2 Samuel 19:4 - AHYERƐLƐ KRONGRON

⁴ Nana Dawide katale ye nyunu, na ɔteane nu suni kyɛ, “Yieee, mma Absalom, Ao Absalom, mma ye, mma ye!”

2 Samuel 19:4 Iomraidhean Croise

2 Samuel 14:1

Seruya awa Yoabo nwuni kyɛ Absalom nwo adwenedwene atɔ Nana Dawide so.

2 Samuel 15:30

Dawide fo hɔle Olive bokaa ne aso. Ɔfo kɔ ne, né osũ, né wakata ye ti so, yeɛ né ye gya gua ase. Mmenia bɔ bɛboka ye so ne amu bɛkatale bɛ ti so, na bɛfale esuɛ yeɛ bɛfo bɛhɔle ɔ.

2 Samuel 18:33

Edwirɛ ne mane Nana Dawide wora bɔle. Na sua bɔ ogyi pambim ne aso ne, ɔfo hɔle nu oosuni. Ɔkɔ ne, né osũ kyɛ, “Yieee, mma Absalom, mma ye, mma Absalom! Ahaa maa nwu ma ɛtena ase e! Ao Absalom, mma ye, mma ye!”

2 Samuel 19:3

Na sɔ kyẽa ne, koɛhonɛfoɛ nemɔ yɛle kudɛɛ bɛwale kuro ne anu, kyɛbɔ koɛhonɛfoɛ bɛnwati befi koɛ nu a, bɛfa ɛfɛrelɛ bewuawua bɛ nwo bɛba ne ala.

2 Samuel 19:5

Yeɛ Yoabo wale Nana Dawide berɛ wɔ sua nu, na osele kyɛ, “Wɔ somvoɛ mɔ bɔ ɛnɛ bale wɔ ne wɔ mma mmienzua, wɔ mma mmrasua, ɛye mɔ ne wɔ sómaa mɔ ngoa ne, agua bɛ mukoraa bɛ nyunu ase ɛnɛ.