2 Samuel 20:3 - AHYERƐLƐ KRONGRON

³ Nana Dawide wale ye ahemvie berɛ wɔ Yerusalem. Ye sómaa buru bɔ ɔyakyili bɛ berɛ kyɛ bɛnea awuro berɛ ne, ɔmaa bɛɛtenane awuro bie anu. Ɔmaa bɛwɛnene bɛ, na ɔbɔle bɛ akɔhoma. Nakoso wamva ye nwo wanga bɛ. Yiti bɛ ngome bɛtenane dɔ alaa kyɛ akunafoɛ maa oodwuli bɛ wue.

2 Samuel 20:3 Iomraidhean Croise

Gyenesise 40:3

Yiti ɔhyele bɛ guale kuku nu wɔ angɔbeahene n’awuro. Né Yosef koso la sɔ kuku ne anu bie.

2 Samuel 15:16

Yiti Nana Dawide sili nu, bɔ né ye awuro ama amukoraa beli ye si ɔ; sana ye sómaa buru yeɛ ɔyakyili bɛ berɛ kyɛ bɛnea awuro berɛ ɔ.

2 Samuel 20:2

Yiti Yisraelfoɛ amukoraa yakyili Dawide si lilɛ beelili Bikri awa Hyeba si. Nakoso Yudafoɛ de, begyinane bɛ hene ne asi fite asue Yɔɔdan noa beedwuli Yerusalem.