2 Samuel 17:8 - AHYERƐLƐ KRONGRON

⁸ Na Husae toale so sele kyɛ, “Ɛse kyɛ wɔ baba ne ye mmenia nemɔ bɛte koɛhonɛfoɛ, na bɛ nye aboro kyɛ kwabrafo bɔ ebie ahye ye mma wɔ eburo ɔ. Asa koso, wɔ baba se koɛ ko paa, na ɔne koɛhonɛfoɛ nemɔ bɛngɔla neka horɛ kɔngɔen.

2 Samuel 17:8 Iomraidhean Croise

2 Samuel 15:18

Ye mbanyi ne amu bɛɛse bɛpɛle nu wɔ ye nyunu. Na Keretifoɛ amu, Peletifoɛ amu, yeɛ Gitifoɛ ɛyaa nzia amu bɔ belili ye si befili Gate ne, bɛ koso bɛɛpɛle nu wɔ ye nyunu.

2 Samuel 17:9

Na kekesaala ye po, waafea kumaa bie anu, anaa nekaa bie. Sɛ yɛfa koɛ yɛkɔɔtoa bɛ, ná yɛ koɛhonɛfoɛ nemɔ bie totɔ a, ye de ebiala bɔ ɔkɔte ne, ɔkɔha kyɛ, ‘Mmenia bɔ beli Absalom si ne, batotɔ.’

2 Samuel 23:16

Yiti koɛhonɛfoɛ ahoneserɛfoɛ nza nemɔ sili bɛ hue bɛhɔle Filistifoɛ asikyeleɛ ne anu. Na abura bɔ ɔwɔ Betlehem kuro berɛ pambim ne anwo ne, bɛsale nu nzue ne bie bɛbrɛle Dawide. Nakoso wanno, na mmom ohwie guale mane AWURADE;

2 Samuel 23:18

Yoabo aliɛma Abisae bɔ oni ole Seruya ne, né ɔla koɛhonɛfoɛ ahoneserɛfoɛ aburasa nemɔ noa. Ɔhwene ye pealɛɛ ɔne mmenia ɛyaa nza bɛhone. Ohuhuni bɛ, na olele dumaa kyɛ koɛhonɛfoɛ ahoneserɛfoɛ nza nemɔ ala.

2 Ahemvo 2:24

Ɔpɛnene ye nye neane bɛ, na ɔfale AWURADE dumaa payele bɛ. Yeɛ kwabrafo beleɛ nyɔ fili eburo bɛɛtetele mmɛɛmaa nemɔ anu aburanna ne nyɔ nu pasapasa.

Anyandera 17:12

Ɔte paa kyɛ ɛne kwabrafo bɔ bahye ye mma ɔ bɛkɔbɔ numbunumbu tra kyɛ ɛne kwaseaa bɔ ye gyiminɛ awa ɔ kɔbɔ numbunumbu ɔ.

Anyandera 28:15

Maen panyi bɔ ɔfa atianuserɛ di mmenia bɔ bɛyɛ anwumvo so ne, ɔte kyɛ gyata bɔ opo anaa kwabrafo bɔ ye nye aboro ɔ.

Hesekiel 19:2

ná kã kyɛ: Nwa yeɛ ɔte eni ɔ? Ɔte gyata beleɛ bɔ obutu gyata nyii mɔ nu, bɔ ɔtete ye mma mmaa mmaa ɔ.

Daniel 7:5

Nwuni kaka bɔ ɔtɔ so nyɔ ɔ, na né ɔte kyɛ kwabrafo. Né wadwɔso wagyina berɛ watɔ wahɔ ye bue ko; né amveɛ mbaleɛ nza wura ye noa nu, wɔ ye gye nemɔ b’afia. Na besele ye kyɛ, ‘Dwɔso di naen pee!’

Hosea 13:8

Ngɔto ngɔhye bɛ kyɛ kwabrafo bɔ basesa ye mma mɔ bahɔ ɔ, na ngɔtete bɛ hue bɔ obutu b’ahone so ne anu; berɛ yeɛ ngohũhũ bɛ kyɛ gyata, kyɛbɔ kaka aboyaa kɔtete bɛ nu ɔ.

Maenbulɛfoɛ 18:25

Na Danfoɛ sele ye kyɛ, “Nnɛteatea nu gua yɛ so. Sɛ ɛyɔ sɔ a, mmenia bɔ bafɛ yaa paa kɔwa wɔ so, na ɛne w’awuro ama ɛmɔkɔhwere ɛmɔ ngoa.”

1 Samuel 16:18

Na mmerandeɛ nemɔ anu ko buale kyɛ, “Manwu Betlehemniɛ Yese ɔwa bienzua bie kyɛ ɔse ye bɔ paa. Ɔte ahoneserɛniɛ, koɛhonɛniɛ, ye noa ate, ye nwo yɛ nyemene, na AWURADE gyi ye si.”

1 Samuel 17:50

Yiti taya ɔne nyɔboɛ yeɛ Dawide fa lili Filistiniɛ ne so ngonim ɔ. Ɔto bɔle Filistiniɛ ne huni ye. Né Dawide de ottira ngrandɛ biala.

1 Samuel 23:23

Ɛmɔɔpena benwu ye afealeɛ ne amukoraa, ná ɛ́mɔfa ye nwo amaneɛ pɔtee bɛɛbɔ me. Ɔba ye sɔ a, me ne ɛmɔ yɛkɔhɔ. Na sɛ ɔwɔ mbɔtam berɛ angome de a, ye de ngɔpena ye wɔ Yuda mmusua amukoraa nu.”