2 Samuel 2:4 - AHYERƐLƐ KRONGRON

⁴ Afei Yuda mmienzua wale bɛɛpopale Dawide ngoo, na bɛfale ye besili Yuda awuro ama so hene wɔ berɛ. Mmerɛ bɔ bɛbɔle Dawide amaneɛ kyɛ Yabese Gileadefoɛ yeɛ besiele Sɔɔlo nen,

2 Samuel 2:4 Iomraidhean Croise

2 Samuel 19:11

Yiti Nana Dawide fale ngraa he somane maa beesele asɔfo Sadoke ne Abiata kyɛ, “Ɛ́mɔfa bɛ́to Yuda mbanyi nyunu kyɛ, ‘Nzu ati yeɛ ɛmɔtena berɛ ma ebiemɔ bedi ɛmɔ nyunu moa bɛkɔɔfa Nana Dawide bɛba ye awuro ɔ? Ofikyɛ edwirɛ bɔ bɛ́keka ye wɔ Yisrael amukoraa ne, mate.

2 Samuel 19:42

Yeɛ Yuda koɛhonɛfoɛ amukoraa buale Yisrael koɛhonɛfoɛ nemɔ kyɛ, “Nana Dawide te yɛ nwoniɛ kaenn ti ɔ. Nzu ati yeɛ ɛmɔafɛ edwirɛ he anwo yaa ɔ? Aleɛ bɔ yali ne, Nana yeɛ ɔfa mane yɛ hɔ ɔ, anaakyɛ wahyɛ yɛ nikyee bie hɔ ɔ?”

2 Samuel 2:11

Na Dawide lili Yuda awuro ama so hene wɔ Hebron afoɛ nzoo ne bue.

2 Samuel 2:7

Yiti ɛ́mɔgyina pindinn ná ɛ́mɔmia ɛmɔ nye; ofikyɛ ɛmɔ mene Sɔɔlo awu, na Yuda awuro ama bapopa me ngoo bafa me bali bɛ so hene.”

2 Samuel 21:11

Aya awa brasua Risipa bɔ né ɔte Sɔɔlo sómaa ne, bɛfale nikyee bɔ wayɔ ne nwo amaneɛ bɛbɔle Dawide.

2 Samuel 21:12

Na ɛhe mane Dawide hɔle Yabese Gileadefoɛ berɛ oolele Sɔɔlo ne ɔwa Yonatan mmowue ne fili bɛ berɛ. Né Yabese Gileadefoɛ bali moa baawua mmowue ne bafi Bete San dwaa ne aso. Kyẽa bɔ Filistifoɛ huni Sɔɔlo wɔ Gilboa ne, Bete San dwaa ne aso yeɛ bɛfale efuin nemɔ besinzele ɔ.

2 Samuel 5:17

Filistifoɛ tele kyɛ bapopa Dawide ngoo bafa ye bali Yisrael so hene ne, Filisti koɛhonɛfoɛ amukoraa hɔle kyɛ bɛkwaapena Dawide bɛkye ye. Nakoso Dawide tele sɔ dwirɛ nen, oowurale anwoserɛ afealeɛ ne anu.

2 Samuel 5:3

Mbanyi ne amukoraa wale Nana Dawide berɛ wɔ Hebron. Nana Dawide ne bɛ yɛle apam wɔ AWURADE nyunu wɔ Hebron, na bɛpopale Dawide ngoo bɛfale ye besili Yisrael so hene.

2 Samuel 5:5

Olili Yuda so hene wɔ Hebron afoɛ nzoo ne bue; yeɛ olili Yisrael amukoraa ne Yuda so hene wɔ Yerusalem afoɛ aburasa ne nza.

2 Ahemvo 11:12

Afei Yehoada yele Nana Ahasia awa ne fitele. Ɔfale ahennie abotire bɔle ye, na ɔfale Adanzeɛ nwomaa ne mane ye. Bɛbɔle ye ohomoo, na bɛfale ɛpopalɛ ngoo bɛpopale ye. Bɛbɔle bɛ sa nu bɛbɔle ese kyɛ, “Nana, wɔ ngoa so oo!”

1 Aberɛso Dwirɛ 10:11

Na mmerɛ bɔ Yabese Gileadefoɛ amukoraa bɛtele nikyee amukoraa bɔ Filistifoɛ bafa bayɛ Sɔɔlo nen,

1 Aberɛso Dwirɛ 11:3

Yiti Yisrael mbanyi amukoraa bɛwale Nana Dawide berɛ wɔ Hebron, na Dawide ne bɛ yɛle apam wɔ AWURADE nyunu wɔ Hebron. Na bɛpopale Dawide ngoo bɛfale ye besili Yisrael so hene, kyɛbɔ AWURADE dwirɛ bɔ ɔnate Samuel so hane ne, ɔte ne ala.

1 Aberɛso Dwirɛ 12:23

Koɛhonɛ bɔ baboa bɛ nwo kyɛ bɛkɔ koɛ bɔ bɛɛbokale Dawide lɔen so wɔ Hebron ne, bɛ ɛhe. Bɛyɛle adwene kyɛ bɛkakyi Sɔɔlo ahennie ne bewura Dawide sa, kyɛbɔ AWURADE hane ne ala.

1 Samuel 16:13

Afei Samuel fale ɛpopalɛ ngoo towaa ne, na ohwiele ngoo ne guale Dawide ti so wɔ oliɛma nemɔ anyunu berɛ. Na ofi sɔ kyẽa ne bɔ ɔkɔ ne, AWURADE Sunzum kanyane Dawide paa. Afei Samuel sili nu hɔle Rama.