2 Samuel 19:7 - AHYERƐLƐ KRONGRON

⁷ Yiti dwɔso kodwudwo kyire wɔ somvoɛ nemɔ ma b’ahone tɔ nzue nu. Na meta AWURADE ndaen kyɛ, sɛ angɔ a, sona ko po ngɔha wɔ nwo wa ɛnɛ kɔngɔen ye. Na ɛhe kɔyɛ edwirɛ piri paa kɔtra edwirɛ biala bɔ wato wɔ ɔ, fite wɔ mmerandeɛ nu bɔ ɔbaadwu ɛnɛ ɔ.”

2 Samuel 19:7 Iomraidhean Croise

Gyenesise 34:3

Na Sɛkem nye gyele Yakob awa brasua Dina nwo, ohurole taluwa ne, na ɔkorɔkorɔle ye.

2 Samuel 19:6

Ofikyɛ ahyire kyɛ ekuro wɔ pɔfoɛ mɔ dwirɛ, na bɛ bɔ bekuro wɔ dwirɛ ne de, ɛpɔ bɛ. Ɛnɛ amaa wala ali pefee kyɛ, safohene mɔ ne somvoɛ mɔ de, bɛ nwo nhia wɔ. Manwu ye kyɛ, ɛnɛ sɛ Absalom tɛ te ase, bɔ yɛ mukoraa yawuwu a, ahaa ekuro.

Anyandera 14:28

Ɛhene bɔ ole mmenia pee ne, bɛte ye animnyam, nakoso ɛhene bɔ olle mmenia ne, ye tumi kɔ ase.

Anyandera 19:15

Ɛfoen ma sona da hatee, yeɛ akwadworɔ sona di hɔen.

Yesaya 40:1

Ɛmɔ Nyameɛ nwa nyoo, “Ɛ́mɔkyekye, ɛ́mɔkyekye me maen wora.

Hosea 2:14

Yiti tie, ngɔma me hurolɛ kɔwa ye nu, ngɔfa ye ngɔhɔ ɛserɛ so, na ngɔhã ɛkorɔkorɔlɛ dwirɛ ngohyire ye.