2 Samuel 20:10 - AHYERƐLƐ KRONGRON

¹⁰ Nakoso Amasa annwu kyɛ Yoabo tira ngrandɛ ɔ. Yoabo fa wɔle Amasa kunu mane ye nyaa tu guale, na owuli. Wanwɔ ye pɛen nyɔ. Afei Yoabo ne oliɛma Abisae bɛpole Bikri awa Hyeba so.

2 Samuel 20:10 Iomraidhean Croise

Gyenesise 4:8

Na Kein sele oliɛma Abel kyɛ, “Maa yɛhɔ fieso.” Na bɛwɔ fie ne aso nen, Kein hɔle oliɛma Abel so, na ohuni ye.

2 Samuel 2:23

Nakoso Asahel anyakyi ye foalɛ. Yiti Abenɛ fale ye pealɛɛ ne bo wɔle Asahel kunu maa ofitele ye si. Na owu tɔle berɛ ala. Na ebiala bɔ oodwuli nekaa bɔ Asahel ho tɔle ne, ogyinane berɛ konn.

2 Samuel 20:9

Na Yoabo sele Amasa kyɛ, “Nniɛma, wɔ nwo te sɛɛ?” Afei Yoabo le ye sa famaa sɔle Amasa kanza nu kyɛ ɔkwaatɔ ye nu yɛ ye atuu.

2 Samuel 3:27

Abenɛ sa wale Hebron nen, Yoabo ne ye bɛhɔle kuro berɛ pambim ne ahameɛ, kyɛ ɔne ye bɛkwaatu asure. Na Yoabo wɔle Abenɛ kunu dadeɛ huni ye, ɔnate kyɛ né Abenɛ aha Yoabo aliɛma Asahel mogya wagua.

1 Aberɛso Dwirɛ 12:2

Bɛte agyaentolɛfoɛ, na né bɛkora bɛfa bɛ sa bɛen anaa famaa bɛto agyaen anaa taya. Sɔɔlo abusuafoɛ Benyaminfoɛ koso bɛboka so.

Yeremia 41:2

Netania awa Yismael ne mmienzua buru bɔ bɛboka ye so ne, bedwɔsole bɛfale ngrandɛ behuni Gedalia bɔ ye baba ole Ahikam, bɔ ye baba ole Safan, bɔ Babilɔn hene wafa ye wali aseɛ ne aso amrado ne.

Numeri 35:20

Sɔ ala yeɛ sɛ ebie onguro obiɛngo dwirɛ, ná osumu ye to ase, anaa ɔtetɛ ye fa nikyee bɔ ye maa owu a,

Maenbulɛfoɛ 3:15

Nakoso Yisraelfoɛ sũ frɛle AWURADE nen, AWURADE yele defoɛ mane bɛ maa ɔɔpepɛ lele bɛ. Ye ole Ehude bɔ ɔse ole Benyaminniɛ Gera ne. Ehude te bɛen.

Maenbulɛfoɛ 3:21

Yeɛ Ehude fale ye sa bɛen yele sɛpɔ ne fili ye sɔ famaa ne anwo, na ɔfa wɔle Eglon kunu.

1 Samuel 26:8

Na Abisae sele Dawide kyɛ, “Nyameɛ afa wɔ pɔfoɛ wawura wɔ sa ɛnɛ, yiti maa mva pealɛɛ ne nwɔ ye komapɛ twe ma ɔha aseɛnwo berɛ; mengɔwɔ ye nyɔ koraa.”