2 Samuel 2:1 - AHYERƐLƐ KRONGRON

¹ Ɛhe asi ne, Dawide bisale AWURADE kyɛ, “Aso ngɔ Yuda nguro nemɔ ko aso anaa?” Na AWURADE buale ye kyɛ, “Yoo, kɔ.” Yeɛ Dawide sa bisale kyɛ, “Bɛ nu beni yeɛ ngɔ so ɔ?” Na obuale kyɛ, “Hebron.”

2 Samuel 2:1 Iomraidhean Croise

Gyenesise 13:18

Yiti Abram tutuli ye ɛtena sua ne, na ɔɔtenane pingyele Mamre eluii mmakaa bɔ bɛwɔ Hebron ne, na osili afɔleɛ bokyea berɛ mane AWURADE.

Gyenesise 32:2

Na Yakob nwuni bɛ ne, osele kyɛ, “Nyameɛ asraafoɛ mɔ ɛhe!” Yiti ɔtole berɛ dumaa Mahanaim.

2 Samuel 15:7

Afoɛ nna asi ne, Absalom sele Nana Dawide kyɛ, “Mesrɛ wɔ, mahyɛ AWURADE bɔ, yiti ma me ate ma ngɔ Hebron ngondua ye aboadeɛ ne.

2 Samuel 2:11

Na Dawide lili Yuda awuro ama so hene wɔ Hebron afoɛ nzoo ne bue.

2 Samuel 5:19

Na Dawide bisale AWURADE kyɛ, “Mva koɛ ngɔndoa Filistifoɛ anaa? Ɛkɔfa bɛ kowura me sa anaa?” Yeɛ AWURADE buale Dawide kyɛ, “Kɔ, ngɔfa Filistifoɛ ngowura wɔ sa amba.”

2 Samuel 5:23

Dawide bisale AWURADE, na obuale kyɛ, “Nnɛkɔ wɔ nyunu tee, na mmom kakyi wɔ nwo kɔfa bɛ si. Kɔ bɛ so wɔ mmakaa bɔ bɛfrɛ ye basam ne ndendeneɛ so.

1 Ahemvo 2:11

Dawide lili Yisrael so hene afoɛ aburanna. Olili hene afoɛ nzoo wɔ Hebron, yeɛ oolili hene afoɛ aburasa ne nza wɔ Yerusalem.

1 Aberɛso Dwirɛ 29:7

Bɛfale sɔ nningyein hemɔ bɛbokale Nyameɛ awuro silɛ nwo adwuma ne: esikaa kɔkorɛ kilo apee ɛyaa ko aburasoo, esikaa kɔkorɛ mbembenanneɛ kilo aburawɔtwɛ ne nna, ɛdwetɛ kilo apee ɛyaa nza aburanna, kɔɔbere kilo apee ɛyaa nzia ne buru, yeɛ buralɛ kilo apepesrala nza, apee ɛyaa nna ne aburannu.

2 Aberɛso Dwirɛ 11:10

Sora, Ayalɔn ne Hebron nwo waen. Bɛte nguro bɔ babɔ bɛ nwo waen wɔ Yuda ne Benyamin ɔ.

Edwein 143:8

Maa nde wɔ ɔdɔ bɔ onni ngasi ne nga ngyerɛmɔ, ofikyɛ wɔ yeɛ mefa me wora mewura wɔ nu ɔ. Maa nwu atee bɔ mva so ɔ; ofikyɛ wɔ yeɛ mepagya me kra mekyire wɔ ɔ.

Edwein 27:4

Nikyee komapɛ yeɛ masrɛ AWURADE ɔ, sɔ nikyee ne yeɛ mepena ye si atee ɔ: ye ole kyɛ ngɔtena AWURADE awuro mmerɛ bɔ nde ase amukoraa, ná manea AWURADE animnyam, ɔne kyɛ me ne ye yɛkoli ngitahoɛ wɔ ye asɔneyɛɛ sua nu ɔ.

Hesekiel 36:37

“AWURADE Nyameɛ nwa nyoo: Asa koso, ngɔma Yisrael awuro ama bɛkɔsrɛ me maa ngɔyɔ ɛhe ngɔma bɛ: Ngɔmaa bɛkɔyɛ mmenia bɔ bata pee kyɛ mmoaen kure ɔ.

Numeri 13:22

Bɛfo bɛɛfale ngwaen dɔ aseɛ ne aso. Beedwuli Hebron, na berɛ yeɛ né Anake bosofoɛ Ahiman, Sesayi ɔne Talmae bɛte ɔ. (Bɛkyekyele Hebron ɔ, afoɛ nzoo koraka yeɛ bɛkyekye Soan bɔ ɔwɔ Misraim ne ɔ.)

Numeri 27:21

Nakoso odi kyɛ ɔba ɔsɔfo Eleasa nyunu maa ɔfa Yurim so obisa AWURADE noa dwirɛ ɔma ye wɔ AWURADE nyunu. AWURADE noa dwirɛ so yeɛ odi kyɛ ɔne Yisrael maen ne amukoraa begyina bɛyɔ nikyee biala ɔ.”

Yosua 15:13

Kyɛbɔ AWURADE hyɛle Yosua nen, ɔfale Yuda abusua kure aseɛ ne bie mane Yefune awa Kalebo. Aseɛ ne ole Kiriate Aba, bɔ ye ole Hebron ne. (Né Aba te Anake baba).

Maenbulɛfoɛ 1:1

Yosua wue asi ne, Yisraelfoɛ bisale AWURADE kyɛ, “Yɛ nu abusua kure beni yeɛ oli moa ɔfa koɛ ɔɔteta Kanaanfoɛ ɔma yɛ ɔ?”

1 Samuel 10:22

Yiti besa bebisale AWURADE kyɛ, “Sɔ sona ne, aso wamma wa bie anaa?” Na AWURADE buale kyɛ, “Ɛ́mɔnea, waafea nningyein bɔ baboaboa ye noa ne anu.”

1 Samuel 23:2

Na Dawide bisale AWURADE kyɛ, “Me ne Filistifoɛ hemɔ yɛɛho anaa?” Yeɛ AWURADE buale Dawide kyɛ, “Ɛne bɛ bɛɛho na de Keila kuro ne.”

1 Samuel 23:4

Dawide bisale AWURADE bieku. Na AWURADE buale ye kyɛ, “Kɔ. Kɔ Keila, na ngɔfa Filistifoɛ ngowura wɔ sa.”

1 Samuel 30:31

Hebron, yeɛ nekaa biala bɔ Dawide ne ye mmenia nemɔ bɛɛbɔle aporɔ ne.