2 Samuel 20:2 - AHYERƐLƐ KRONGRON

² Yiti Yisraelfoɛ amukoraa yakyili Dawide si lilɛ beelili Bikri awa Hyeba si. Nakoso Yudafoɛ de, begyinane bɛ hene ne asi fite asue Yɔɔdan noa beedwuli Yerusalem.

2 Samuel 20:2 Iomraidhean Croise

2 Samuel 19:15

Yiti Nana Dawide sili nu kyɛ osa kɔ. Na oodwuli asue Yɔɔdan noa ne, Yuda abusua kure wale Gilgal kyɛ bɛbaayia ye bɛfa ye bɛpɛ Yɔɔdan.

2 Samuel 20:1

Biaa bie bɔ bɛfrɛ ye Hyeba, bɔ onni dwirɛ ngɔ kuro so ɔ, né ɔwɔ (Gilgal) berɛ bie. Ɔse ole Benyaminniɛ Bikri. Ohuli totorobɛndo teane nu sele kyɛ, “Yɛ ne Dawide yɛlle hwee yɛnyɔ oo! Yese awa ne, yɛlle agyapadeɛ biala wɔ ye nu oo! Yisraelfoɛ ee, ebiala hɔ ye awuro!”

2 Samuel 20:21

Edwirɛ ne, nna sɔ yeɛ ɔte ɔ! Bɔ ɔte ole kyɛ, biaa bie bɔ bɛfrɛ ye Hyeba, bɔ ɔse ole Bikri bɔ ofi Efraim mmokaa aseɛ ne aso ne, wayɛ Nana Dawide nwo lɔen. Ɛ́mɔye ye ngome bɛbra, na ngɔyakyi kuro ne tualɛ.” Na braa ne buale kyɛ, “Nzaade yɛkofindi ye ti yɛkɔfa fasue ne aso yɛkɔma wɔ.”

2 Samuel 20:3

Nana Dawide wale ye ahemvie berɛ wɔ Yerusalem. Ye sómaa buru bɔ ɔyakyili bɛ berɛ kyɛ bɛnea awuro berɛ ne, ɔmaa bɛɛtenane awuro bie anu. Ɔmaa bɛwɛnene bɛ, na ɔbɔle bɛ akɔhoma. Nakoso wamva ye nwo wanga bɛ. Yiti bɛ ngome bɛtenane dɔ alaa kyɛ akunafoɛ maa oodwuli bɛ wue.

1 Ahemvo 12:20

Yisrael amukoraa tele kyɛ Yeroboam asa awa ne, bɛsomane maa bɛɛfrɛle ye bɛwale dwaa bɔ babɔ ne abo. Na bɛfale ye besili Yisrael amukoraa so hene. Dawide ahennie bia ne, ebiala wanne wando nu, sana Yuda abusua kure ngome.

2 Aberɛso Dwirɛ 10:17

Nakoso Yisraelfoɛ bɔ né bɛtete Yuda nguro nemɔ aso ne, Rehoboam lili bɛ so hene.

Edwein 62:9

Adasa mmaa te mvrama, yeɛ kuro mmenia te nnakannaka nikye; sɛ bɛkari bɛ wɔ tonyi so a, bɛ nu nyɛ no, sɛ ɛfa bɛ munyɔ bɔ nu a, bɛ nu yɛ nyera tra mvrama.

Anyandera 17:14

Ngondii bohyɛlɛ te kyɛ asue bɔ batikye ye ɔ, yiti anzana ɔkɔkakyi ngondii bɔ nu yɛ se nen, pɛ so.

Asomafoɛ 11:23

Banaba hɔle oodwuli berɛ na onwuni kyɛbɔ Nyameɛ asi ayira asɔre nen, ye nye gyele, na ɔhyɛle bɛ nguraen kyɛ bɛfa b’ahone mukoraa bɛsɔ gyidie ne anu paa, na beli nahorɛ bɛma Awurade.