2 Samuel 2:26 - AHYERƐLƐ KRONGRON

²⁶ Yeɛ Abenɛ teane nu sele Yoabo kyɛ, “Aso odi kyɛ yɛkɔ so yɛfa ngrandɛ yɛdi yɛ nwo awue anaa? Aso ɛnze kyɛ ɔkɔfa ɛpɔen kɔwa ɔ? Ɛkɔmaa okoodwu kyinzu koraka né ama wɔ lɔen ne bayakyi b’eliɛma mɔ foalɛ?”

2 Samuel 2:26 Iomraidhean Croise

2 Samuel 11:25

Yeɛ Dawide sele ɛbɔfoɛ ne kyɛ, “Kose Yoabo kyɛ, ‘Nnɛdi edwirɛ he anwo yealɛ, ofikyɛ koɛ nu de, ɔyɛ sɛɛ ala a, mmenia totɔ wɔ bue ne amunyɔ nu. Yiti mia wɔ nye tua kuro ne ná di so ngonim.’ Afei hyɛ ye nguraen.”

2 Samuel 2:14

Na Abenɛ to manene Yoabo kyɛ, “Ma mmerandeɛ nemɔ bedwɔso bɛho wɔ yɛ nyunu wa.” Yeɛ Yoabo buale kyɛ, “Maa bɛfa bɛbɔ so e!”

2 Samuel 2:16

Bɛfa bɛbɔle so, na bɛ nu ko biala sɔle obiɛngo ti mane ye wora ɔsɔle ye deɛ. Na ebiala fale ngrandɛ wɔle obiɛngo mvenu mane ye wora ɔwɔle ye bie. Na bɛ mukoraa bɛte beguale aseɛnwo berɛ bewuwuli. Yiti nekaa bɔ ɛhe sili wɔ Gibeon ne, bɛfrɛ berɛ Helkate Hasurim.

2 Samuel 2:25

Benyaminfoɛ nemɔ boale bɛ noa beegyinane Abenɛ si bɛyɛle fekue ko, na beegyinane pambaa bie ti afia.

2 Samuel 2:27

Na Yoabo buale kyɛ, “Meta AWURADE ndaen kyɛ, sɛ anga sɔ dwirɛ ne a, ahaa koɛhonɛfoɛ nemɔ kɔhɔ so kɔfoa b’eliɛma nemɔ toonn kɔma aleɛ kɔhye.”

YOB NWOMAA NE 18:2

“Kyinzu yeɛ ɛmɔkɔyakyi edwirɛ mbaen mbaen ne kekanɛ ɔ? Ɛ́mɔfa bɛhɔ adwenedwene nu, ná afei yɛtoa so yɛdwudwo.

YOB NWOMAA NE 19:2

“Kyinzu koraa yeɛ ɛmɔkɔyakyi me halɛ ɔ? Kyinzu koraa yeɛ ɛmɔkɔyakyi edwirɛ bɔ ɛmɔka bɛteetee me ye ɔ?

Edwein 4:2

Ao adasa, ɛmɔkogua me nyunu ase maa okoodwu kyinzu? Ɛmɔkoli edwirɛ mbaen mbaen ne ngondombo dwirɛ si maa okoodwu kyinzu? Sela

Anyandera 17:14

Ngondii bohyɛlɛ te kyɛ asue bɔ batikye ye ɔ, yiti anzana ɔkɔkakyi ngondii bɔ nu yɛ se nen, pɛ so.

Yesaya 1:20

Nakoso sɛ ɛmɔtwi bɛfa so, ná ɛmɔyɛ lɔen a, ye de ɛmɔkɔtotɔ ngrandɛ noa, ofikyɛ AWURADE noa dwirɛ ɛne.”

Yeremia 12:12

Ɛserɛ so mmokaa pralaa ne amukoraa so, yeɛ sɛkyefoɛ nemɔ bawa ɔ, ofikyɛ AWURADE ngrandɛ ne okũkũ mmenia, fi aseɛ ne noa kɔkã ye noa; asomdwee nne berɛ mma sona biala.

Yeremia 2:30

Ɛhwenɛ bɔ mahwe ɛmɔ mma mɔ bɛ so ne, wayɛ mbaen, bande fo. Ɛmɔ bɔbɔ ɛmɔ ngrandɛ yeɛ wahũ ɛmɔ ngɔmhyɛlɛfoɛ kyɛ gyata bɔ ye nye aboro ɔ.

Yeremia 4:21

Ɔkwaadwu kyinzu yeɛ ngonwu frangaa ne, ná ngɔte totorobɛndo nga ɔ?

Yeremia 46:10

Sɔ kyẽa ne te AWURADE Asafo Nyameɛ ye kyẽa, ɔte wereɛtɔlɛ kyẽa bɔ ɔkɔtɔ ye pɔfoɛ mɔ so wereɛ ɔ. Ngrandɛ ne kohũhũ kɔma ye ko koyi, ná wano bɛ mogya wabo. Ofikyɛ AWURADE Asafo Nyameɛ asiesie afɔleɛ wɔ sorɔ dɔ maen ne anu, wɔ asue Yufreti noa.

Yeremia 46:14

“Ɛ́mɔbɔ ye dawure wɔ Misraim, ná ɛ́mɔfa bɛto dwaa wɔ Migidol; ɛ́mɔfa bɛto dwaa wɔ Memfise ne Tapenese. Ɛmɔhã kyɛ, ‘Gyina berɛ pindinn, ná boaboa wɔ nwo, ofikyɛ ngrandɛ ne kohũhũ kɔpɛ wɔ nwo kɔbra koyia.’

Hosea 11:6

Ɔnate b’agyirɛ bɔ batu ne ati, ngrandɛ kohũhũ mmenia wɔ ye nguro nemɔ aso, na okobubu mmuralɛ bɔ ɔbrambram ye anoa nemɔ asi ne.

Asomafoɛ 7:26

Aleɛ hyene ne, onwuni Yisraelfoɛ nyɔ kyɛ bɛko; ɔyɛle kyɛ ɔpata bɛ, na osele bɛ kyɛ, ‘O, biamɔ adwo! Ɛmɔte aliɛmaa, nzu ati yeɛ ɛmɔpɛ bɛ nwo bɛko ye?’