2 Samuel 2:7 - AHYERƐLƐ KRONGRON

⁷ Yiti ɛ́mɔgyina pindinn ná ɛ́mɔmia ɛmɔ nye; ofikyɛ ɛmɔ mene Sɔɔlo awu, na Yuda awuro ama bapopa me ngoo bafa me bali bɛ so hene.”

2 Samuel 2:7 Iomraidhean Croise

Gyenesise 15:1

Ɛhemɔ asi ne, AWURADE lale ye dwirɛ ali hyirele Abram wɔ nyekyire nu kyɛ, “Nnɛsuro, Abram. Me yeɛ mebɔ wɔ nwo waen ɔ, na w’akatuaa kɔsone pee.”

2 Samuel 10:12

Gyina pindinn. Na ɔnate yɛ maen, ɔne yɛ Nyameɛ nguro nemɔ ati, maa yɛhyire yɛ bienzua. Mesrɛ kyɛ AWURADE ɔyɔ bɔ okuro ɔ.”

2 Samuel 2:6

Mesrɛ kyɛ, AWURADE ɔye ye ɔdɔ pindinn ne ye nahorɛlilɛ ali ohyire ɛmɔ. Na me koso, bɔ ɛmɔayɔ ye, ngɔfa ye nwo akatuaa ngɔma ɛmɔ.

2 Samuel 2:8

Nakoso Sɔɔlo safohene Abenɛ, bɔ ɔse ole Nɛɛ ne, ɔfale Sɔɔlo awa Yisbosɛte wale Mahanaim.

2 Samuel 5:3

Mbanyi ne amukoraa wale Nana Dawide berɛ wɔ Hebron. Nana Dawide ne bɛ yɛle apam wɔ AWURADE nyunu wɔ Hebron, na bɛpopale Dawide ngoo bɛfale ye besili Yisrael so hene.

2 Ahemvo 11:12

Afei Yehoada yele Nana Ahasia awa ne fitele. Ɔfale ahennie abotire bɔle ye, na ɔfale Adanzeɛ nwomaa ne mane ye. Bɛbɔle ye ohomoo, na bɛfale ɛpopalɛ ngoo bɛpopale ye. Bɛbɔle bɛ sa nu bɛbɔle ese kyɛ, “Nana, wɔ ngoa so oo!”

Nehemia 2:18

Ngane kyɛbɔ me Nyameɛ walo me wagyina me si, ɔne edwirɛ bɔ Nana Atasɛsɛse wahã wahyire mene ngyirele bɛ. Na bɛhane kyɛ, “Ɛ́mɔma yɛdwɔso yɛsi!” Yiti bɛfale bɛ nwo belele sɔ adwuma paa ne anu.

1 Korintofoɛ 16:13

Ɛmɔwɛne, ɛmɔgyina pindinn wɔ gyidie nu, ɛ́mɔma ɛmɔ ahone yɛ se, ná ɛ́mɔmia ɛmɔ nye.

Ɛfesofoɛ 6:10

Bɔ ɔpɛ ye bo ɔ, aliɛmaa mɔ, ɛ́mɔma ɛmɔ nwo yɛ se wɔ Awurade nu, ɔne ye anwoserɛ tumi ne anu.

1 Samuel 31:12

bɛ koɛhonɛfoɛ ahoneserɛfoɛ nemɔ penene atee so. Bɛnatele kɔngɔen ne toonn, na bɛɛyele Sɔɔlo ne ye mma nemɔ fuin befili Bete San fasue ne anwo. Na bɛfale bɛ bɛwale Yabese bɛɛyerale bɛ wɔ berɛ.

1 Samuel 31:7

Na Yisrael koɛhonɛfoɛ bɔ né bɛwɔ bɔnza ne asi dɔ ne, ɔne bɛ bɔ né bɛwɔ asue Yɔɔdan si dɔ ne, mmerɛ bɔ benwuni kyɛ Yisrael koɛhonɛfoɛ nemɔ banwati, ná Sɔɔlo ne ye mma mmienzua nemɔ koso bawuwu nen, bɛnwatili befili bɛ nguro nemɔ aso, na Filistifoɛ wale bɛɛfale nguro nemɔ bɛtenane so.

1 Samuel 4:9

Filistifoɛ, ɛ́mɔma yɛ ahone yɛ se, ná yɛhyire kyɛ yɛte mmienzua, ná yanyɛ Hebrifoɛ nganga, kyɛbɔ bɛte yɛ nganga ye. Ɛ́mɔma yɛhyire kyɛ yɛte mmienzua ná yɛho.”