2 Samuel 19:8 - AHYERƐLƐ KRONGRON

⁸ Yiti Nana Dawide dwɔsole ɔɔtenane ase wɔ kuro berɛ pambim ne anwo. Yeɛ bɛɛbɔle mmenia ne amukoraa amaneɛ kyɛ, “Ɛ́mɔtie, Nana aatena kuro wa pambim ne anwo.” Na mmenia ne amukoraa bɛhɔle Nana Dawide berɛ. Sɔ mmerɛ ne, né Yisraelfoɛ amukoraa banwati bahɔ b’awuro.

2 Samuel 19:8 Iomraidhean Croise

2 Samuel 15:2

Alebahyene biala, atee bɔ ɔkɔ kuro berɛ pambim ne anu ne, ɔyɛ a né Absalom dwɔso kogyina so. Na sɛ ebie ɔ́fa ye dwirɛ ba Nana Dawide gya so maa odi a, ɔyɛ a Absalom frɛ ye bisa ye kyɛ, “Efi kuro beni aso?” Na sɛ sɔ sona ne bua ye kyɛ, “W’akoaa, mvi sɔ abusua kure he anu,” a,

2 Samuel 18:17

Bɛyele Absalom, befindini ye bɛtole ɛhɔayeɛ ne anu kumaa piri bie anu, na bɛboaboale nyɔboɛ kure kandinga paa beguale ye so. Na Yisrael koɛhonɛfoɛ amukoraa bɛnwati bɛhɔle b’awuro.

2 Samuel 18:24

Sɔ mmerɛ ne, né Dawide te kuro berɛ pambim nyɔ nemɔ b’afia. Wɛmvoɛ ne fole fasue ne aso hɔle pambim ne ti afia. Ɔtole ye nye, na onwuni kyɛ biaa bie ngome ole amirika ɔba ɔ.

2 Samuel 18:4

Yeɛ Nana Dawide buale bɛ kyɛ, “Bɔ ɛmɔdwene kyɛ ɔte paa biala, ngɔyɔ.” Yiti mmerɛ bɔ koɛhonɛfoɛ ne amukoraa befi kuro berɛ béfite bɛ́kɔ kure kure ɛyaa ɛyaa ne apee apee ne, Nana Dawide oogyinane kuro berɛ pambim ne anwo.

2 Samuel 19:3

Na sɔ kyẽa ne, koɛhonɛfoɛ nemɔ yɛle kudɛɛ bɛwale kuro ne anu, kyɛbɔ koɛhonɛfoɛ bɛnwati befi koɛ nu a, bɛfa ɛfɛrelɛ bewuawua bɛ nwo bɛba ne ala.

1 Ahemvo 22:36

Eyia tɔle ne, ebie teane nu wɔ Yisrael koɛhonɛfoɛ nemɔ anu kyɛ, “Ebiala osa ɔhɔ ye kuro, ebiala osa ɔhɔ ye maen nu!”

2 Ahemvo 14:12

Yisrael lili Yuda so ngonim, na Yuda koɛhonɛfoɛ nemɔ amukoraa bɛnwati bɛhɔle b’awuro.

2 Ahemvo 8:21

Yoram ne ye teaseɛnam amukoraa bɛpɛle nu bɛhɔle Sairi. Ɔhɔle kɔngɔen ɔɔfale koɛ tetale Edomfoɛ ne bɛ teaseɛnam safohene mɔ bɔ né bapɛ ye nwo bayia ne, nakoso Yoram koɛhonɛfoɛ nemɔ de bɛnwatili bɛhɔle awuro.

1 Samuel 4:10

Yiti Filistifoɛ hone koɛ ne. Yisrael lili ngoguo, na koɛhonɛniɛ biala nwati hɔle ye tena sua nu. Mmenia pee totɔle, ofikyɛ Yisrael koɛhonɛniɛ apee aburasa bɔ bɛnate ase yeɛ bɛtotɔle ɔ.