2 Samuel 18:5 - AHYERƐLƐ KRONGRON

⁵ Na Nana Dawide bɔle Yoabo ne Abisae ne Yitae kɔkɔ kyɛ, “Ɔnate me ti, ɛ́mɔnwu aberandeɛ Absalom anwumvoin.” Na Absalom nwo kɔkɔ bɔ Nana Dawide bɔle safohene ne amu ne, koɛhonɛfoɛ ne amu bɛtele.

2 Samuel 18:5 Iomraidhean Croise

2 Samuel 16:11

Na Dawide sele Abisae ne somvoɛ ne amu kyɛ, “Sɛ me kunu ba po ɔpena me ku me a; nzaade bɔ Benyaminniɛ he ɔ́yɔ ye, ɔnyɛ nwanwa! Ɛ́mɔyakyi ye ma ɔboro amoen ne. Ebiaa AWURADE yeɛ waha wahyire ye kyɛ ɔyɔ sɔ ɔ.

2 Samuel 17:14

Yeɛ Absalom ne Yisraelfoɛ amukoraa besele kyɛ, “Akiniɛ Husae foɛ ne, ɔte paa tra Ahitofel deɛ ne.” Ofikyɛ né AWURADE ahyehyɛ kyɛ ɔkɔma Ahitofel foɛ bɔ ɔte paa ne kɔyɛ mbaen, amaa ɔnate so AWURADE aprapra amaneɛ wagua Absalom so.

2 Samuel 18:12

Nakoso biaa ne buale Yoabo kyɛ, “Sɛ bɛkari ɛdwetɛ apee ko bɛma me po a, mengɔfa me sa ngɔhã Nana Dawide awa ne; ofikyɛ yɛ so anu yeɛ Nana bɔle wɔ ne Abisae ne Yitae kɔkɔ ɔ. Ɔnwa: ‘Ɔnate me ti, ɛ́mɔbɔ aberandeɛ Absalom nwo waen!’

2 Samuel 19:1

Bɛɛbɔle Yoabo amaneɛ kyɛ, “Nana Dawide ósu Absalom, na ódi ye wue nwo aworabɔlɛ.”

Edwein 103:13

Kyɛbɔ seɛ si nwu ye mma anwumvoin ne, sɔ ala yeɛ AWURADE nwu bɛ bɔ besuro ye ɔ anwumvoin ɔ.

Luka 23:34

Na Yesu hane kyɛ, “Baba, fa kyɛ bɛ, ofikyɛ bɛnze bɔ bɛyɔ ɔ!” Na beguale serewa bɛhyɛle ye ndaadeɛ ne bɛfale.