel 19:7

Yiti dwɔso kodwudwo kyire wɔ somvoɛ nemɔ ma b’ahone tɔ nzue nu. Na meta AWURADE ndaen kyɛ, sɛ angɔ a, sona ko po ngɔha wɔ nwo wa ɛnɛ kɔngɔen ye. Na ɛhe kɔyɛ edwirɛ piri paa kɔtra edwirɛ biala bɔ wato wɔ ɔ, fite wɔ mmerandeɛ nu bɔ ɔbaadwu ɛnɛ ɔ.”

2 Samuel 2:18

Seruya mma mmienzua nza nemɔ, bɔ bɛ ole Yoabo, Abisae ne Asahel ne, né bɛwɔ berɛ bie. Né Asahel tu amirika te kyɛ ɛwanzane.

2 Samuel 21:17

Nakoso Abisae bɔ oni ole Seruya ne, ɔpepɛ lele Dawide, na ɔhɔle Filistiniɛ ne so ohuni ye. Na ɛhe mane Dawide mmenia nemɔ tale ndaen tole ye so kyɛ, “Yɛkɔ koɛ bieku a, ɛngɔhɔ bie, anyɔ a ekonua Yisrael kanea ne.”

2 Samuel 23:18

Yoabo aliɛma Abisae bɔ oni ole Seruya ne, né ɔla koɛhonɛfoɛ ahoneserɛfoɛ aburasa nemɔ noa. Ɔhwene ye pealɛɛ ɔne mmenia ɛyaa nza bɛhone. Ohuhuni bɛ, na olele dumaa kyɛ koɛhonɛfoɛ ahoneserɛfoɛ nza nemɔ ala.

2 Samuel 3:30

Yoabo ne oliɛma Abisae behuni Abenɛ, ofikyɛ ohuni b’eliɛma Asahel wɔ Gibeon koɛ ne anu.

2 Samuel 3:39

Ɔwɔ nu kyɛ bapopa me ngoo bafa me basi hene de, nakoso ɛnɛ de, Seruya mma nemɔ bama me nwo ahyere me. Sɔ mmenia hemɔ, mebɔ bɛ kyɛnn so a ɔmmɔ. Na sona bɔ ɔyɔ bɔne ne, AWURADE kotua ye kerɛ kyɛbɔ ye bɔne yɔleɛ te ɔ!”

1 Ahemvo 1:33

Nana Dawide sele bɛ kyɛ, “Nde ɛmɔ mene, ɛmɔ ne m’awɛmvoɛ nemɔ bɛhɔ. Ɛ́mɔma mma Solomon ɔ́tena me bɔbɔ m’afunum ne aso, ná ɛ́mɔfa ye bɛhɔ mbombonzue Gihon nwo.

1 Aberɛso Dwirɛ 11:20

Yoabo aliɛma Abisae, né ɔla koɛhonɛfoɛ ahoneserɛfoɛ aburasa nemɔ noa. Ɔhwene ye pealɛɛ ɔne mmenia ɛyaa nza bɛhone. Ohuhuni bɛ, na olele dumaa kyɛ koɛhonɛfoɛ ahoneserɛfoɛ nza nemɔ ala.

1 Aberɛso Dwirɛ 18:12

Seruya awa Abisae huhuni Edomfoɛ apee buru ne mmɔtwɛ wɔ Ngyee Bɔnza ne anu.

Yeremia 8:14

Yɛtɛ te berɛ yɛyɔ nzu? Ɛ́mɔboaboa ɛmɔ noa, ná ɛ́mɔma yɛhɔ nguro bɔ bato bɛ nwo fasue nemɔ anu yɛɛwuwu wɔ dɔ, ofikyɛ AWURADE yɛ Nyameɛ wanoma yɛ kyɛ yɛwuwu, na wama yɛ nzue bɔ ɛborɔ wɔ nu ɔ kyɛ yɛno, ofikyɛ yayɔ bɔne yatia AWURADE.

Marko 3:24

Na sɛ ahennie bie ne ye nwo ko a, sɔ ahennie ne ngora gyina.

1 Samuel 26:6

Yeɛ Dawide bisale Hitiniɛ Ahimɛlɛke, ɔne Yoabo aliɛma Abisae bɔ oni ole Seruya ne kyɛ, “Nwa yeɛ ɔne me kɔhɔ Sɔɔlo nwo dɔ wɔ asikyeleɛ ne anu ɔ?” Na Abisae buale kyɛ, “Me ne wɔ kɔhɔ.”