2 Samuel 2:6 - AHYERƐLƐ KRONGRON

⁶ Mesrɛ kyɛ, AWURADE ɔye ye ɔdɔ pindinn ne ye nahorɛlilɛ ali ohyire ɛmɔ. Na me koso, bɔ ɛmɔayɔ ye, ngɔfa ye nwo akatuaa ngɔma ɛmɔ.

2 Samuel 2:6 Iomraidhean Croise

2 Samuel 10:2

Na Dawide sele kyɛ, “Hanun baba Nahase wayɔ me paa, yiti me koso ngɔyɔ Hanun paa ne bie.” Yiti Dawide tuli ɛbɔfoɛ mɔ kyɛ bɛɛyɛ ye yaakɔ, ɔnate ɔse wue ne ati. Nakoso Dawide bɔfoɛ nemɔ beedwuli Amonfoɛ aseɛ so ne,

2 Samuel 15:20

Anomasi wa ala yeɛ ɛwale ɔ. Aso ɔfata kyɛ kekesaala ye memaa ɛne yɛ kokyinikyini anaa, wɔ aberɛ bɔ menze nekaa po bɔ mékɔ ɔ? Fa w’abusuafoɛ nemɔ boka wɔ nwo so ná sa kɔ. Mesrɛ kyɛ AWURADE ma enwu ye nahorɛlilɛ ne ye anwumvoinnwunɛ ne.”

2 Samuel 2:7

Yiti ɛ́mɔgyina pindinn ná ɛ́mɔmia ɛmɔ nye; ofikyɛ ɛmɔ mene Sɔɔlo awu, na Yuda awuro ama bapopa me ngoo bafa me bali bɛ so hene.”

2 Samuel 9:3

Na Nana Dawide bisale ye kyɛ, “Aso Sɔɔlo bosoniɛ bie tɛ wɔ berɛ bɔ ngɔhora ngɔfa me nye ngɔto Nyameɛ anwumvoinnwunɛ so ngɔboka ye ɔ?” Na Siba buale Nana Dawide kyɛ, “Waha Yonatan awa bienzua ko; ɔte bubuaniɛ.”

2 Samuel 9:7

Na Dawide sele ye kyɛ, “Nnɛsuro, na ɔnate wɔ baba Yonatan ti ngɔyɛ wɔ paa. Wɔ nana Sɔɔlo aseɛ ne, ngɔfa ye mukoraa ngɔma wɔ, na ɛne me kɔtena ɛpoen ko anwo yɛkodidi daa.”

Edwein 57:3

Ɔkɔsoma kofi nyameɛso kɔɔpepɛ kole me, na bɛ bɔ bɛpena me beku me ne, okogua bɛ nyunu ase. Sela Nyameɛ kɔsoma ye ɔdɔ bɔ onni ngasi ne, ɔne ye nahorɛlilɛ ne.

Ɛksadɔso 34:6

AWURADE pɛle nu wɔ Mose nyunu, na AWURADE teane nu hane kyɛ, “AWURADE, AWURADE, Nyameɛ bɔ ɔse anwumvoin ná ɔdo mmenia ɔ, bɔ ye ahone nhu ndɛ, bɔ ye ɔdɔ bɔ onni ngasi ne nahorɛlilɛ sone ɔ,

Anyandera 14:22

Bɛ bɔ bɛbɔ porɛ tɛɛ ne, aso bɛnyɔ mvomsoɛ anaa? Na bɛ bɔ bɛdwene adwene paa ne, benya pɛpɛɛpɛyɛlɛ ne nahorɛlilɛ.

Mateo 10:16

“Ɛ́mɔtie! mésoma ɛmɔ kyɛ mmoaen maa ɛmɔkɔ mbataku nu. Yiti ɛ́mɔma ɛmɔ nye la berɛ kyɛ ewoo, ná ɛ́mɔbrɛ ɛmɔ nwo ase kyɛ mmubure.

Mateo 5:44

Nakoso me de, mekã mekyire ɛmɔ kyɛ, ɛ́mɔhuro ɛmɔ pɔfoɛ mɔ dwirɛ, ná ɛ́mɔbɔ mbaeɛ bɛ́ma bɛ bɔ bɛtane ɛmɔ nye ɔ;

Mateo 5:7

“Bɛ bɔ benwu bɛ mmango anwumvoin ne banya saleɛ, ofikyɛ bɛ yeɛ bekonwu bɛ anwumvoin ɔ.

Yosua 2:14

Na mmienzua nyɔ ne buale Rahabo kyɛ, “Sɛ yɛku ɛmɔ a, yɛ wora Nyameɛ ohu yɛ bie! Sɛ amma yɛ nwo dwirɛ amvite a, ye de AWURADE fa aseɛ ne ma yɛ a, yɛkoli nahorɛ yɛkɔma wɔ, na yɛkɔyɛ wɔ paa.”

Rutu 1:8

Nakoso Naomi sele ye sia mmrasua nyɔ nemɔ kyɛ, “Ebiala osa ɔhɔ ye maame awuro. AWURADE ɔlo ɛmɔ, kyɛbɔ ɛmɔ ne me, yeɛ bɛ bɔ bawu ne bɛtenane nyemene so ne.