2 Samuel 19:18 - AHYERƐLƐ KRONGRON

¹⁸ Sɔ mmerɛ ne ala, mmenia fale Nana Dawide awuro ama beguale ɛlɛen nu kyɛ bɛfa bɛ bɛpɛ asue ne, ná besa bɛyɔ nikyee biala bɔ okuro ɔ bɛma ye. Na mmerɛ bɔ Nana Dawide yɛle kyɛ ɔpɛ asue Yɔɔdan nen, Gera awa Simei oobutuli ye nyunu berɛ,

2 Samuel 19:18 Iomraidhean Croise

2 Samuel 19:17

Benyamin abusua kure ne, né nu mmenia apee ko boka Simei so. Siba bɔ ɔte Sɔɔlo abusua nu somvoɛ ne, ye koso ɔboka so, ɔne ye mma mmienzua buru ne nnu ne ye somvoɛ aburanyɔ. Na bɛhane bɛ nwo bɛhɔle asue Yɔɔdan noa dɔ kyɛ bɛkwaayia Nana Dawide.

2 Samuel 19:19

na osele Nana Dawide kyɛ, “Me mene, mesrɛ wɔ ala, nnɛnea me bɔne bɔ mayɔ ɔ. Nana, me mene, mvomsoɛ bɔ w’akoaa nyɔle ye kyẽa bɔ efili Yerusalem ne, mesrɛ wɔ, bu wɔ nye gua so. Nana, nnɛfa sie wɔ ti anu.

2 Samuel 19:30

Yeɛ Mefibosɛte sele Nana Dawide kyɛ, “Nana, me mene, awuro bɔ asa awa asomdwee nu ne yeɛ ohia ɔ, yiti maa ɔfa ye mukoraa.”

2 Samuel 9:10

Ɛne wɔ mma ne wɔ somvoɛ mɔ, odi kyɛ ɛmɔyɔ aseɛ ne aso adwuma bɛma ye. Fa so aleɛ bra, amaa ɔnate so wɔ mene anomaa Mefibosɛte wanya aleɛ wali. Na wɔ mene anomaa ne de, ɔne me kɔtena ɛpoen ko anwo yɛkodidi daa.” Né Siba le mmaa mmienzua buru ne nnu ne somvoɛ aburanyɔ.

2 Samuel 9:2

Né Sɔɔlo awuro somvoɛ bie wɔ berɛ. Oli Siba. Bɛɛfrɛle ye bɛbrɛle Nana Dawide, na Dawide bisale ye kyɛ, “Wɔ yeɛ eli Siba ne?” Na obuale kyɛ, “Nana, w’akoaa, me ɔ.”

1 Ahemvo 2:8

Benyaminniɛ Gyera bɔ ofi Bahurim ne, ɔwa Simei koso de, nnɛma wɔ wora fi ye. Kyẽa bɔ yeɛ ngɔle Mahanaim ne, ɔborole me amoen paa. Nakoso mmerɛ bɔ ooyiale me wɔ asue Yɔɔdan nwo ne, mvale AWURADE ndale ndaen ngyirele ye kyɛ, ‘Mengɔfa ngrandɛ mengohu wɔ.’

Edwein 66:3

Ɛmɔhã behyire Nyameɛ kyɛ, “Wɔ nnwumaa yɛ nwanwa! Ɔnate wɔ tumi kandinga ne ati, wɔ pɔfoɛ mɔ koto wɔ gya bo.

Edwein 81:15

Sɛ ahaa AWURADE pɔfoɛ mɔ bɛkɔkoto ye nyunu a, ahaa bɛ mmerɛ kɔyɛ afebɔɔ.

Nyekyire 3:9

Tie, ngɔfa bɛ bɔ befi Satan nyianu sua nu, bɔ bɛnwa bɛte Yudafoɛ, nakoso bɛtte sɔ ne, na mmom bɛpɛ ngondombo ne ngɔma wɔ. Tie, ngɔmaa bɛkɔɔkoto wɔ gya bo, ná banwu kyɛ mekuro wɔ dwirɛ.

1 Samuel 22:15

Aso ɛnɛ angome yeɛ mabisa Nyameɛ berɛ dwirɛ mama ye ɔ? Daabi, nna ɛnɛ angome ɔ. Nana, ɛhe de, nnɛfa edwirɛ he susu wɔ somvoɛ, anaa me se abusuaniɛ biala. Ofikyɛ, né wɔ somvoɛ nze edwirɛ he anwo hwee, kyɛ ɔte edwirɛ piri oo, anaa kaaba bie oo.”