2 Samuel 18:9 - AHYERƐLƐ KRONGRON

⁹ Mvum nu, Absalom ne Dawide koɛhonɛfoɛ nemɔ bɔle numbunumbu. Né Absalom te ye afunum so. Afunum ne fale ye ɔɔfale eluii bie bɔ ye mmaen ayɛ sesakaa ɔ bo. Absalom ti nwiaa sotale bakaa mmaen ne anu maa osinzele berɛ bɔ né ye gya nga ase ɔ. Nakoso afunum bɔ ɔte ye so ne de, ɔtoale so hɔle.

2 Samuel 18:9 Iomraidhean Croise

2 Samuel 13:29

Yiti Absalom somvoɛ nemɔ huni Amnɔn kyɛbɔ Absalom hyɛle bɛ ne. Na Dawide mma ngaa ne amu bɛfo bɛtenatenane b’afunum mɔ so bɛnwati bɛhɔle.

2 Samuel 14:26

Sɛ né ɔtete ye ti a, (afoɛnoa biala, sɛ ye ti fu gua ye nwo a, né ɔtete) ɔkari enwiaa ne, na nu nonɛ te kilo nyɔ ne bue, kyɛbɔ ahemvie berɛ kilo nu nonɛ te ɔ.

2 Samuel 17:23

Na Ahitofel nwuni kyɛ bamva ye foɛ bɔ watu nen, ɔfale ye nningyein tale ye afunum si, na osili nu hɔle ye awuro wɔ ye kuro. Ɔtotole ye si yé, na afei ɔɔbɔle ye kɔme. Owuli, na besiele ye wɔ ye baba asieleɛ nu.

2 Samuel 18:10

Biaa bie nwuni ye, na ɔɔbɔle Yoabo amaneɛ kyɛ, “Baanea! Manwu kyɛ Absalom sinze eluii bie aso ɔ.”

2 Samuel 18:14

Na Yoabo sele kyɛ, “Mengɔma ɛngɔsɛkye me mmerɛ sɔ.” Yiti ɔfale pealɛɛ nza tirale, na ɔɔfa wowɔle Absalom ahone so anyekaenn so, wɔ mmerɛ bɔ né Absalom tɛ sinze bakaa ne aso ɔ.

2 Samuel 18:8

Koɛ ne trɛ hɔle porɛ ne anu amukoraa. Na mmenia bɔ bewuwuli ɛhɔayeɛ ne anu sɔ kyẽa nen, bɛsone bɛtra bɛ bɔ bɛtotɔle ngrandɛ noa ɔ.

YOB NWOMAA NE 31:3

Mmenia bɔ bɛndengyɛ ne, aso nna bɛ yeɛ edwirɛ to bɛ ɔ, aso nna amumuyɛɛfoɛ yeɛ asane to bɛ ɔ?

Anyandera 20:20

Ebiala bɔ ɔkɔnoma ɔse anaa oni ne, ye kanea konua wɔ awosii kabii nu.

Anyandera 30:17

Anyeɛ bɔ ɔgoro ye baba anwo, ɔne bɔ ɔpo kyɛ okotie ye maame dwirɛ ne, bɔnza nu anene mɔ kotutu sɔ anyeɛ ne, na kɔleɛ mma mɔ kosuso koli.

Yeremia 48:44

Bɔ ɔkɔnwati ahunundetelɛ ne, ɔkɔtɔ kumaa ne anu, yeɛ bɔ ɔkɔfo kofi kumaa ne anu ne, ngaen ne kɔhye ye. Ofikyɛ ngɔma sɔ nningyein nemɔ kɔwa Moabo so, wɔ b’asohwenɛ afoɛ ne anu, AWURADE noa dwirɛ ɛne.

Mateo 27:5

Na ɔtole ɛdwetɛ ne guale asɔneyɛɛ sua ne anu berɛ, ofili berɛ hɔle, na ɔɔbɔle ye kɔme.

Marko 7:10

Ofikyɛ Mose hane kyɛ, ‘Di ɛse ne eni ni,’ yeɛ: ‘Ebiala bɔ ɔkɔhã ɔse anaa oni nwo dwirɛ tɛɛ ne, ehunɛ yeɛ odi kyɛ beku ye ɔ!’

Galatiafoɛ 3:13

Kristo ɔɔyɛle abusudeɛ mane yɛ, na ɔnate so wapɔ yɛ wafi mmeraa musue nu; ofikyɛ bahyerɛ kyɛ, “Banoma sona biala bɔ basinze ye wɔ bakaa so ɔ.”

Deuteronomi 21:23

nnɛyakyi ye fuin ne bakaa ne aso kɔngɔen ne amu. Sie ye sɔ kyẽa ne ala, ofikyɛ sona bɔ basinze ye bakaa so ne, Nyameɛ anoma ye. Yiti aseɛ bɔ AWURADE wɔ Nyameɛ ɔ́fa ma wɔ maa ɔyɛ w’agyapadeɛ ne, nnɛfa efiɛ ka ye.

Deuteronomi 27:16

“ ‘Musue tó sona biala bɔ onni ɔse ne oni ni ɔ.’ Na mmenia ne amukoraa kosuro so kyɛ, ‘Amen!’

Deuteronomi 27:20

“ ‘Musue tó sona biala bɔ ɔne ɔse aye bɛkɔla ɔ, ofikyɛ onwu ɔse mvealeɛ nu nningyein nwo.’ Na mmenia ne amukoraa kosuro so kyɛ, ‘Amen!’